Monday, November 16, 2026||
MultiKhabarMultiKhabar

एमालेको राष्ट्रिय भेलाको मुख्य उद्देश्य स्थानीय तह निर्वाचनको तयारी : महासचिव शंकर पोखरेल

Share:WhatsAppFacebookX (Twitter)Telegram
एमालेको राष्ट्रिय भेलाको मुख्य उद्देश्य स्थानीय तह निर्वाचनको तयारी : महासचिव शंकर पोखरेल
Photo / Coverage: जनताटाइम्स

काठमाडौं, कात्तिक ३० गते । नेकपा (एमाले) का महासचिव शंकर पोखरेलले पार्टीलाई पुनः जनतामाझ स्थापित गर्दै वैचारिक, राजनीतिक र सैद्धान्तिक रूपमा एकताबद्ध बनाउनु राष्ट्रिय भेलाको मुख्य उद्देश्य रहेको बताउनुभएको छ । मंसिर २ र ३ गते आयोजना हुने पार्टीको राष्ट्रिय भेलाका सन्दर्भमा आज आयोजित पत्रकार सम्मेलनमा महासचिव पोखरेलले राष्ट्रिय भेलाले पार्टीलाई एउटै राजनीतिक लयमा अघि बढाउन सहयोग गर्ने बताउनुभयो । उहाँले भन्नुभयो, “यसकाे उद्देश्य पार्टीलाई पुनः जनताको बीचमा स्थापित गर्ने र पार्टीलाई वैचारिक, राजनीतिक तथा सैद्धान्तिक रूपमा एक बनाउने हो, पार्टीको राष्ट्रिय भेलाले पनि यही काम गर्छ ।” पछिल्लो समय पार्टीले भोगेको निर्वाचन परिणाम असामान्य रहेको उल्लेख गर्दै महासचिव पोखरेलले त्यसका कारण पहिचान गरी प्रतिवेदन तयार पारेर छलफलसमेत गरिसकिएको जानकारी दिनुभयो । “पछिल्लो समय हामीले भोगेको परिणाम असामान्य थियो, त्यसको कारण खोजेर प्रतिवेदन बनाई छलफलसमेत गरेका छौँ, यो भेला कुनै निर्णय गर्ने भेला होइन, भएका निर्णयलाई कार्यान्वयन गर्ने भेला हो,” उहाँले स्पष्ट पार्नुभयो । राष्ट्रिय भेलाले नयाँ निर्णयभन्दा पनि पार्टीभित्र भएका निर्णय कार्यान्वयन गर्दै संगठनलाई एकै लयमा अघि बढाउने उहाँको भनाइ थियो । महासचिव पोखरेलले राष्ट्रिय भेलाको अर्को प्रमुख उद्देश्य स्थानीय तह निर्वाचनको तयारी गर्नु रहेको बताउनुभयो । स्थानीय तहलाई बलियो बनाउन एमालेले निरन्तर प्रयास गर्दै आएको उल्लेख गर्दै उहाँले पार्टीको स्थानीय तहप्रति विशेष लगाव रहेको धारणा राख्नुभयो । उहाँले भन्नुभयो, “नेकपा (एमाले) को निरन्तर प्रयत्नका स्वरूप स्थानीय तह बलियो भएको छ, स्थानीय तहप्रति नेकपा (एमाले) को विशेष लगाव छ । यो राष्ट्रिय भेलाको मुख्य मक्सद स्थानीय तह निर्वाचनको तयारी पनि हो ।” गत फागुन २१ गते सम्पन्न निर्वाचन असामान्य परिस्थितिमा भएको उल्लेख गर्दै उहाँले जनताले दिएको जनादेशलाई एमालेले स्वीकार गरेको बताउनुभयो । सरकारले राजनीतिक प्रतिशोधका आधारमा अघि बढ्न खोजेको आरोप लगाउँदै महासचिव पोखरेलले एमाले अध्यक्ष