भद्रकाली दर्शनमा पुगेका भक्तजनहरु भन्छन् : शान्ति र देश कल्याणको कामना गरेका छौं
<p>काठमाडौं । बडादशैँको नवरात्रसँगै देशभरका शक्तिपीठहरुमा दर्शन गर्नेहरुको भीड लाग्ने गर्छ । विशेषगरी काठमाडौं उपत्यकाभित्रका शक्तिपीठहरुमा पनि दर्शन गर्नेहरुको उत्तिक घुइँचो छ ।<p>काठमाडौंस्थित मुख्य शक्तिपीठमध्ये भद्रकाली मन्दिरमा पूजाआजा तथा देवीको दर्शन गर्न आउने भक्तजनको चहलपहल बढेको छ ।</p><p>नवरात्रका अवसरमा देवीको आराधना गर्न मन्दिर पुग्ने भक्तजनमध्ये कोही वर्षौंदेखिको परम्परालाई निरन्तरता दिन आएका छन् भने कोही परिवारको सुख, शान्ति र देशको कल्याणको कामना गर्दै पूजाआजामा सहभागी भइरहेका छन् ।</p><p>बडादशैँमा विशेष पूजाआजा हुने प्रमुख शक्तिपीठमध्ये भद्रकाली मन्दिर पनि एक हो । नवरात्रका नौं दिन फरक–फरक शक्तिपीठमा पुगेर देवीको दर्शन गर्ने धार्मिक मान्यताअनुसार कतिपय भक्तजनले दैनिक नयाँ मन्दिर पुग्ने योजना बनाएका छन् ।</p><p>भद्रकाली मन्दिरमा पूजाआजा गर्न आएका सानु थापा उमेरले पाका छन् । उनी विगतमा नवरात्रभरि नुहाउने, देवीको दर्शन गर्ने र विभिन्न मन्दिर घुम्ने गरेको सम्झन्छिन् । अहिले भने उमेर बढ्दै जाँदा हिँडडुल गर्न कठिन भएको उनी बताउँछिन् ।</p><p>‘पहिला त नवरात्रभरि नुहाइन्थ्यो, दर्शन गरिन्थ्यो, मन्दिरतिर घुमिन्थ्यो । अहिले बुढेसकालमा हिँड्न सकिँदैन,’ थापा भन्छिन् ।</p><p>उमेरका कारण पहिलेझैँ मन्दिरहरू घुम्न नसके पनि दसैँप्रतिको उनको सद्भाव उस्तै छ । सबैले दसैँ राम्रोसँग मनाउन पाऊन् र खुसी रहून् भन्ने कामना गर्दै उनी भन्छिन्, ‘दसैँमा सबै जनाले राम्रोसित मानून्, धेरै खुसी होऊन्, त्यही हो ।’</p><p>त्यस्तै, भद्रकाली मन्दिरमा पूजाआजा गर्न आएकी सीता ढुंगाना नवरात्रमा देवीको आराधना गर्नुको विशेष महत्त्व रहेको बताउँछिन् । हिन्दू धर्मावलम्बीको प्रमुख चाड दसैँमा भद्रकालीलगायत शक्तिपीठमा पुगेर पूजा गर्ने परम्पराले आफूलाई पनि मन्दिरसम्म ल्याएको उनको भनाइ छ ।</p><p>‘हिन्दूहरूको सबैभन्दा महत्त्वपूर्ण चाड दसैँ हो । नवरात्रमा भद्रकालीको विशेष महत्त्व भएकाले यहाँ आएका हौँ। सम्पूर्ण देवीदेवताको महत्त्व छ, तर काली माताको मन्दिरमा विशेष रूपमा आउने चलन छ,’ ढुंगाना भन्छिन् ।</p><p>पूजाआजा र देवीको दर्शन गर्न मन्दिर पुगेकी ढुंगानाको मनमा भने यस वर्ष देशको परिस्थितिलाई लिएर चिन्ता पनि छ । विगतमा दसैँका बेला गाउँघर जाने, आफन्तसँग भेटघाट गर्ने र रमाइलो गर्ने चलन सम्झँदै उनी अहिलेको वातावरण केही शान्त र निराशाजनक बनेको सुनाउँछिन् ।</p><p>‘पहिला–पहिला गाउँघर गइन्थ्यो, यताउति रमाइलो हुन्थ्यो । अहिले चाहिँ अलि सन्नाटा छाएको छ । देशमा पनि नराम्रो भएको छ, दुःख छ । तैपनि दुःखलाई थाती राखेरै भगवानलाई प्रार्थना गर्न आएको हुँ,’ उनी भन्छिन् ।