Sunday, November 22, 2026||
MultiKhabarMultiKhabar

दशौँ राष्ट्रिय खेलकुदले कर्णालीको पहिचान र सम्भावनालाई राष्ट्रियस्तरमा चिनाउनेछ : प्रधानमन्त्री साह

Share:WhatsAppFacebookX (Twitter)Telegram
दशौँ राष्ट्रिय खेलकुदले कर्णालीको पहिचान र सम्भावनालाई राष्ट्रियस्तरमा चिनाउनेछ : प्रधानमन्त्री साह
Photo / Coverage: जनताटाइम्स

काठमाडौं, मंसिर ६ । प्रधानमन्त्री बालेन्द्र साहले दशौँ राष्ट्रिय खेलकुद प्रतियोगिताले खेलकुदको विकाससँगै कर्णाली प्रदेशको भूगोल, संस्कृति, इतिहास र आर्थिक सम्भावनालाई राष्ट्रियस्तरमा चिनाउन महत्वपूर्ण भूमिका खेल्ने विश्वास व्यक्त गर्नुभएको छ । प्रधानमन्त्री साहले सामाजिक सञ्जाल फेसबुक मार्फत शुभकामना सन्देश जारी गर्दै यसपटक कर्णाली प्रदेशमा आयोजना हुन लागेको राष्ट्रिय खेलकुद प्रतियोगितालाई नागरिकस्तरबाटै साथ र समर्थन गर्न आग्रह गर्नुभएको हो । उहाँले सन्देशमा लेख्नुभएको छ, “प्रिय कर्णाली, घरेलु खेलकुदको सबैभन्दा ठूलो उत्सव राष्ट्रिय खेलकुद प्रतियोगिताको दशौँ संस्करण यसपटक तपाईंहरूको प्रदेशमा आयोजना हुँदैछ ।” दशौँ राष्ट्रिय खेलकुद प्रतियोगिताको औपचारिक उद्घाटन मंसिर १६ गते सुर्खेतको वीरेन्द्रनगरस्थित कर्णाली प्रदेश रङ्गशालामा हुने तय भएको छ भने मुख्य खेलहरू मंसिर ८ गतेदेखि नै सुरु हुने प्रधानमन्त्री साहले उल्लेख गर्नुभएको छ । प्रतियोगितामा राष्ट्रियस्तरका आठ हजारभन्दा बढी खेलाडी, अफिसियल तथा खेल अधिकारीहरू कर्णाली प्रदेशका विभिन्न जिल्लामा सञ्चालन हुने खेलहरूमा सहभागी हुने उहाँले जानकारी दिनुभएको छ । कर्णाली प्रदेशले पहिलोपटक यति ठूलो खेलकुद महाकुम्भ आयोजना गर्न लागेको उल्लेख गर्दै प्रधानमन्त्री साहले प्रतियोगिताले नयाँ खेलाडीको पहिचान र खेलाडीलाई प्रतिस्पर्धाको अवसर प्रदान गर्नुका साथै खेल पूर्वाधार विकासमा समेत महत्वपूर्ण योगदान पुर्‍याउने बताउनुभएको छ । उहाँले भन्नुभएको छ, “यस प्रतियोगिताले नयाँ खेलाडीको पहिचान, खेलाडीलाई प्रतिस्पर्धाको अवसर र खेल पूर्वाधारको विकासमा महत्वपूर्ण योगदान पुर्‍याउनेछ । साथै, खेलकुदको माध्यमबाट कर्णालीको भूगोल, संस्कृति, इतिहास र आर्थिक सम्भावनालाई राष्ट्रियस्तरमा चिनाउनसमेत महत्वपूर्ण भूमिका खेल्नेछ । त्यसैले तपाईंहरू नागरिकस्तरबाटै यस खेलकुदलाई साथ र समर्थन गर्नुहुनेछ भन्ने अपेक्षा राख्दछु ।” हरेक दुई वर्षमा आयोजना गर्ने लक्ष्यसहित सुरु गरिएको राष्ट्रिय खेलकुद प्रतियोगिताका अहिलेसम्म नौवटा संस्करण मात्रै आयोजना हुन सकेको विषयलाई प्रधानमन्त्री साहले दुःखद पक्षका रूपमा औँल्याउनुभएको छ । अब सरकारले प्रतियोगिताको मूल उद्देश्यअनुरूप नियमित रूपमा आयोजना गर्न तथा यसको स्तर अभिवृद्धि गर्न गम्भीरतापूर्वक काम गर्ने प्रतिबद्धता पनि उहाँले व्यक्त गर्नुभएको छ । प्रधानमन्त्री साहले दशौँ राष्ट्रिय खेलकुद प्रतियोगिताले खेलकुदको विकाससँगै राष्ट्रिय एकता र आपसी सद्भावलाई थप बलियो बनाउन प्रेरणा प्रदान गर्ने विश्वास व्यक्त गर्दै प्रतियोगिताको सफल आयोजनाका लागि शुभकामना दिनुभएको छ । उहाँले आफ्नो शुभकामना सन्देशको अन्त्यमा “जय कर्णाली ! जय खेलकुद ! जय जय नेपाल !” भन्दै प्रतियोगिताप्रति ऐक्यबद्धता व्यक्त गर्नुभएको छ ।

