Wednesday, November 18, 2026||
MultiKhabarMultiKhabar

पर्सामा एक महिनामा ११८ अपराधका घटना, १२२ प्रतिवादी पक्राउ

Share:WhatsAppFacebookX (Twitter)Telegram
पर्सामा एक महिनामा ११८ अपराधका घटना, १२२ प्रतिवादी पक्राउ
Photo / Coverage: नेपालन्युज

वीरगञ्ज । जिल्ला प्रहरी कार्यालय पर्साले २०८३ साल कात्तिक महिनामा अपराध नियन्त्रण, अनुसन्धान, लागूऔषध कारोबार नियन्त्रण तथा अवैध गतिविधिविरुद्ध सञ्चालन गरेका विभिन्न कारबाहीको विवरण सार्वजनिक गरेको छ। जिल्ला प्रहरी कार्यालय पर्साका प्रहरी उपरीक्षक (एसपी) पवनकुमार भट्टराईका अनुसार कात्तिक महिनामा जिल्लाभर विभिन्न प्रकृतिका ११८ वटा अपराधका घटना दर्ता भएका छन्। तीमध्ये ज्यानसम्बन्धी ११, आत्महत्यासम्बन्धी ८, चोरीसम्बन्धी ८, संगठित तथा सामाजिक अपराध २२, आर्थिक अपराध ४९, बालबालिकासम्बन्धी अपराध ४, सवारी ज्यानसम्बन्धी २ र अन्य प्रकृतिका १४ घटना रहेका छन्। प्रहरीले चालु मुद्दाका फरार तथा प्रतिवादीमध्ये १२२ जनालाई पक्राउ गरेको छ। त्यसैगरी अदालतबाट फैसला भई कार्यान्वयन हुन बाँकी रहेका मुद्दामा ८५ जनालाई पक्राउ गरिएको छ। उनीहरूबाट २५ वर्ष १० महिना ३ दिन कैद तथा ३२ लाख ७ हजार ६३२ रुपैयाँ जरिवाना असुल गर्नुपर्ने विवरणमा उल्लेख छ। कात्तिक महिनामा जघन्य तथा गम्भीर अपराधअन्तर्गत कर्तव्य ज्यानको एउटा, हातहतियारसम्बन्धी एउटा र आर्थिक अपराधअन्तर्गत बैंकिङ कसुरका १४, ठगीका दुई तथा मुद्रासम्बन्धी दुई मुद्दा दर्ता भएका छन्। यस अवधिमा गम्भीर तथा आर्थिक अपराधसम्बन्धी कुल २० घटना दर्ता भएको प्रहरीले जनाएको छ। लागूऔषध कारोबारमा १७ जना पक्राउ लागूऔषध नियन्त्रण अभियानअन्तर्गत प्रहरीले कात्तिक महिनामा १४ वटा मुद्दा दर्ता गरी १७ जनालाई पक्राउ गरेको छ। प्रहरीले ३८ ग्राम गाँजा, ६५ ग्राम ८५८ मिलिग्राम ब्राउन सुगर र १४ ग्राम ६४० मिलिग्राम चरेस बरामद गरेको छ। त्यसैगरी लागूऔषधका रूपमा प्रयोग हुने नाइट्राजेपाम ट्याब्लेट, बुप्रेनोर्फिनका २८ एम्पुल, डाइजेपामका ३७ एम्पुल र प्रोमेथाजिन हाइड्रोक्लोराइडका १९ एम्पुल बरामद गरिएको विवरणमा उल्लेख छ। लागूऔषध नियन्त्रण तथा सचेतना अभियानअन्तर्गत समुदाय केन्द्रित कार्यक्रमसमेत सञ्चालन गरिएको छ। प्रहरीले लागूऔषधसम्बन्धी ३१ वटा कार्यक्रममार्फत ५१४ जनालाई सचेत गराएको जनाएको छ। भन्सार छलीका ७० लाखभन्दा बढीका सामान बरामद अवैध भन्सार छली तथा राजस्व चुहावट नियन्त्रणका क्रममा प्रहरीले ७० लाख ७० हजार ७९६ रुपैयाँ बराबरका सामान बरामद गरेको छ। उक्त कारबाहीमा कुनै व्यक्ति पक्राउ परेको विवरण भने छैन। त्यसैगरी अवैध मदिरा नियन्त्रण अभियानअन्तर्गत ६ हजार २६३ लिटर मदिरा र ६ हजार ३८० लिटर कच्चा पदार्थ बरामद गरिएको छ। यस क्रममा ११ जना पक्राउ परेका