एनपीएल : शीर्ष स्थानमा उक्लने दाउमा लुम्बिनी, पहिलो जितको खोजीमा पोखरा

<p> <p>काठमाडौं । नेपाल प्रिमियर लिग (एनपीएल) क्रिकेटअन्तर्गत मंगलबारको दोस्रो खेलमा लुम्बिनी लायन्स र पोखरा एभेन्जर्सबीच प्रतिस्पर्धा हुँदैछ। त्रिवि अन्तर्राष्ट्रिय क्रिकेट मैदान कीर्तिपुरमा भएको टसमा लुम्बिनीका कप्तान रोहित पौडेलले टस जितेर पोखरालाई पहिले ब्याटिङको निम्तो दिएका छन्।</p></p> <p> <p>तीन अंकसहित पाँचौँ स्थानमा रहेको लुम्बिनीलाई आजको खेल जिते शीर्ष स्थानमा उक्लने अवसर छ। लुम्बिनीले दुई खेलमा एक जित हात पारेको छ भने चितवन राइनोजसँगको पछिल्लो खेल वर्षाका कारण रद्द भएपछि अंक बाँडेको थियो। आज जिते लुम्बिनीको पाँच अंक हुनेछ।</p></p> <p> <p>पोखरा भने प्रतियोगितामा पहिलो जितको खोजीमा छ। यसअघिका दुवै खेलमा पराजित भएको पोखरा अंकविहीन हुँदै तालिकाको आठौँ स्थानमा छ। आजको खेल जितेर पोखरा अंकको खाता खोल्न चाहन्छ।</p></p> <p> <p>मंगलबारको पहिलो खेलमा विराटनगर किंग्सले जनकपुर बोल्ट्सलाई २ रनले पराजित गरेपछि शीर्ष स्थानको प्रतिस्पर्धा थप रोचक बनेको छ। विराटनगर, कर्णाली याक्स र जनकपुरको समान चार&ndash;चार अंक छ। राम्रो नेट रनरेटका आधारमा विराटनगर शीर्ष स्थानमा रहेको छ।</p> <p>आजको खेल जिते लुम्बिनी पाँच अंकसहित तालिकाको शीर्ष स्थानमा पुग्नेछ। त्यसैले यो खेल लुम्बिनीका लागि शीर्ष स्थानमा उक्लने अवसर हो भने पोखराका लागि प्रतियोगितामा पहिलो जित निकाल्ने चुनौती।</p></p> <p></p>