कञ्चनपुर।कञ्चनपुरको शुक्लाफाँटा नगरपालिका–१ तारापुरमा जंगली हात्तीको आक्रमणबाट एक महिलाको मृत्यु भएको छ। आफ्नै कच्ची घरमा सुतिरहेकी ६० वर्षीया लक्ष्मी डगौराको गएराति हात्तीको आक्रमणबाट घटनास्थलमै मृत्यु भएको हो। शुक्लाफाँटा राष्ट्रिय निकुञ्जबाट आएको जंगली हात्तीको बथान तारापुर शिविरमा पसेर उनको घर समेत भत्काएको प्रहरीले जनाएको छ। आक्रमणका बेला उनका श्रीमान् मोहन डगौंरा भने भागेर ज्यान जोगाउन सफल भएका छन्। घटनापछि नेपाली सेना, नेपाल प्रहरी र निकुञ्ज प्रशासनको टोली घटनास्थल पुगेको छ।
हात्तीको आक्रमणमा महिलाको मृत्यु, श्रीमान भागेर बचे
Read Complete Original Article
Published originally on नेपालन्युज
