कर्णालीमा पर्यटकको आकर्षण बढ्दै, पूर्वाधार निर्माणमा सुस्तता
<p>सुर्खेत । कर्णाली प्रदेशका पर्यटकीय गन्तव्यमा आन्तरिक तथा बाह्य पर्यटकको आकर्षण बढ्दै गए पनि आवश्यक पूर्वाधार निर्माणमा भइरहेको ढिलाइले पर्यटन क्षेत्रको विकास प्रभावित भएको छ।<p>पर्यटकको आवागमन बढेअनुसार सुरक्षित पदमार्ग, व्यवस्थित आवास, सञ्चार सुविधा र सहज यातायातको व्यवस्था हुन नसक्दा कर्णालीको पर्यटन सम्भावनालाई आर्थिक लाभमा रूपान्तरण गर्न चुनौती देखिएको हो।</p><p>प्रदेशका विभिन्न पर्यटकीय गन्तव्यमा सात आर्थिक वर्षको अवधिमा पाँच लाख ४० हजार ७२८ जना आन्तरिक तथा बाह्य पर्यटकले भ्रमण गरेको उद्योग, पर्यटन, वन तथा वातावरण मन्त्रालय, कर्णाली प्रदेशको तथ्याङ्क छ।</p><p>प्राकृतिक सौन्दर्य, धार्मिक तथा सांस्कृतिक सम्पदा र साहसिक पर्यटनका दृष्टिले सम्भावनायुक्त कर्णालीमा पर्यटकको चहलपहल बढे पनि पूर्वाधार विकासका केही बहुवर्षीय आयोजना अपेक्षित गतिमा अघि बढ्न सकेका छैनन्।</p><p>मन्त्रालयका अनुसार सुर्खेतको बुलबुले तालमा दुई लाख ९४ हजार ४०१ जना र प्रदेश सहिद पार्कमा एक लाख ४० हजार ३०० जनाले भ्रमण गरेका छन्। मुगुको रारातालमा २४ हजार ९३१, सल्यानको कुपिण्डे दहमा करिब ११ हजार, डोल्पाको शे–फोक्सुण्डो तालमा सात हजार २२८ र सुर्खेतको काँक्रेविहारमा पाँच हजार ४६८ जनाले भ्रमण गरेका छन्। त्यस्तै, हुम्लामा हवाई मार्गबाट चार हजार ५८९ जना पुगेका छन् भने सुर्खेतको बयलकाँडामा २१५ जनाले प्याराग्लाइडिङ गरेका छन्।</p><p>पर्यटकको आकर्षण र सम्भावना देखिए पनि प्रमुख गन्तव्यमा आवश्यक सुविधा विस्तार हुन नसकेको पर्यटन व्यवसायीको भनाइ छ। विशेषगरी हिमाली तथा दुर्गम क्षेत्रमा यात्रा गर्ने पर्यटकका लागि सुरक्षित आवागमन, बास बस्ने स्थान, सञ्चार सम्पर्क र आपत्कालीन उद्धारको व्यवस्था आवश्यक रहेको उनीहरू बताउँछन्।</p><p>पर्यटन व्यवसायी जितेन्द्र झाँक्रीले पर्यटक आउनु मात्र पर्याप्त नहुने भन्दै उनीहरूको यात्रालाई सुरक्षित, सहज र सुविधायुक्त बनाउन राज्यले पूर्वाधार निर्माणलाई प्राथमिकता दिनुपर्ने बताए। पर्यटकलाई एकपटक आएपछि पुनः भ्रमण गर्न प्रेरित गर्ने वातावरण बनाउनुपर्ने उनको भनाइ छ।</p><p>‘पूर्वाधार निर्माण नहुँदा पनि कर्णालीमा उत्साहजनक रूपमा पर्यटक आइरहेका छन्। पर्यटकलाई सहज आवागमन, सुविधासम्पन्न होटल र सुरक्षित यात्राको वातावरण आवश्यक छ,’ झाँक्रीले भने।</p><p>उनका अनुसार डोल्पाको सदरमुकाम दुनैदेखि फोक्सुण्डो तालसम्मको बाटोमा रहेका काठेपुलको स्तरोन्नति गर्न जरुरी छ। उपल्लो डोल्पाका विभिन्न पर्यटकीय क्षेत्रमा पुग्ने पदमार्गमा बास बस्न मिल्ने भौतिक संरचना निर्माण नहुँदा पर्यटकले कठिनाइ भोग्नुपर्ने अवस्था छ।