केपी शर्मा ओली र तत्कालीन गृहमन्त्री रमेश लेखकलाई बिना पर्याप्त तथ्य तथा प्रमाण पक्राउ गरी १३ दिनसम्म राखिएको दाबी गर्नुभयो । उहाँले भन्नुभयो, “सरकार प्रतिशोधात्मक ढंगले अगाडि बढ्न खोज्यो, बिना तथ्य प्रमाण हाम्रा अध्यक्ष केपी शर्मा ओली र तत्कालीन गृहमन्त्रीलाई गिरफ्तार गरेर १३ दिनसम्म राख्यो र बिना अभियोजन छाड्याे।” सिरहा घटनाको प्रसंग उठाउँदै उहाँले पक्राउको मापदण्ड समान हुनुपर्ने धारणा राख्नुभयो । उहाँले भन्नुभयो, “त्यस्तै गिरफ्तार गर्ने हो भने त सिरहा घटनामा अहिलेका गृहमन्त्री र प्रधानमन्त्री पनि गिरफ्तार पर्नुपर्ने हो ।” नयाँ राजनीतिक शक्तिहरूले विद्यार्थी संगठन निर्माणमा रोक लगाउने तथा ट्रेड युनियन बन्द गर्ने काम गरेको महासचिव पोखरेलले बताउनुभयाे । याे अलाेकतान्त्रिक तरिका भएकाे उहाँकाे भनाइ छ । इनम सापकोटाको नामसँग जोडिएको पछिल्लो प्रकरणबारे टिप्पणी गर्दै उहाँले त्यस विषयका थप तथ्य सार्वजनिक हुन बाँकी रहेको बताउनुभयो । “अहिले इनम सापकोटाका नाममा जुन पटाक्षेप भएको छ, त्यसको सबै कुरा बाहिर आउनै बाँकी छ । प्रधानमन्त्रीका नाममा उनले सबै क्षेत्रलाई आतंकित बनाउन खोजेको कुरा आइसकेको छ, प्रधानमन्त्रीका सल्लाहकारले उनको मोबाइल दुई दिनसम्म कब्जामा राखेको कुरा पनि आइसकेको छ, उनीमाथि भएको अनुसन्धान रहस्यमय छ,” उहाँले भन्नुभयाे । प्रधानमन्त्रीको संसदीय तथा राजनीतिक भूमिकामाथि प्रश्न उठाउँदै महासचिव पोखरेलले संसद्, संसदीय दल र राजनीतिक दलहरूबीचको संवादमा प्रधानमन्त्रीको सहभागिता आवश्यक रहेको बताउनुभयो । उहाँले भन्नुभयो, “प्रधानमन्त्री संसद्मा जानुहुन्न, संसदीय दलको नेता हुनुहुन्छ दलको बैठकको अध्यक्षता गर्नुहुन्न, पार्टीको वरिष्ठ नेता हुनुहुन्छ, पार्टीको बैठकमा जानुहुन्न, राजनीतिक दलको बैठकमा बस्नुहुन्न ।” नेपाल–भारत सीमा समस्याका विषयमा प्रधानमन्त्रीले व्यक्त गर्नुभएको धारणाप्रति असहमति जनाउँदै महासचिव पोखरेलले उक्त धारणा गलत रहेको टिप्पणी गर्नुभयो । “नेपाल र भारतको सीमा समस्याका बारेमा प्रधानमन्त्रीले राख्नुभएको धारणा गलत हो, उहाँको गलत भन्ने बानी त रहेनछ, तर व्यवहारबाट त्यसलाई सुधार्नुहुनेछ भन्ने आशा गरौँ,” उहाँले भन्नुभयो । प्रधानमन्त्रीको राजनीतिक कार्यशैली र संवाद प्रक्रियामाथि पनि प्रश्न उठाउँदै महासचिव पोखरेलले भन्नुभयो, “प्रधानमन्त्रीको नेचर नै लोकतान्त्रिक छैन, उहाँले के संवाद गर्नु ? आफ्नो पार्टीमा त संवाद गर्नुहुन्न, अरूसँग के संवाद गर्नु ?”

