लागूऔषधसहित नौ जना पक्राउ
काठमाडौं। बारा, मकवानपुर, मोरङ र कञ्चनपुरका विभिन्न स्थानबाट लागूऔषधसहित नौ जना पक्राउ परेका छन्। प्रहरीका अनुसार बाराबाट शनिबार चार किलो ५०० ग्राम गाँजासहित १८ वर्षीय युवक पक्राउ परेका हुन्। अस्थायी प्रहरी पोस्ट चरमोहनाबाट खटिएको टोलीले मोटरसाइकलमा सवार उनलाई पक्राउ गरेको हो। मकवानपुरको हेटौंडा उपमहानगरपालिका–१०, भुटनदेवीबाट २७ वर्षीय उज्वल चौलागाईं पक्राउ परेका छन्। हेटौंडा–११, डाङडुङेका उनलाई शनिबार साँझ मोटरसाइकलमा सवार रहेका बेला प्रहरीले पक्राउ गरेको हो। उनको साथबाट खैरो हेरोइन जस्तो देखिने पदार्थ ७० मिलिग्राम, ट्रामाडोल ५० ट्याब्लेट, डिजिटल तराजु र ९१ हजार ४०५ रुपैयाँ बरामद भएको प्रहरीले जनाएको छ। त्यस्तै, हेटौंडा–४ बाट ट्रामाडोल १०० र भोमिन ८० ट्याब्लेटसहित चार जना पक्राउ परेका छन्। पक्राउ पर्नेमा हेटौंडा–११, थानाभर्याङका २७ वर्षीय प्रवेश बानियाँ पनि छन्। प्रहरीले एउटा मोटरसाइकल समेत बरामद गरेको छ। मोरङको पथरीशनिश्चरे नगरपालिका–५, त्रिवेणी चोकबाट दुई जना पक्राउ परेका छन्। पक्राउ पर्नेमा सोही स्थानका २२ वर्षीय दुर्गा ऋषिदेव र सुनसरीको धरान–६, पानमाराका २७ वर्षीय पुरन मगर छन्। स्कुटरमा सवार उनीहरूको साथबाट ट्रामाडोल ९९० र नाइट्राजेपाम ४८ ट्याब्लेट बरामद भएको प्रहरीले जनाएको छ। कञ्चनपुरको भीमदत्त नगरपालिका–४, चम्मचोकस्थित एक होटलबाट तीन ग्राम खैरो हेरोइन जस्तो देखिने पदार्थसहित बेदकोट नगरपालिका–७ का ३४ वर्षीय मनोजराज भट्ट पक्राउ परेका छन्। पक्राउ परेकाहरूमाथि अनुसन्धान भइरहेको प्रहरीले जनाएको छ।
Read Complete Original Article
Published originally on नेपालन्युज
Related News
एनपीएलका सात टोलीको लोगो अंकित एक्स्ट्रीमको विशेष क्यान
कम्पनीले क्रिकेटप्रेमीलाई आफ्नो मनपर्ने टोलीप्रतिको समर्थन व्यक्त गर्ने नयाँ माध्यमका रूपमा स्पेसल एडिसन क्यान बजारमा ल्याएको जनाएको छ । ...
देशका विभिन्न स्थानमा भएका सवारी दुर्घटनामा नौ जनाको मृत्यु
देशका विभिन्न स्थानमा भएका सवारी दुर्घटनामा नौ जनाको मृत्यु भएको छ। केन्द्रीय प्रहरी समाचार कक्षका अनुसार पछिल्लो २४ घण्टामा सिन्धुली, सुनसरी, उदयपुर, धनुषा, मोरङ, रौतहट र रोल्पामा भएका दुर्घटनामा नौ जनाको मृत्यु भएको हो। सिन्धुलीको फिक्कल गाउँपालिका–६ नागथानस्थित सडकमा को१ज २९७६ नम्बरको सुमो अनियन्त्रित भई आज बिहान दुर्घटना हुँदा तीन जनाको घटनास्थलमै ... ...
श्रीमानलाई मिर्गौला दिएकी बिन्दु आफैँ उपचारको पर्खाइमा, प्रत्यारोपणका लागि ४ लाख जुटाउन मुस्किल
हेटौँडा । श्रीमानको जीवन बचाउन आफ्नो एउटा मिर्गौला दान गर्नुभएकी ६० वर्षीया बिन्दु श्रेष्ठ अहिले आफ्नै जीवन बचाउन सहयोगी हातको प्रतीक्षामा हुनुहुन्छ । श्रीमानको मिर्गौला फेल भएपछि आफ्नो मिर्गौला दिएर उहाँको जीवन बचाउनुभएकी बिन्दु अहिले आफैँ मिर्गौला फेल भएपछि उपचारका लागि आर्थिक सहयोग जुटाउन नसकेर जीवनसँग संघर्ष गरिरहनुभएको छ । काठमाडौंको शतुङ्गलस्थित गौथली चोकनजिकै नयाँ बस्तीमा बस्दै आउनुभएकी बिन्दुको आर्थिक अवस्था ...
All Information In One Place
Real-time headlines from trusted sources. Get the app now — stay updated, inspired, and ahead with breaking news!
