भारत–पाकिस्तान द्वन्द्व रोक्न भूमिका खेलेको ट्रम्पको दाबी
टेक्सास।अमेरिकी राष्ट्रपति डोनाल्ड ट्रम्पले भारत र पाकिस्तानबीचको सैन्य द्वन्द्व रोक्न दुवै देशमाथि २५० प्रतिशत भन्सार शुल्क लगाउने धम्की दिएको दाबी दोहोर्याएका छन्। आफूले अन्त्य गरेको दाबी गरेका आठ युद्धमध्ये पाँच वटा व्यापारिक दबाबबाट समाधान भएको उनको भनाइ छ। टेक्सासको कर्पस क्रिस्टीमा बुधबार आयोजित चुनावी सभामा उनले दुवै देशका प्रधानमन्त्रीलाई युद्ध जारी राखे अमेरिकासँग व्यापार गर्न नदिने चेतावनी दिएको बताए। उक्त दबाबपछि युद्धविराम भएको र पाकिस्तानका प्रधानमन्त्री शाहबाज सरिफले आफूले कम्तीमा तीन करोड मानिसको ज्यान बचाएको बताएको उनको दाबी छ। भारतले भने द्वन्द्व रोक्न बाह्य मध्यस्थताको भूमिका रहेको दाबी अस्वीकार गर्दै आएको छ। भारतका अनुसार पाकिस्तानका सैन्य कारबाहीका महानिर्देशकले भारतीय समकक्षीसँग आग्रह गरेपछि अपरेसन सिन्दूरका क्रममा युद्धविराम भएको थियो। भारतले पहलगाममा अप्रिल २२ मा भएको आतंकवादी हमलाको जवाफमा मे ७ मा उक्त अभियान सुरु गरेको र मे १० मा रोकेको थियो। ट्रम्पले आठ युद्ध समाधान गरेको भन्दै आफू नोबेल शान्ति पुरस्कारको हकदार रहेको दाबी पनि गरेका छन्। नर्वेजियन नोबेल समितिले अक्टोबर ९ मा सन् २०२६ को पुरस्कार दक्षिण अफ्रिकी न्यायविद् नवी पिल्लेलाई दिने घोषणा गरेपछि उनले छनोटको आलोचना गर्दै आएका छन्। –रासस /एएनआई
Read Complete Original Article
Published originally on नेपालन्युज
Related News
प्रधान सेनापतिद्वारा शिलालेख अनावरण
गोरखापत्र समाचारदाताकाठमाडौँ, कात्तिक ११ गते । विपद् व्यवस्थापन, उद्धार तथा कठिन परिस्थितिमा हवाई सेवा प्रदान गर्दै आएको सैनिक हवाई सेवाको उक्त उपलब्धिको अवसरमा प्रधान सेनापति अशोक... ...
राससका नवनियुक्त अध्यक्ष कोइरालाद्वारा कार्यभार ग्रहण
• सूचना तथा सञ्चार मन्त्रालयका सहसचिव विष्णुप्रसाद कोइराला राष्ट्रिय समाचार समिति (रासस) का अध्यक्षमा नियुक्त भएका छन्। • अध्यक्ष कोइरालाले राससको संगठन र व्यवस्थापन सुधारमा ध्यान दिनुपर्ने बताएका छन् र राष्ट्रिय समाचार समिति ऐन, २०१९ को परिमार्जन प्रक्रिया सुरु गर्ने योजना बनाएका छन्। • महाप्रबन्धक सन्दीप राईले अध्यक्ष कोइरालाको अनुभवले राससको विकासमा योगदान पुर्याउने विश्वास व्यक्त गरेका छन्। ...
स्थानीय तहको निर्वाचनलाई गैरदलीय बनाउन उज्यालो नेपालको ध्यानाकर्षण
काठमाडौँ। उज्यालो नेपाल पार्टीले आगामी स्थानीय तहको निर्वाचन गैरदलीय प्रणालीबाट सम्पन्न गर्न तथा विदेशमा रहेका नेपाली नागरिकलाई आफ्नो स्थायी ठेगाना रहेको स्थानीय तहको निर्वाचनमा मतदान गर्न पाउने व्यवस्था सुनिश्चित गर्न... ...
पोखराले सुदूरपश्चिमलाई दियो १४६ रनको लक्ष्य
काठमाडौं । नेपाल प्रिमियर लिग (एनपीएल) अन्तर्गत पोखरा एभेन्जर्सले सुदूरपश्चिम रोयल्सलाई जितका लागि १४६ रनको लक्ष्य दिएको छ। कीर्तिपुरस्थित त्रिवि क्रिकेट मैदानमा जारी खेलमा टस हारेर पहिले ब्याटिङ गरेको पोखराले निर्धारित २० ओभरमा सात विकेट गुमाउँदै १४५ रन बनाएको हो। पोखराका लागि अर्जुन घर्तीले सर्वाधिक ४० रन बनाए। अविजित रहेका उनले २५ बलमा चार चौका र एक छक्का प्रहार गरे। त्यस्तै, मेहदी हसनले ...
All Information In One Place
Real-time headlines from trusted sources. Get the app now — stay updated, inspired, and ahead with breaking news!