</p><p>देशमा देखिएका समस्या र आपत्विपत् कम होऊन् तथा सबै मिलेर अघि बढ्दा राम्रो परिस्थिति निर्माण होस् भन्ने उनको कामना छ । धार्मिक आस्थासँगै सामाजिक एकता र आपसी सद्भावको आवश्यकता औँल्याउँदै उनी सबैलाई मिलेर सकारात्मक प्रयास गर्न आग्रह गर्छिन् ।</p><p>भद्रकाली मन्दिरमा पूजाआजा गर्न आएका यी भक्तजनका अनुभवले दशैँको धार्मिक र भावनात्मक पक्षलाई उजागर गर्छन् । कसैका लागि नवरात्र पुराना दिनको सम्झना हो भने कसैका लागि वर्तमानका दुःख बिर्सेर मनलाई शान्त बनाउने अवसर । देवीको दर्शन र पूजाआजामार्फत उनीहरू आफ्नो जीवन, परिवार र देशका लागि सुख, शान्ति तथा समृद्धिको कामना गरिरहेका छन् ।</p> </p>
Read Complete Original Article
Published originally on ओएसनेपाल
Related News
घान्द्रुक : जहाँबाट देखिन्छ मनमोहक हिमाल (तस्वीरहरू)
होमस्टेसँगै पछिल्लो समय घान्द्रुकमा होटलहरू पनि सञ्चालनमा आएका छन् । यहाँबाट घान्द्रुक घोरेपानी पदयात्रा गर्न सकिन्छ । अन्नपूर्ण, मर्दी र पुनहिल ट्रेकिङ पनि जान सकिन्छ । ट्रेकिङको ट्रान्जिट प्वइन्ट पनि हो घान्द्रुक । ...
मौलाकालिका मन्दिरमा दर्शनार्थीको घुइँचो
२ असोज, काठमाडौं । नवरात्रका अवसरमा पूर्वी नवलपरासीको गैँडाकोटमा रहेको ऐतिहासिक एवं धार्मिकस्थल मौलाकालिका मन्दिरमा दर्शनार्थीको घुइँचो लागेको छ । दसैंको नवदुर्गा सुरु भएदेखि मौलाकालिका दर्शन गर्न जाने क्रम बढेको हो । पहिले गैंडाकोटबाट माथि मन्दिरसम्म हिँडेर जानुपर्नेमा अहिले मन्दिरसम्म पुग्नका लागि केबलकार निर्माण भएपछि सहज भएको हो । धार्मिक सेवा समिति मौलाकालिकाका अनुसार यस… ...
जनकपुरधामको राजदेवी मन्दिरमा १४ हजार ८९१ बोकाको बलि प्रदान
जनकपुरधामस्थित राजदेवी मन्दिरमा यस वर्ष १४ हजार ८१९ वटा बोकाको बलि प्रदान भएको छ । हिजो (आईतबार) राती पौने ९ बजेदेखि सुरु भएको बलिप्रदान कार्यक्रम विहान ४ बजेसम्म चलेको थियो । बलि प्रदानका निम्ति ४ वटा ठेहा –बलि दिने स्थान) को व्यवस्था गरिएको थियो । श्रद्धालुभक्तजनको सुविधाका निम्त मन्दिरको पूर्व, पश्चिम र दक्षिण गरी तीन स्थानबाट बोकाको लाईन व्यवस्थापन गरिएको थियो । बलि ...
वडादशैंका लागि सशस्त्र प्रहरीद्वारा १२४ वटा पिङ निर्माणमा सहयोग
वडादशैंका अवसरमा सशस्त्र प्रहरी बल, नेपालले स्थानीय समुदायको सहकार्यमा देशका विभिन्न स्थानमा १२४ वटा पिङ निर्माणमा सहयोग गरेको छ । सशस्त्र प्रहरी बल, नेपालका सशस्त्र प्रहरी नायब महानिरीक्षक तथा प्रवक्ता नेत्रबहादुर कार्कीले उक्त जानकारी दिएका हुन् । दशैंका बेला परम्परागत रूपमा खेलिने पिङको संरक्षण तथा प्रवद्र्धन गर्दै चाडपर्वलाई थप उल्लासमय बनाउन सशस्त्र प्रहरीले स्थानीय समुदायलाई सहयोग गरेको हो । ...
All Information In One Place
Real-time headlines from trusted sources. Get the app now — stay updated, inspired, and ahead with breaking news!
