राष्ट्रपतिदेखि सर्वसाधारणसम्म दसैँको टीकामा

काठमाडौँ। बडादसैँको मुख्य दिन विजयादशमीका अवसरमा बुधबार देशभर टीका, जमरा र प्रसाद ग्रहण गरिएको छ। राष्ट्रपति रामचन्द्र पौडेल र उपराष्ट्रपति रामसहायप्रसाद यादवले बिहान १० बजेर २६ मिनेटको शुभ साइतमा गुरु पुरोहितबाट टीका र जमरा ग्रहण गरेका छन्। सर्वसाधारणले पनि मान्यजनबाट टीका र जमरा थापेर दसैँ मनाएका छन्। राष्ट्रपति भवन शीतल निवासमा राष्ट्रपति पौडेलले गुरु पुरोहितबाट टीका, जमरा र प्रसाद ग्रहण गरेपछि प्रथम महिला सविता पौडेलसहित परिवारका सदस्यलाई टीका लगाइदिएका थिए। राष्ट्रपतिको स्वकीय सचिवालयका अनुसार विजयादशमीको शुभ साइतमा टीका लगाउने कार्यक्रम भएको हो। त्यसैगरी उपराष्ट्रपति यादवले लैनचौरस्थित उपराष्ट्रपति भवनमा गुरु पुरोहितबाट टीका, जमरा र प्रसाद ग्रहण गरेका थिए। उपराष्ट्रपतिका प्रेस सल्लाहकार दिनेश यादवका अनुसार त्यसपछि उनले परिवारका सदस्यलाई पनि टीका लगाइदिएका थिए। दसैँका अवसरमा काठमाडौँ उपत्यकाबाहिर पनि परिवारका सदस्य तथा आफन्तहरू भेला भएर मान्यजनबाट टीका र जमरा ग्रहण गरेका छन्। राष्ट्रपति रामचन्द्र पौडेल बुधबार भवन शीतल निवासमा यस वर्षको दसैँको शुभसाइतमा १० बजेर २६ मिनेटमा गुरू पुरोहितबाट टीका, प्रसाद र जमरा ग्रहण गर्नुहुँदै। तस्बिरः किरणराज विष्ट/रासस राष्ट्रपति रामचन्द्र पौडेल बुधबार राष्ट्रपति भवन शीतल निवासमा यस वर्षको दसैँको शुभसाइत १० बजेर २६ मिनेटमा गुरू पुरोहितबाट टीका, प्रसाद र जमरा ग्रहण गर्नुहुँदै। सौजन्य तस्बिरः राष्ट्रपतिको कार्यालय/रासस राष्ट्रपति रामचन्द्र पौडेल बुधबार राष्ट्रपति भवन शीतल निवासमा गुरू पुरोहितलाई यस वर्षको दसैँको टीका, प्रसाद र जमरा लगाई दिँदै। सौजन्य तस्बिरः राष्ट्रपतिको सचिवालय/रासस राष्ट्रपति रामचन्द्र पौडेल बुधबार राष्ट्रपति भवन शीतल निवासमा यस वर्षको दसैँको शुभसाइतमा १०ः२६ मिनेटमा गुरु पुरोहितबाट यस वर्षको दसैँको टीका, प्रसाद र जमरा ग्रहण गर्दै । सौजन्य तस्बिरः राष्ट्रपतिको सचिवालय/रासस राष्ट्रपति रामचन्द्र पौडेल बुधबार राष्ट्रपति भवन शीतल निवासमा यस वर्षको दसैँको शुभसाइत १० बजेर २६ मिनेटमा गुरु पुरोहितबाट टीका, प्रसाद र जमरा ग्रहण गर्नुहुँदै। तस्बिरः किरणराज विष्ट/रासस उपराष्ट्रपति रामसहाय प्रसाद यादव बुधबार शुभसाइत बिहान १०ः२६ मा गुरु पुरोहितबाट विजयादशमीको टीका, प्रसाद र जमरा ग्रहण गर्नुहुँदै। सौजन्य तस्बिरः उपराष्ट्रपतिको सचिवालय/रासस बडादसैँको अवसरमा बुधबार बागलुङ नगरपालिका-८ सिगानामा मान्यजनबाट टीका र जमरा ग्रहण गरिँदै। तस्बिरः खेमराज गौतम/रासस दाङको राप्ती गाउँपालिका-२ स्थित लालमटियामा बडादसैँका दिन बुधबार स्थानीयवासी मान्यजनबाट टीका र जमरा ग्रहण गर्दै। तस्बिरः कुलदीप न्यौपाने/रासस