</p><p>विशेषगरी अग्ला भञ्ज्याङ र हिमाली क्षेत्रमा हिँड्दाहिँड्दै रात परेमा वा हिमपात भएमा सुरक्षित आश्रय लिन सकिने संरचना आवश्यक रहेको उनले बताए। दुर्गम पर्यटकीय क्षेत्रमा सञ्चार सुविधा विस्तार, पदमार्गको मर्मतसम्भार र आवश्यक स्थानमा विश्रामस्थल निर्माण गर्नुपर्नेमा उनले जोड दिए।</p><p>‘पर्यटक आउनु मात्र ठूलो कुरा होइन, उनीहरूलाई आवश्यक सुविधा उपलब्ध गराउनु पनि उत्तिकै महत्त्वपूर्ण छ। रारा, फोक्सुण्डोलगायतका क्षेत्रमा पूर्वाधार निर्माणमा भएको ढिलाइले पर्यटनमा नकारात्मक प्रभाव पारेको छ,’ झाँक्रीले भने, ‘सरकारले बनाएका कार्ययोजना कडाइका साथ कार्यान्वयन गर्नुपर्छ र निर्माण व्यवसायीले जिम्मा लिएका काम समयमै सम्पन्न गराउन दबाब दिनुपर्छ।’</p><p>करोडौँको लगानी, आयोजनाको प्रगति सुस्त</p><p>पर्यटकीय पूर्वाधार निर्माणका लागि प्रदेश सरकारले करोडौँ रुपैयाँ लगानी गरे पनि केही आयोजनाको भौतिक प्रगति न्यून देखिएको छ। मन्त्रालयको विवरणअनुसार मुगुको रारा पर्यटकीय पूर्वाधार निर्माण आयोजनाको सम्झौता रकम चार करोड ५२ लाख ९१ हजार रुपैयाँभन्दा बढी छ। तर आयोजनाको भौतिक प्रगति २० प्रतिशत र वित्तीय प्रगति ३२ प्रतिशत पुगेको छ। आयोजनाको अवधि २०८३ असार मसान्तसम्म उल्लेख गरिएको छ भने म्याद थपको प्रक्रिया चलिरहेको मन्त्रालयको विवरणमा जनाइएको छ।</p><p>त्यस्तै, सुर्खेतको काँक्रेविहार वरिपरि कम्पाउन्ड वाल निर्माणको भौतिक प्रगति ५५ प्रतिशत र वित्तीय प्रगति ५० प्रतिशत छ। एक करोड १८ लाख ५४ हजार रुपैयाँभन्दा बढी सम्झौता रकम रहेको यस आयोजनाको म्याद तीन पटक थप गरिएको छ।</p><p>रुकुम पश्चिमको खारा जनयुद्ध संग्रहालय निर्माणमा एक करोड २८ लाख ९६ हजार ७९३ रुपैयाँ सम्झौता रकम रहेको छ। आयोजनाको भौतिक प्रगति ५८ प्रतिशत र वित्तीय प्रगति ५० प्रतिशत छ। २०८२ असार मसान्तमा म्याद समाप्त भएको विवरणमा उल्लेख भए पनि आयोजनाको म्याद दुई पटक थप गरिएको छ।</p><p>सुर्खेतको चौहान पार्क निर्माणका लागि दुई करोड २८ लाख ९७ हजार रुपैयाँभन्दा बढी सम्झौता रकम रहेको छ। यसको भौतिक प्रगति ३० प्रतिशत र वित्तीय प्रगति २५ प्रतिशत छ। आयोजनाको अवधि २०८४ असार मसान्तसम्म रहेको मन्त्रालयको विवरणमा उल्लेख छ।</p><p>यी आयोजनाको प्रगतिले बजेट विनियोजनसँगै निर्माण कार्यको गति, समयसीमाको पालना र खर्चको प्रभावकारितामा समेत ध्यान दिनुपर्ने देखाउँछ। विशेषगरी राराजस्तो प्रमुख पर्यटकीय गन्तव्यमा पूर्वाधार निर्माणको भौतिक प्रगति न्यून हुँदा पर्यटकका लागि आवश्यक सुविधा विस्तारमा चुनौती थपिएको छ।</p><p>दस जिल्लाका गन्तव्य समेटिए, कार्यान्वयनमा चुनौती</p><p>कर्णाली प्रदेश पर्यटन गुरुयोजना (२०७७÷७८–२०८६÷८७) ले प्रदेशका दसवटै जिल्लाका प्रमुख पर्यटकीय गन्तव्यलाई समेटेको छ। पर्यटन उत्पादनको विकास तथा स्तरोन्नति, पूर्वाधार निर्माण, सामुदायिक सहभागिता, लगानी प्रवद्र्धन, सांस्कृतिक तथा प्राकृतिक सम्पदाको संरक्षण, दक्ष जनशक्ति विकास र बजार व्यवस्थापनलाई गुरुयोजनाले प्राथमिकतामा राखेको छ।</p> </p>
