Thursday, November 19, 2026||
MultiKhabarMultiKhabar

‘मनी म्युल’का रूपमा युवा प्रयोग, ठगी गिरोहले बेरोजगार र वृद्धवृद्धालाई शिकार बनाउँदै गरेको सरकारको चेतावनी

Share:WhatsAppFacebookX (Twitter)Telegram
‘मनी म्युल’का रूपमा युवा प्रयोग, ठगी गिरोहले बेरोजगार र वृद्धवृद्धालाई शिकार बनाउँदै गरेको सरकारको चेतावनी
Photo / Coverage: टेक्नोलोजी खबर

साइबर ठगीमा संलग्न संगठित गिरोहले बेरोजगार युवायुवती तथा वृद्धवृद्धालाई विभिन्न बहानामा बैंक खाता खोल्न लगाई त्यसलाई आफ्नो नियन्त्रणमा लिने गरेको भन्दै गृह मन्त्रालयले चिन्ता व्यक्त गरेको छ। मन्त्रालयले हालै स्वीकृत गरेको ‘एकीकृत साइबर स्क्याम प्रतिकार्य केन्द्र’ दिग्दर्शन-२०८३ ले यस्तो प्रवृत्ति बढ्दै गएको औंल्याएको छ। दिग्दर्शनअनुसार गिरोहहरूले वित्तीय असाक्षरताको फाइदा उठाउँदै मानिसलाई खाता खोल्न लगाउँछन् र उक्त खाताको डिजिटल भुक्तानी प्रणाली वा डेबिट कार्ड आफ्नो नियन्त्रणमा लिन्छन्। कतिपय अवस्थामा विभिन्न बहानामा रकम स्थानान्तरण गर्न लगाइने गरेको पनि उल्लेख छ। अवैध कारोबार गर्ने/गराउने उद्देश्यले यसरी खोलिएका ‘मनी म्युल’ खातामार्फत वित्तीय क्षेत्रको संवेदनशीलता थप बढेको दिग्दर्शनमा भनिएको छ। मनी म्युलका रूपमा प्रयोग गरिएका युवाहरू जानी–नजानी संगठित अपराधको सञ्जालमा फस्ने जोखिम बढ्दो रहेको पनि दिग्दर्शनले उल्लेख गरेको छ। यसले खाताधनीलाई समेत कानुनी झन्झटमा पार्न सक्ने संकेत गर्छ। दिग्दर्शनले स्क्यामबाट सङ्कलित रकम सम्पत्ति शुद्धीकरण, लागुपदार्थ कारोबार, क्रिप्टो कारोबार र अवैध रेमिट्यान्स सेटलमेन्टमा प्रयोग भइरहेको देखिएको उल्लेख गरेको छ। विदेशमा अवैध रूपमा स्थापित स्क्याम कल सेन्टरहरूले नेपाली बैंक खाता तथा इ-वालेटलाई लक्षित गर्ने गरेको तथा मनी म्युलमार्फत विभिन्न खातामा लेयरिङ गरी अवैध रेमिट्यान्स (हुन्डी) बाट प्राप्त रकम वा अन्य प्रयोजनका लागि प्राप्त रकम वापत समेत स्क्याम भएको रकमलाई रकमान्तर गराइने वा नगद निकासी (क्यास-आउट) गरिने प्रवृत्ति बढेको छ। यस्तो प्रवृत्ति रोक्न केन्द्रले मनी म्युल सञ्जाल तथा वालेटको सञ्जाल विश्लेषण गर्ने र जोखिम सूची (watch list) व्यवस्थापन गर्ने कार्यक्षेत्र तोकिएको छ। साथै, मनी म्युल खाताको पहिचान गरी रोक्का गर्न बैंक तथा वित्तीय संस्थाहरूले आफ्ना ग्राहक पहिचान विवरण (केवाईसी), खाता खोल्दाको विवरण (एओएफ), बैंक स्टेटमेन्ट, आईपी लग आदि विश्लेषण गर्नुपर्ने व्यवस्था गरिएको छ। मन्त्रालयले सर्वसाधारणलाई अपरिचित व्यक्तिको कुनै पनि प्रलोभनमा परेर आफ्नो नाममा खोलिएको खाता, कार्ड वा डिजिटल वालेट अरूको नियन्त्रणमा नदिन सचेत रहन आग्रह गरेको छ। The post ‘मनी म्युल’का रूपमा युवा प्रयोग, ठगी गिरोहले बेरोजगार र वृद्धवृद्धालाई शिकार बनाउँदै गरेको सरकारको चेतावनी appeared first on Technology Khabar.

