शारदीय नवरात्र : गरियो महागौरीको पूजा
काठमाडौं।शारदीय नवरात्रको आठौं दिन दशैंघर वा पूजाकोठामा नौ दुर्गामध्येकी आठौं महागौरी देवीको विधिपूर्वक पूजा आराधना गरिएको छ। प्रत्येक वर्ष आश्विन शुक्ल अष्टमी अर्थात् दुर्गा पक्षको आठौं दिन महागौरी देवीको विधिपूर्वक पूजा आराधना गर्ने वैदिक सनातनी परम्परा छ। नवरात्रको पहिलो दिन असोज २५ गते आइतबार शैलपुत्रीको आह्वान गरी विधिपूर्वक पूजा आराधना गरिएको थियो। नवरात्रको दोस्रो दिन सोमबार ब्रह्मचारिणी, तेस्रो दिन मङ्गलबार चन्द्रघण्टा, चौंथो दिन बुधबार कुष्माण्डा, पाँचौं दिन बिहीबार स्कन्दमाता, छैटौं दिन शुक्रबार कात्यायनी, सातौं दिन शनिबार कालरात्रि र आठौं दिन आज महागौरीको पूजा आराधना गरिएको हो। नवरात्रका नौ दिन घटस्थापना गरिएको स्थलमा दुर्गा सप्तशती (चण्डी), श्रीमद्देवीभागवत्लगायत देवी स्तोत्र पाठ समेत गरिन्छ। नवरात्रका अवसरमा देवीको आराधना गरी पूजा गरेमा शक्ति, ऐश्वर्य र विद्या प्राप्त हुने धार्मिक विश्वास छ। यसै आधारमा वैदिक सनातन धर्मावलम्बीले प्रत्येक वर्ष आश्विन शुक्ल प्रतिपदादेखि नवमीसम्म दुर्गा देवीको विशेष आराधना गर्छन्। नौ दिनसम्म पूजा आराधना गरेको प्रसाद विजयादशमीदेखि कोजाग्रत पूर्णिमाका दिनसम्म लगाइन्छ। यस वर्ष विजयादशमीको साइत कात्तिक ४ गते बुधबार बिहान १०ः२६ बजे उत्तम रहेको नेपाल पञ्चाङ्ग निर्णायक विकास समितिले जनाएको छ। विजयादशमीदेखि कोजाग्रत पूर्णिमासम्म मान्यजनबाट टीका थाप्न कुनै समस्या नरहेको समितिका अध्यक्ष डा. पुरुषोत्तम भट्टराईले बताए। दुर्गा देवीका आराधना एवं प्रसाद ग्रहण गरी नेपालीले १५ दिनसम्म बडादशैं पर्व मनाउँछन्।
Read Complete Original Article
Published originally on नेपालन्युज
Related News
मर्भुङकोट पुर्खाको विरासत र आस्थाको धरोहर: महानिरीक्षक कार्की
प्रहरी महानिरीक्षक दानबहादुर कार्कीले मर्भुङकोट मन्दिर पुर्खाको पौरख, गौरव र नयाँ पुस्ताका लागि प्रेरणाको जीवन्त पाठशाला भएको बताएका छन्। करिब ५०० वर्ष पुरानो धार्मिक तथा ऐतिहासिक महत्व बोकेको गुल्मीको मालिका गाउँपालिका–८ स्थित ऐतिहासिक मर्भुङकोट मन्दिरको आज उद्घाटन गर्दै उनले धार्मिक आस्था र सांस्कृतिक सम्पदाको संरक्षणसँगै समाजमा सामाजिक सद्भाव कायम गर्नुपर्ने ब... ...
गड्डाचौकी नाकामा ‘अल्फा’ले समात्यो लागुऔषध, युवक नियन्त्रणमा
कञ्चनपुर । कञ्चनपुरको गड्डाचौकी नाकामा सशस्त्र प्रहरीको तालिमप्राप्त कुकुर ‘अल्फा’ले मुखभित्र लुकाएर ल्याइएको खैरो हेरोइन फेला पारेको छ। आइतबार भीमदत्त नगरपालिका–१० स्थित भन्सार बेरियलमा चेकजाँच गर्ने क्रममा कैलालीको घोडाघोडी नगरपालिका–६, अस्नेहराका २४ वर्षीय विक्रम मिजारको मुखभित्र लुकाइएको अवस्थामा ०.१६ ग्राम खैरो हेरोइन बरामद भएको हो। सशस्त्र प्रहरी बल नेपालको सीमा सुरक्षा गुल्म गड्डाचौकीबाट खटिएको टोलीले ‘अल्फा’ नामको तालिमप्राप्त लेब्राडोर कुकुरको सहयोगमा चेकजाँच ...
प्रियागोल्डका सबै बिस्कुटको आयातमा रोक, बजारबाट फिर्ता गर्न निर्देशन
काठमाडौँ । मानव उपभोगका लागि अयोग्य चोकर प्रयोग गरिएको पाइएपछि भारतीय ब्रान्ड प्रियागोल्डका बिस्कुट तथा अन्य बिस्कुटजन्य उत्पादनको आयात स्वीकृति नेपालमा स्थगन गरिएको छ। खाद्य प्रविधि तथा गुण नियन्त्रण विभागले उपभोक्ताको स्वास्थ्य सुरक्षालाई ध्यानमा राख्दै भारतको सूर्या फुड एन्ड एग्रो लिमिटेडद्वारा उत्पादित प्रियागोल्ड ब्रान्डका उत्पादनको आयातमा रोक लगाउनुका साथै बजारमा बिक्रीका लागि पठाइएका उत्पादन फिर्ता गर्न निर्देशन दिएको हो। भारतको खाद्य सुरक्षा ...
फ्रान्समा युवाले किन सल्काए आगो?
फ्रान्समा महँगी, सामाजिक असमानता र कमजोर सार्वजनिक सेवा प्रवाहविरुद्ध विद्यार्थीको नेतृत्वमा सुरु भएको आन्दोलन राष्ट्रव्यापी बनेको छ। शनिबार देशभर भएका प्रदर्शनका क्रममा प्रहरी र प्रदर्शनकारीबीच झडप हुँदा १ हजार २०० भन्दा बढी पक्राउ परेको सञ्चारमाध्यमहरुले उल्लेख गरेका छन्। प्रदर्शनका क्रममा १५० जना प्रहरी घाइते भएका छन्। प्रदर्शनका क्रममा राजधानी पेरिससहित विभिन्न सहरमा ... ...
All Information In One Place
Real-time headlines from trusted sources. Get the app now — stay updated, inspired, and ahead with breaking news!