Read Complete Original Article
Published originally on ओएसनेपाल
Related News
दशैँ मनाउन काठमाडौं छाड्नेहरुको भीड
दशैँ सुरु भएसँगै गाउँघर फर्किने यात्रुको चहलपहल बढेको छ। काठमाडौंको नयाँ वसपार्क, कलंकी, जडिबुटीलगायतका क्षेत्रमा राजधानी छाड्ने यात्रुहरुको भीड बढी देखिन्छ । कोही यात्रु झोला र सामान बोकेर बसको प्रतीक्षामा छन् भने कोही परिवारसहित आफ्नो गन्तव्यतर्फ लागिरहेका छन्। ...
बेलीब्रिज निर्माण सम्पन्न नहुँदा दशैँमा घर फर्किने यात्रु तुइनको सहारामा, तुइन चढ्न घण्टौँ कुर्नुपर्ने
नुवाकोटको सिमुटारबाट गुम्बाडाँडासम्म दशैँमा घर फर्किने यात्रुहरू तुइन र जिपलाइनको सहारा लिन बाध्य छन् । समयमै बेलीब्रिज निर्माण सम्पन्न नहुँदा यात्रुहरूले जोखिम मोलेर यात्रा गर्नुपरेको हो। दुई दिनअघि नै सञ्चालनमा आउने भनिएको बेली ब्रिजको उद्घाटन विहीबार मात्र हाुँदैछ । पुल सञ्चालनमा नआउँदा यात्रुहरूले घण्टौँ प्रतीक्षा गरेर तुइनबाट नदी पार गर्नुपर्ने बाध्यता छ । दशैँ मनाउन घर फर्किंदै गरेकी विदुर नगरपालिका–१३ की मायाँ तामाङ ...
कांग्रेस केन्द्रीय सदस्य खस आर्य महिलातर्फ यस्तो छ पछिल्लो मत परिणाम
नेपाली कांग्रेसको केन्द्रीय सदस्य (खस आर्य महिला) तर्फको मतगणनामा डा. भद्रा पराजुली भण्डारीले अग्रता लिएकी छन्। १ हजार ५०० मत गणना हुँदा डा. भण्डारीले ६८० मत प्राप्त गरेकी छन्। यससमूहबाट ८ पदका लागि ३२ जना उम्मेदवार प्रतिस्पर्धामा छन्। हालसम्मको मतपरिणामअनुसार जानुका पन्तले ५०७, गीता देवकोटाले ५०५, जानकी सिंहले ४४७, अम्बिका सुवेदी र कृष्णकुमारी बस्नेतले समान ४२५, देवकी गौतमले ४१३, अधिवक्ता सरिता तिम्सिना ...
दोहोरो कर हटाउन सातै प्रदेशका सरकारसँग निजी क्षेत्रको अनुरोध
२८ असाेज, विराटनगर । काेशी प्रदेशकाे राजधानी विराटनगरमा जारी अन्तरप्रदेश मुख्यमन्त्री सम्मेलनमा निजी क्षेत्रले प्रदेश सरकारसँग दाेहाेराे कर हटाउन माग गरेकाे छ । मुख्यमन्त्री सम्मेलनका क्रममा नेपाल उद्याेग वाणिज्य संघ काेशी प्रदेशले एक तहमा कर तिरेपछि त्यसले सबै प्रदेशमा मान्य हुने प्रावधान बनाउन माग गरेकाे हाे । नेपाल उद्योग वाणिज्य महासंघ कोशी प्रदेशका अध्यक्ष राजेन्द्र… ...
All Information In One Place
Real-time headlines from trusted sources. Get the app now — stay updated, inspired, and ahead with breaking news!