Share:WhatsAppFacebookX (Twitter)Telegram

Read Complete Original Article

Published originally on टेक्नोलोजी खबर

Visit Publisher Site →

Related News

🇳🇵 Nepal
राति पनि सौर्य ऊर्जा उत्पादन गर्न अन्तरिक्षमा हजारौँ ऐना पठाउने तयारीमा रिफ्लेक्ट अर्बिटल
TechnologyJust now

राति पनि सौर्य ऊर्जा उत्पादन गर्न अन्तरिक्षमा हजारौँ ऐना पठाउने तयारीमा रिफ्लेक्ट अर्बिटल

रातको समयमा पनि सौर्य ऊर्जा उत्पादन गर्न सकिने प्रविधि विकास गर्ने उद्देश्यसहित अमेरिकी स्टार्टअप कम्पनी रिफ्लेक्ट अर्बिटलले अन्तरिक्षमा सूर्यको प्रकाश परावर्तन गर्ने हजारौँ ऐना पठाउने योजना अघि बढाएको छ। कम्पनीले सौर्य फार्महरूमा रातको समयमा समेत सूर्यको प्रकाश पुर्‍याउन पृथ्वीको कक्षमा ऐना जडित स्याटेलाइटहरूको समूह राख्न लागेको हो। यसबाट सौर्य ऊर्जा उत्पादनको समय बढाउनुका साथै आवश्यक परेको समयमा स्वच्छ ऊर्जा उपलब्ध गराउन ...

टेक्नोलोजी खबर
एआई प्रयोगमा व्यवसायलाई जिम्मेवार बनाउँदै न्युजिल्यान्ड
TechnologyJust now

एआई प्रयोगमा व्यवसायलाई जिम्मेवार बनाउँदै न्युजिल्यान्ड

न्युजिल्यान्डको कमर्स कमिसनले व्यवसायमा कृत्रिम बुद्धिमत्ता (एआई) को प्रयोग गर्दा प्रतिस्पर्धा तथा उपभोक्ता संरक्षणसम्बन्धी कानुनी व्यवस्था कसरी लागू हुन्छ भन्ने विषयमा नयाँ निर्देशिका जारी गरेको छ। कमर्स कमिसनकी उपाध्यक्ष एनी क्यालिननले बुधबार जारी गरेको विज्ञप्तिमा एआईले व्यवसाय सञ्चालनको शैलीमा परिवर्तन ल्याए पनि यसले व्यवसायको कानुनी दायित्वमा कुनै परिवर्तन नगर्ने बताएकी छन्। उनका अनुसार निर्णय मानिसले गरे पनि, एल्गोरिदम वा एआई ...

टेक्नोलोजी खबर
भारतमा अमेजनको सात अर्ब डलर लगानी
TechnologyJust now

भारतमा अमेजनको सात अर्ब डलर लगानी

अमेरिकी बहुराष्ट्रिय कम्पनी अमेजनले भारतमा स्वच्छ ऊर्जा उत्पादन विस्तार गर्न सन् २०३० सम्ममा सात अर्ब अमेरिकी डलर (करिब ९ खर्ब ८० अर्ब रुपैयाँ) लगानी गर्ने घोषणा गरेको छ। यस लगानीबाट भारतमा नवीकरणीय ऊर्जा उत्पादन बढाउनुका साथै कम्पनीका सञ्चालनमा प्रयोग हुने विद्युतको कार्बन उत्सर्जन घटाउन सहयोग पुग्ने अपेक्षा गरिएको छ। भारतले सन् २०३० सम्म पाँच सय गिगावाट स्वच्छ ऊर्जा उत्पादन क्षमता पुर्याउने ...

टेक्नोलोजी खबर
डाटा चोरीको घटनामा करिब १ लाख ५० हजार उबर चालकको लाइसेन्स विवरण चोरी
TechnologyJust now

डाटा चोरीको घटनामा करिब १ लाख ५० हजार उबर चालकको लाइसेन्स विवरण चोरी

उबरले आफ्नो एक प्रविधि सेवा प्रदायक कम्पनीमा अक्टोबरमा भएको डाटा चोरीको घटनामा करिब १ लाख ५० हजार चालकको व्यक्तिगत तथा सवारी चालक अनुमतिपत्र (लाइसेन्स) सम्बन्धी विवरण चोरी भएको जनाएको छ। अमेरिकाका विभिन्न राज्यका महान्यायाधिवक्ताको कार्यालयमा यसै साता दर्ता गरिएका सूचनाअनुसार, क्यालिफोर्निया र आयोवासहितका राज्यमा उबरले उक्त घटनाबारे जानकारी गराएको छ। उबरका अनुसार, अक्टोबर ९ मा सेवा प्रदायक कम्पनीले ह्याकरहरूले आफ्नो प्रणालीमा ...

टेक्नोलोजी खबर
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play