Monday, November 16, 2026||
MultiKhabarMultiKhabar

बक्स अफिसमा ऐतिहासिक आँधी : नितेश तिवारीको चलचित्र ‘रामायण’ को लोभलाग्दो सफलता

Share:WhatsAppFacebookX (Twitter)Telegram
बक्स अफिसमा ऐतिहासिक आँधी : नितेश तिवारीको चलचित्र ‘रामायण’ को लोभलाग्दो सफलता
Photo / Coverage: कर्पोरट खबर

काठमाडौं । तपाईंले रणबीर कपूर र साई पल्लवी अभिनित फिल्म ‘रामायण’ हेर्नुभयो रु यदि हेरिसक्नुभयो भने तपाईंलाई सबैभन्दा बढी कसको भूमिका मनपर्यो ? आफ्नो प्रतिक्रिया दिँदै गर्नुहोला, आज हामी रामायणले चलचित्र जगतमा मच्चाएको तहल्काको विषयमा चर्चा गर्नेछौं । बलिउडका चर्चित निर्देशक नितेश तिवारीको म्याग्नम ओपस चलचित्र ‘रामायण’ ले यतिबेला बलिउडमा मात्र नभई विश्वव्यापी रूपमै बक्स अफिसमा तहल्का मच्चाएको छ । हिन्दू धर्मग्रन्थको महाकाव्यमा आधारित यस चलचित्रले दर्शकहरूको मन मात्र जितेको छैन, कमाईको मामिलामा समेत पुराना रेकर्डहरू तोड्दै नयाँ इतिहास रचेको छ। गत नोभेम्बर ५ मा विश्वभरि ‘रामायण’ प्रदर्शनमा आएको हो । यो चलचित्रले प्रदर्शनको पहिलो दिनदेखि नै बक्स अफिसमा आक्रामक व्यापारको सुरुवात गरेको थियो । चलचित्रले रिलिज भएको पहिलो दिन नै भारतमा मात्र करिब ६४।८५ करोड रुपैयाँको खुद कलेक्सन गर्दै उत्कृष्ट सुरुवात गर्न सफल भयो । सप्ताहन्त र त्यसपछिका दिनहरूमा पनि यसको क्रेजमा कुनै कमी आएको छैन । पछिल्लो विवरण अनुसार विश्वव्यापी बक्स अफिसमा १४ सय करोड भारतीय रुपैयाँ कमाइसकेको छ । विशेष गरी रणबीर कपूरको अघिल्लो सुपरहिट चलचित्र ‘एनिमल’ को रेकर्डलाई पछि पार्दै यसले आफ्नो दबदबा कायम राखेको छ। भारतका विभिन्न भाषामा (हिन्दी, तमिल, तेलुगु, कन्नड र मलयालम) एकसाथ रिलिज भएको यस चलचित्रले हिन्दी संस्करणबाट सबैभन्दा धेरै करिब ७६ प्रतिशतभन्दा बढी व्यापार गरेको छ भने दक्षिण भारतका राज्यहरूमा पनि यसको भिजुअल र भव्यताले दर्शकको मन जित्न सफल भएको छ । चलचित्रमा अभिनेता रणबीर कपूरले मर्यादा पुरुषोत्तम भगवान श्रीरामको भूमिका निभाएका छन्। जुन भूमिका फिल्मको केन्द्रमा रहेको छ । कन्नड सुपरस्टार यशले यस चलचित्रमा लंकापति रावणको शक्तिशाली र खरो खलनायकको भूमिका निर्वाह गरेका छन् । फिल्ममा उनको भूमिकाको चर्चा दर्शकहरूले बढी गरेका छन् । दक्षिण भारतीय अभिनेत्री साई पल्लवीले अत्यन्तै शालीन अभिनयका साथ माता सीताको भूमिकालाई जीवन्त बनाएकी छन् । टेलिसिरियलमा अत्यन्त रुचाइएका रवि दुबेले भगवान श्रीरामका भाइ लक्ष्मणको भूमिका निभाएका छन् । उनले पनि लक्ष्मणको भूमिकालाई एक्सन र भावनात्मक दुवै पक्षबाट प्रभावकारी ढंगले प्रस्तुत गरेको फिल्ममा देख्न सकिन्छ । फिल्म दुनियाँमा ‘पाजी’ भनेर चिनिने सनी देओलले महाबली हनुमानको रूपमा विशेष क्यामियो भूमिकामार्फत चलचित्रमा बेग्लै ऊर्जा भर्न सफल भएको महसुस हुन्छ । यस चलचित्रमा अरुण गोविल ९राजा