छन्। प्राकृतिक स्रोतको अवैध दोहन नियन्त्रणका क्रममा बालुवा, ढुंगा र गिट्टी ओसारपसारमा प्रयोग गरिएका १० वटा ट्र्याक्टर नियन्त्रणमा लिइएको छ। उक्त कारबाहीबाट ५० हजार रुपैयाँ जरिवाना गरिएको छ। अवैध वन पैदावार नियन्त्रणतर्फ १० वटा सवारीसाधन नियन्त्रणमा लिएर ३९ क्युबिक फिट काठ बरामद गरिएको छ। यसबाट एक लाख ९५ हजार रुपैयाँ राजस्व तथा जरिवाना प्राप्त भएको विवरणमा उल्लेख छ। एक महिनामा ३७ सवारी दुर्घटना, दुई जनाको मृत्यु कात्तिक महिनामा पर्सा जिल्लामा ३७ वटा सवारी दुर्घटना भएका छन्। दुर्घटनामा दुई जनाको मृत्यु भएको छ भने २८ जना घाइते भएका छन्। दुर्घटनामा ६० वटा सवारीसाधन संलग्न रहेको प्रहरीको तथ्यांक छ। दुर्घटनाका कारण विश्लेषण गर्दा चालकको कारण ११, सवारीसाधनको अवस्थाका कारण २१ र यात्रुको कारण पाँचवटा दुर्घटना भएको उल्लेख छ। ट्राफिक नियम उल्लंघन गर्ने ९४१ वटा सवारीसाधनलाई कारबाही गरी १० लाख ८७ हजार ५०० रुपैयाँ राजस्व संकलन गरिएको छ। दुर्घटनाका क्रममा प्रहरीले ३० वटा सवारीसाधनको उद्धारसमेत गरेको छ। घरेलु हिंसाका २७ उजुरी, सबैमा मिलापत्र महिला, बालबालिका तथा ज्येष्ठ नागरिकतर्फ कात्तिक महिनामा २७ वटा उजुरी दर्ता भएका छन्। सबै २७ वटै उजुरीमा मिलापत्र गराइएको प्रहरीको विवरणमा उल्लेख छ। त्यसैगरी घरेलु हिंसासम्बन्धी उजुरीका अतिरिक्त प्रत्यक्ष प्रहरी कार्यालयमा १९५ र जिल्ला प्रशासन कार्यालयमार्फत ३७ गरी जम्मा २३२ वटा ठाडो उजुरी प्राप्त भएका छन्। प्राप्त सबै उजुरी फर्छ्यौट गरिएको प्रहरीले जनाएको छ। यस अवधिमा हराएका २६ जनामध्ये २१ जना फेला परेका छन्। हराउनेमा नौ महिला, दुई बालक र १५ बालिका रहेको विवरणमा उल्लेख छ। फेला पर्नेमा सात महिला, एक बालक र १३ बालिका रहेका छन्। अपराध नियन्त्रणका लागि विशेष निगरानी प्रहरीले अपराध न्यूनीकरणका लागि सीसीटीभी, क्यूआर तथा डिजिटल निगरानी प्रविधिको प्रयोग, सामाजिक सञ्जाल निगरानी, गोप्य सूचना संकलन, नियमित गस्ती, पैदल गस्ती, मोबाइल क्विक रेस्पोन्स टोली परिचालन तथा सीमा क्षेत्रमा निगरानी बढाएको जनाएको छ। अपराधिक पृष्ठभूमि भएका व्यक्तिहरूको विगतका घटनामा संलग्नताका आधारमा ३५ वटा प्रोफाइलसमेत तयार गरिएको छ। रातिको समयमा वरिष्ठ प्रहरी अधिकृतको कमान्डमा चेकिङ तथा २४ घण्टा स्ट्यान्डबाइ टोली परिचालन गर्ने व्यवस्था मिलाइएको प्रहरीले जनाएको छ। प्रहरी कर्मचारीको मनोबल वृद्धि, सेवा प्रवाहमा सुधार तथा नागरिकमैत्री प्रहरी प्रशासन निर्माणका लागि समेत विभिन्न गतिविधि सञ्चालन गरिएको छ। जिल्ला प्रहरी कार्यालय पर्साले कात्तिक महिनामा अपराध नियन्त्रण, लागूऔषध कारोबार नियन्त्रण, तस्करी नियन्त्रण, ट्राफिक व्यवस्थापन तथा नागरिक सुरक्षालाई प्राथमिकतामा राखेर काम गरेको जनाएको छ।