Share:WhatsAppFacebookX (Twitter)Telegram

Read Complete Original Article

Published originally on जनताटाइम्स

Visit Publisher Site →

Related News

🇳🇵 Nepal
इनम सापकोटामाथिको अनुसन्धान पारदर्शी छैन : एमाले महासचिव पोखरेल
PoliticsJust now

इनम सापकोटामाथिको अनुसन्धान पारदर्शी छैन : एमाले महासचिव पोखरेल

काठमाण्डु– नेकपा (एमाले)का महासचिव शंकर पोखरेलले इनम सापकोटामाथि भइरहेको अनुसन्धान पारदर्शी नभएको आरोप लगाएका छन्। सोमबार पार्टी कार्यालय च्यासलमा आयोजित पत्रकार सम्मेलनमा पोखरेलले सापकोटासँग जोडिएका घटनाक्रमले सरकार सञ्चालनको शैलीमाथि प्रश्न उठाएको बताए। उनले प्रधानमन्त्रीको निर्वाचन अभियानदेखि सरकारको कोर टिमसम्म सापकोटाको संलग्नताबारे विभिन्न विवरण सार्वजनिक भएको उल्लेख गरे। प्रहरी नियन्त्रणमा लिइएको मोबाइल प्रधानमन्त्रीका सल्लाहकारले दुई–तीन दिनसम्म […] ...

काठमाण्डुपाटी
बालेन सरकारको बदमासी इनम सापकोटाका नाममा पटाक्षेप भयो : एमाले
PoliticsJust now

बालेन सरकारको बदमासी इनम सापकोटाका नाममा पटाक्षेप भयो : एमाले

काठमाडौं, कात्तिक ३० । नेकपा एमालेका महासचिव शंकर पोखरेलले बिचौलिया इनम सापकोटामाथिको अनुसन्धान निकै रहस्यमयी भएको बताउनु भएको छ । पार्टी कार्यालय च्यासलमा आयोजित पत्रकार सम्मेलनमा बोल्दै महासचिव पोखरेलले सरकारको गतिविधि इनम सापकोटाका नाममा पटाक्षेप भएको बताउनु भएको हो । ‘बालेन सरकारको बदमासी बिचौलिया इनम सापकोटाका नाममा पटाक्षेप भएको कुरा सवैतिर आइसकेको छ,’ पोखरेलले भन्नुभयो, ‘त्यसका रहस्य त आउन बाँकी ...

जनताटाइम्स
एमालेको राष्ट्रिय भेला मंसिर २ र ३ गते, ३५ सय बढी प्रतिनिधि सहभागी हुने
PoliticsJust now

एमालेको राष्ट्रिय भेला मंसिर २ र ३ गते, ३५ सय बढी प्रतिनिधि सहभागी हुने

निर्वाचित जनप्रतिनिधिसम्मलाई एउटै मञ्चमा उतार्ने गरी एमालेले महाधिवेशनपछिकै सबैभन्दा ठूलो भेला गर्न लागेको हो। ...

हाम्राकुरा
सुदूरपश्चिम रोयल्समा अनुबन्धित भए जर्ज मुन्से, एनपिएलका बाँकी खेल खेल्ने
PoliticsJust now

सुदूरपश्चिम रोयल्समा अनुबन्धित भए जर्ज मुन्से, एनपिएलका बाँकी खेल खेल्ने

नेपाल प्रिमियर लिग (एनपिएल) को तेस्रो संस्करणका बाँकी खेलका लागि सुदूरपश्चिम रोयल्सले स्कटल्यान्डका आक्रामक ब्याटर जर्ज मुन्सेलाई अनुबन्ध गरेको छ । सुदूरपश्चिमले सोमबार मुन्सेलाई टोलीमा अनुबन्ध गरेको जानकारी दिएको हो । उनले एनपिएलको दोस्रो संस्करणमा विराटनगर किङ्सबाट खेलेका थिए । सुदूरपश्चिममा आबद्ध स्कटल्यान्डकै अर्का खेलाडी ब्रान्डन म्याकमुलेन भने टोलीबाट बिदा भइसकेका छन् । उनको बहिर्गमनपछि सुदूरपश्चिमले मुन्सेलाई अनुबन्ध गरेको हो ।  लिग चरणमा ...

फरकधार
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play