Share:WhatsAppFacebookX (Twitter)Telegram

Read Complete Original Article

Published originally on जनताटाइम्स

Visit Publisher Site →

Related News

🇳🇵 Nepal
युएईविरुद्धको जित्नै पर्ने खेलमा नेपालले टस जित्यो
PoliticsJust now

युएईविरुद्धको जित्नै पर्ने खेलमा नेपालले टस जित्यो

एसिसी एसिया कप राइजिङ स्टार्सअन्तर्गत आफ्नो दोस्रो खेलमा नेपालले यूएईविरुद्ध टस जितेर पहिले बलिङ गर्ने निर्णय गरेको छ । पहिलो खेलमा भारतसँग निराशाजनक हार बेहोरेको नेपाल आज यूएईलाई पराजित गर्दै प्रतियोगितामा पुनरागमन गर्ने लक्ष्यमा छ । भारतविरुद्धको पहिलो खेलमा नेपाली टोलीको ब्याटिङ र बलिङ दुवै कमजोर देखिएका थिए। बलियो भारतीय टोलीविरुद्ध नेपालले अपेक्षाअनुसारको चुनौती प्रस्तुत गर्न सकेन । त्यसैले यूएईविरुद्धको खेलमा ...

फरकधार
सुस्तामा नेपालकै लामो झोलुङ्गे पुल, स्थानीयलाई सहज [तस्बिरहरू]
PoliticsJust now

सुस्तामा नेपालकै लामो झोलुङ्गे पुल, स्थानीयलाई सहज [तस्बिरहरू]

लुम्बिनी प्रदेशको नवलपरासीस्थित सुस्ता गाउँपालिका वडा नम्बर ५ नारायणी नदीमा निर्माण भएको संभवत लामो झोलुङ्गे पुल निर्माणले स्थानीयलाई आवतजावतमा सहज भएको छ । १,५७१ मिटर लम्बाइको यो पुल राष्ट्रपति रामचन्द्र पौडेलले २०८१ साल असोज १८ गते उद्घाटन गरेका हुन । सुस्ता र सकरदिनहीलाई जोड्ने यस पुललाई नेपालकै सबैभन्दा लामो मानिएको छ ।   ...

फरकधार
विवादमा तानिएका एनभिडियाका पूर्व-सिइओ जेन्सेन हुआङ अमेरिकी सिनेटमा बयान दिन सहमत
PoliticsJust now

विवादमा तानिएका एनभिडियाका पूर्व-सिइओ जेन्सेन हुआङ अमेरिकी सिनेटमा बयान दिन सहमत

एनभिडियाका पूर्व-सिइओ जेन्सेन हुआङ अमेरिकी सिनेटको सार्वजनिक सुनुवाइमा बयान दिन सहमत भएका छन्। रिपब्लिकन पार्टीका अमेरिकी सिनेटर टिम स्कटका एक सहयोगीले शुक्रबार जारी गरेको विज्ञप्तिमा यो जानकारी दिएका हुन्। एक चिनियाँ जासुस भएको आरोप लागेकी महिलासँग हुआङको सम्बन्ध रहेको आरोपबारे सांसदहरूले अनुसन्धान गरिरहेका छन्। न्युयोर्क टाइम्सको एक रिपोर्टपछि हुआङमाथि अमेरिकी सांसदहरूको ध्यान झन् बढेको छ। ती महिलासँग हुआङको प्रेम सम्बन्ध रहेको उक्त ...

फरकधार
दुई अर्ब डलरको सहुलियतपूर्ण ऋण र अनुदान प्रस्तावमा भारत सकारात्मक, हवाई रुटमा सहमति जुटेन
PoliticsJust now

दुई अर्ब डलरको सहुलियतपूर्ण ऋण र अनुदान प्रस्तावमा भारत सकारात्मक, हवाई रुटमा सहमति जुटेन

काठमाडौं, मङ्सिर ६ । प्रधानमन्त्री वालेन्द्र शाहको भारत भ्रमणअघि नेपालले प्रस्ताव गरेको दुई अर्ब अमेरिकी डलर बराबरको सहुलियतपूर्ण ऋण तथा अनुदानमा भारत सकारात्मक देखिएको छ । तर, नेपालले लामो समयदेखि उठाउँदै आएको थप हवाई रुट उपलब्ध गराउने विषयमा भने दुई देशबीच सहमति जुट्न सकेको छैन । प्रधानमन्त्री शाहको दुईदिने भारत भ्रमणको पूर्वसन्ध्यामा दुवै देशका अधिकारीबीच भएको छलफलमा आर्थिक सहयोगको प्रस्तावप्रति भारतले ...

जनताटाइम्स
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play