काठमाडौँ । मकवानपुरमा प्रहरीले कारको डिकीबाट ११७ किलो ९१० ग्राम गाँजा बरामद गरेको छ। भीमफेदी गाउँपालिका–२ भैँसेस्थित प्रहरी चेकपोस्टमा गए राति नियमित चेकजाँचका क्रममा गाँजा बरामद भएको हो। प्रहरीका अनुसार राति करिब १ः४० बजे पालुङबाट भैँसेतर्फ आउँदै गरेको बा ४४३१ नम्बरको कारलाई जाँचका लागि रोकिएको थियो। सो क्रममा चालकले डिकीमा केही नभएको बताएर फरार भएपछि प्रहरीले कारको डिकी खोलेर जाँच गरेको थियो। जाँचका क्रममा डिकीभित्र साना–ठूला गरी गाँजाका ९ वटा पोका फेला परेका थिए। तौल गर्दा ११७ किलो ९१० ग्राम गाँजा रहेको पुष्टि भएको प्रहरीले जनाएको छ। गाँजा बरामद भए पनि कार चालकको पहिचान खुल्न सकेको छैन। फरार चालकको खोजी भइरहेको प्रहरीले जनाएको छ। बरामद कार र गाँजा जिल्ला प्रहरी कार्यालय मकवानपुरमा राखी थप अनुसन्धान अघि बढाइएको छ।
कारको डिकीबाट ११७ किलो गाँजा बरामद, चालक फरार

Read Complete Original Article
Published originally on लुम्बिनी सञ्चार