दशरथको रूपमा०, लारा दत्ता ९कैकेयी०, काजल अग्रवाल ९मन्दोदरी०, अनुपम खेर ९जटायुको आवाज०, रकुल प्रीत सिंह ९शूर्पणखा० र विवेक ओबेरोय ९विद्युतजिब्हा० जस्ता चर्चित कलाकारहरूले फिल्मलाई तारिफयोग्य बनाउन महत्वपूर्ण योगदान दिएका छन् । नायक भन्दा खलनायकको बढी तारिफ सामान्यतया फिल्ममा नायकको भूमिकालाई सकारात्मक रूपमा हेर्ने गरिन्छ र प्रशंसा पनि नायककै गरिन्छ । तर ‘रामायण’ फिल्ममा नायक भन्दा खलनायकको बढी तारिफ गरिरहेका छन् । चलचित्रमा दर्शकहरूले खलनायकको भूमिकामा देखिएका सुपरस्टार यश ९रावण० को तारिफ गरिरहेका छन् । नगरुन पनि कसरी, रावणको भूमिका निर्वाह गरेका यशले आफूलाई रावणकै चरित्रमा ढाल्न निकै मेहनत गरेका छन् । उनको अभिनयमा देखिएको क्रूरता, शक्ति, विद्वत्ताको प्रशंसा गरि साध्य छैन । धेरैले उनलाई चलचित्रको वास्तविक म्यान अफ द म्याच पनि भनेका छन् । रणबीर कपूरको शान्त स्वभावको ठीक विपरीत यशको आक्रामक अन्दाजलाई दर्शकले निकै मन पराएका हुन् । रामको भूमिका भगवान रामको भूमिकामा देखिएका रणबीर कपूरले पनि आफूलाई भगवान रामजस्तै निकै सन्तुलित र परिपक्व रूपमा प्रस्तुत गरेका छन् । रामायणका आदर्श, उनको आँखाको गम्भीरता र बोल्ने शैलीले दर्शकको मन जितेको छ । युद्ध मैदानको दृश्य होस् वा वनवासको पीडा, रणबीरले पात्रको मर्यादालाई पूर्ण रूपमा न्याय दिएका छन् । सीताको भूमिका माता सीताको रूपमा साई पल्लवीको कास्टिङ सुरुमा केही विवादित भए पनि जब फिल्म प्रदर्शनमा आयो तब उनको अनुहारको सौम्यता, भावभंगी र शालीन अभिनयले सबैलाई हेरेको हेरै बनायो । दर्शकहरूले उनलाई सीताको रूपमा पर्दामा हेर्दा एक प्रकारको दिव्य शान्ति महसुस भएको प्रतिक्रिया समेत दिएका छन्। लक्ष्मणको भूमिकामा देखिएका रवि दुबेको फुर्तिलो र साहसी योद्धाको रूपमा गरिएको अभिनयले दर्शकलाई हँसाउनुका साथै भावुक समेत बनाउँछ। त्यस्तै, फिल्मको उत्तरार्धतिर प्रवेश गर्ने सनी देओल ९हनुमान० को शक्तिशाली इन्ट्रीमा हलभित्र दर्शकहरूले सिट्ठी र ताली बजाएर स्वागत गरेका छन्। उनीहरूको यो जोडिप्रतिको क्रेज सोशल मिडियामा भाइरल भइरहेको छ। ‘रामायण’ निर्देशक नितेश तिवारीले सनातन संस्कृति र इतिहासलाई प्रविधिमार्फत विश्वसामु पुर्‍याउन जुन प्रयास गरेका छन्, त्यो सराहनीय छ र त्यसले आज सार्थकता पनि पाएको छ । ‘रामायण’ फिल्मको भाग दुई पनि बन्ने बताइएको छ । फिल्मको पहिलो भागको अन्त्य माता सीताको अपहरण र जटायुको अमर बलिदानसँगै सकिन्छ, जसले दर्शकहरूलाई यसको सिक्वेल ९भाग २० को लागि उत्सुक बनाएको छ। भागको सिक्वेलले दर्शकमा झनै उत्सुकता बढाएको छ र उत्सुकता मेटाउनका लागि भाग दुई पर्खनै पर्ने छ । The post बक्स अफिसमा ऐतिहासिक आँधी : नितेश तिवारीको चलचित्र ‘रामायण’ को लोभलाग्दो सफलता appeared first on Corporate Khabar : Nepals First Corporate News Magazine and Portal.

