नेपाली कांग्रेस रसुवाको सभापतिमा उपेन्द्रराज लम्साल सर्वसम्मत चयन भएका छन्। बिहीबार सदरमुकाम धुन्चेमा सम्पन्न कांग्रेस इतर समूहको १५औँ नियमित जिल्ला अधिवेशनले लम्साललाई जिल्ला सभापतिमा सर्वसम्मत चयन गरेको हो। अधिवेशनबाट दुईवटा प्रदेशसभा क्षेत्रीय समिति र पाँचवटा गाउँपालिकाका सभापति पनि सर्वसम्मत चयन भएका छन्। प्रदेशसभा क्षेत्र (क) को सभापतिमा तेम्पा नुर्पु तामाङ र (ख) को सभापतिमा धनबहादुर गुरुङ चयन भएका छन्। त्यसैगरी नौकुण्ड गाउँपालिकाको सभापतिमा डिवराज न्यौपाने, कालिकामा माधव न्यौपाने, उत्तरगयामा ध्रुवप्रसाद आचार्य, आमाछोदिङ्मोमा चेरसिंग तामाङ र गोसाइँकुण्डमा प्रकाश तामाङ चयन भएका छन्। अधिवेशनले जिल्ला सभापति, केन्द्रीय महाधिवेशन प्रतिनिधि र प्रदेश महाधिवेशन प्रतिनिधि चयन गरेको नवनिर्वाचित सभापति लम्सालले जानकारी दिए। उनका अनुसार केन्द्रीय महाधिवेशनपछि जिल्ला, प्रदेश र पालिका समितिका पदाधिकारी तथा सदस्य थपेर कार्यसमितिलाई पूर्णता दिइनेछ। त्यसपछि वडा अधिवेशनसमेत गरिने उनले बताए।
कांग्रेस देउवा समूहको रसुवा सभापतिमा उपेन्द्रराज लम्साल
Read Complete Original Article
Published originally on पर्दाफास