Share:WhatsAppFacebookX (Twitter)Telegram

Read Complete Original Article

Published originally on नेपालन्युज

Visit Publisher Site →

Related News

🇳🇵 Nepal
प्रधानमन्त्रीको भारत भ्रमणबारे के भन्छन् पूर्वपरराष्ट्रमन्त्रीहरु ?
Latest NewsJust now

प्रधानमन्त्रीको भारत भ्रमणबारे के भन्छन् पूर्वपरराष्ट्रमन्त्रीहरु ?

राष्ट्रिय स्वार्थलाई केन्द्रमा राखेर भारतसँग आत्मविश्वासका साथ प्रस्तुत हुन पूर्वपरराष्ट्रमन्त्रीहरूको सुझाव ...

कान्तिपुर
एनपीएल : चितवनबाट कामिल मिशाराले बनाए शतक
Latest NewsJust now

एनपीएल : चितवनबाट कामिल मिशाराले बनाए शतक

काठमाडौं । तेस्रो संस्करणको नेपाल प्रिमियर लिग (एनपीएल) मा काठमाण्डू गोर्खाजविरुद्ध चितवन राइनोजका कामिल मिशाराले शतक पूरा गरेका छन् । कीर्तिपुरस्थित त्रिवि क्रिकेट मैदानमा जारी खेलमा ५३ बलको क्षतिमा मिशाराले १०० रन बनाएका हुन् । आजको खेलमा टस जितेर पहिले ब्याटिङ रोजेको चितवन राइनोजले उत्कृष्ट प्रदर्शन गरेको हो । यो समाचार तयार पार्दासम्म चितवनको २ […] ...

लोकपथ
काभ्रेको बल्थली माउन्टेन रिसोर्टबाट ३५ जापानी र ५ चिनियाँ नागरिक पक्राउ
Latest NewsJust now

काभ्रेको बल्थली माउन्टेन रिसोर्टबाट ३५ जापानी र ५ चिनियाँ नागरिक पक्राउ

प्रहरीले शंकास्पद गतिविधि गरेको आरोपमा काभ्रेपलाञ्चोकको बल्थली माउन्टेन रिसोर्टबाट ३५ जापानी र ५ चिनियाँ नागरिकसहित ४० जना पक्राउ गरेको छ। यसअघि मंगलबार पनि काभ्रेकै पाँचखाल नगरपालिका–७ शिखरपुरस्थित ह्वाइट पार्क रिसोर्टबाट ३६ जना चिनियाँ नागरिकलाई प्रहरीले नियन्त्रणमा लिएको थियो। ...

नेपालखबर
एनपीएलमा कमिल मिशाराको शतक
Latest NewsJust now

एनपीएलमा कमिल मिशाराको शतक

नेपाल प्रिमियर लिग (एनपीएल) को एलिमिनेटर खेलमा काठमाडौं गोखार्जविरुद्ध चितवन राइनोजका ओपनर कमिल मिशाराले शतक प्रहार गरेका छन्।  उनले १८औँ ओभरमा ५३ बलमा चार चौका र आठ छक्काको सहयोगमा शतक पूरा गरेका हुन्। जारी एनपीएलमा शतक पूरा गर्ने कमिल दोस्रो खेलाडी हुन्।  यसअघि पोखरा एभेन्जर्सका युवराज साम्राले कर्णाली याक्सविरुद्ध शतक पूरा गरेका थिए। एनपीएलमा... ...

नेपालखबर
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play