Share:WhatsAppFacebookX (Twitter)Telegram

Read Complete Original Article

Published originally on कर्पोरट खबर

Visit Publisher Site →

Related News

🇳🇵 Nepal
खराब कर्जा असुलीमा अर्थमन्त्री डा. वाग्लेको जोड
Latest NewsJust now

खराब कर्जा असुलीमा अर्थमन्त्री डा. वाग्लेको जोड

काठमाडौँ। अर्थमन्त्री डा. स्वर्णिम वाग्लेले नेपालको पहिलो बैंक नेपाल बैंक लिमिटेडलाई वित्तीय तथा आर्थिक अनुशासन कायम गर्दै खराब कर्जा असुलीमा विशेष ध्यान दिन निर्देशन दिए। नेपाल बैंक लिमिटेडको ९०औँ वार्षिकोत्सव... ...

रातोपाटी
खराब कर्जा असुलीमा अर्थमन्त्रीको जोड
Latest NewsJust now

खराब कर्जा असुलीमा अर्थमन्त्रीको जोड

काठमाडौं।अर्थमन्त्री डा. स्वर्णिम वाग्लेले नेपालको पहिलो बैंक नेपाल बैंक लिमिटेडलाई वित्तीय तथा आर्थिक अनुशासन कायम गर्दै खराब कर्जा असुलीमा विशेष ध्यान दिन निर्देशन दिएका छन्। नेपाल बैंक लिमिटेडको ९०औं वार्षिकोत्सव समारोहको आज यहाँ उद्घाटन गर्दै उनले बैंकलाई अनुत्पादक क्षेत्रमा लगानी नगर्न पनि आग्रह गरे। नेपालको बैंकिङ क्षेत्रमा गौरवमय इतिहास बोकेको यस बैंकले सुशासनको उच्च मापदण्ड कायम गर्दै डिजिटल रूपान्तरणमार्फत सरल र सहज ...

नेपालन्युज
एमालेको राष्ट्रिय भेला मंसिर २ र ३ गते, ३ हजार ४१४ जना सहभागी हुने
Latest NewsJust now

एमालेको राष्ट्रिय भेला मंसिर २ र ३ गते, ३ हजार ४१४ जना सहभागी हुने

काठमाडौं । नेकपा (एमाले)ले यही मङ्सिर २ र ३ गते हुने राष्ट्रिय भेलाको तयारी पूरा भएको जनाएको छ । ललितपुर, च्यासलस्थित एमाले केन्द्रीय कार्यालयमा आज पार्टीको प्रचार तथा प्रकाशन विभागले आयोजना गरेको पत्रकार सम्मेलनमा भेलाको तयारी पूरा भएको विभागका प्रमुख नीरज आचार्यले जानकारी दिए । पत्रकार सम्मेलनमा पार्टीका महासचिव शङ्कर पोखरेलले पार्टीलाई थप एकताबद्ध बनाउने र साङ्गठनिक सुदृढिकरण गर्नका लागि भेलाको ...

केन्द्रबिन्दु
हसिनाको गृहनगरमा सुरक्षा व्यवस्था कडा, १० प्लाटुन बिजिबी परिचालन
Latest NewsJust now

हसिनाको गृहनगरमा सुरक्षा व्यवस्था कडा, १० प्लाटुन बिजिबी परिचालन

काठमाडौं । बङ्गलादेशले पूर्वप्रधानमन्त्री शेख हसिनाको गृहनगर गोपालगञ्जमा सुरक्षा व्यवस्था कडा पारेको छ । सम्भावित सुरक्षा चुनौतीलाई ध्यानमा राख्दै सीमा सुरक्षा बल (बिजिबी) का १० प्लाटुन परिचालन गरिएको छ । सुरक्षाका लागि ड्रोन, बडी क्यामेरा र दङ्गा नियन्त्रणमा प्रयोग हुने सशस्त्र सवारीसाधनसमेत तैनाथ गरिएको छ । हसिनाले आगामी डिसेम्बरमा स्वदेश फर्कने योजना सार्वजनिक गरेपछि गोपालगञ्जमा […] ...

लोकपथ
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play