सुरक्षा जोखिमका कारण साउदी अरबको यात्रा नगर्न इटालीको चेतावनी
काठमाडौं । इटालीको विदेश मन्त्रालयले साउदी अरबको सुरक्षा अवस्था निरन्तर बिग्रँदै गएको भन्दै त्यहाँको सबैखाले यात्रा स्थगित गर्न नागरिकलाई पुनः आग्रह गरेको छ। पछिल्ला केही दिनयता इरानी समर्थित हुथी विद्राेहीले साउदी अरबमा आक्रमण गरिरहेका छन् । बुधबार बिहान साउदी अरबको पूर्वी प्रान्तस्थित शैबाह तेल क्षेत्रमा रहेको साउदी अराम्कोको परियोजनामालाई लक्षित गरी गरिएको ड्रोन आक्रमणमा एक नेपालीसहित दुई विदेशी श्रमिकको मृत्यु भएको थियो । इटाली सरकारले नागरिकलाई ‘साउदी अरबको सबै यात्रा स्थगित गर्न’ र ‘साउदी भूमिमा रहेका विमानस्थल प्रयोग नगर्न’ आग्रह गरेको छ। त्यसको सट्टा छिमेकी मुलुकका विमानस्थल प्रयोग गर्न सुझाव दिइएको छ। मन्त्रालयले साउदी अरबभित्र वा त्यहाँबाट अन्य देशमा अत्यावश्यक यात्रा गर्नुपर्ने अवस्थामा हवाई यातायातको विकल्प अपनाउन पनि यात्रुहरूलाई सुझाव दिएको छ। हाल साउदी अरबमा रहेका इटालीका नागरिकलाई अत्यन्तै सतर्कता अपनाउन र स्थानीय अधिकारीका निर्देशन पालना गर्न भनिएको छ। विशेषगरी आपत्कालीन अवस्था उत्पन्न हुँदा सुरक्षित स्थानमै आश्रय लिन मन्त्रालयले आग्रह गरेको छ। मन्त्रालयले सैन्य तथा सुरक्षा निकायका प्रतिष्ठान, ऊर्जा तथा यातायात पूर्वाधार र सैन्य गतिविधिबाट प्रभावित क्षेत्रमा नजान पनि नागरिकलाई सचेत गराएको छ। यमनसँगको सीमा आसपासका क्षेत्रलाई विशेष जोखिमपूर्ण मान्दै साउदी अरबका दक्षिणी प्रान्त जाजान, नजरान र असीरको यात्रा नगर्न मन्त्रालयले पुनः आग्रह गरेको छ।
Read Complete Original Article
Published originally on केन्द्रबिन्दु
Related News
साइबर सुरक्षा जोखिमपछि सतर्कता अपनाउन नेपाल राष्ट्र बैंकको आग्रह
काठमाडौं । नेपाल राष्ट्र बैंकले वेब प्रविधि (पीएचपी) मा विश्वव्यापी रूपमा देखिएको गम्भीर सुरक्षा जोखिमलाई मध्यनजर गर्दै आफ्नो वेबसाइटलगायतका सेवाहरू अस्थायी रूपमा बन्द गरेको छ । बैंकले शुक्रबार एक अत्यन्त जरुरी सूचना जारी गर्दै उक्त जोखिमका कारण वेबसाइटलगायतका सेवा अस्थायी रूपमा बन्द गरिएको जानकारी दिएको हो । यसबाट बैंकिङ तथा वित्तीय क्षेत्रका सरोकारवाला निकाय र सर्वसाधारणमा पर्न गएको असुविधाप्रति बैंकले क्षमायाचना ...
समृद्धिको बाटोमा तगारो
जुन देशको माटोले सुन फलाउने सामर्थ्य राख्छ र जसको युवा जनशक्तिले विश्वका मरुभूमिलाई हरियालीमा बदल्न सक्छ, त्यो देश आफैँ भने किन सधैँ परनिर्भर र गरिब रहिरहन्छ? स्रोत र सम्भावनाको प्रचुरताबीच दूरदृष्टिको खडेरी र नीतिगत अलमलले पिल्सिएको मुलुकको कथा लेखिरहँदा प्राकृतिक सौन्दर्यको अनुपम वरदान, जलस्रोतको प्रचुर सम्भावना, जैविक विविधता र सिर्जनशील युवा जनशक्तिको खानी भएर पनि नेपाल लामो समयदेखि आर्थिक पछौटेपन र ...
पाकिस्तानका कप्तान फरहानले कर्णाली याक्सबाट एनपिएल खेल्ने
काठमाडौं। पाकिस्तान टी–२० टोलीका कप्तान साहिबजादा फरहानले तेस्रो संस्करणको नेपाल प्रिमियर लिग (एनपिएल) २०२६ कर्णाली याक्सबाट खेल्ने भएका छन्। कर्णालीले आज उनलाई टोलीमा अनुबन्ध गरेको औपचारिकरूपमा जानकारी दिएको हो। ‘‘टी–२० विश्वकप २०२६ का सर्वाधिक रन बनाउने साहिबजादा फरहानलाई अब कर्णाली याक्समा स्वागत छ,’’ टोलीले सामाजिक सञ्जालमा उल्लेख गरेको छ। फरहानले सन् २०२६ मा भारत र श्रीलङ्कामा आयोजित आइसिसी टी–२० विश्वकपमा उत्कृष्ट प्रदर्शन ...
पीएचपीमा गम्भीर सुरक्षा जोखिम देखिएपछि बैंकका वेबसाइट बन्द, रकम र विवरण सुरक्षित
• नेपाल राष्ट्र बैंकसहित अधिकांश बैंक र वित्तीय संस्थाले पीएचपी प्रोग्रामिङ भाषामा देखिएको सुरक्षा त्रुटिका कारण आफ्ना वेबसाइट अस्थायी रूपमा बन्द गरेका छन्। • ह्याकरले संवेदनशील विवरण चोरी गर्न सक्ने जोखिमलाई ध्यानमा राख्दै सुरक्षा सतर्कता अपनाइएको छ र प्रणाली अद्यावधिकको काम भइरहेको छ। • सर्वसाधारणले बैंकका आधिकारिक सूचनामा विश्वास गर्न, अपरिचित लिङ्क नखोल्न र शङ्कास्पद गतिविधिहरूमा सतर्क रहन सुझाव दिइएको ...
All Information In One Place
Real-time headlines from trusted sources. Get the app now — stay updated, inspired, and ahead with breaking news!
