साताको कारोबारको अन्तिम दिन बिहीबार सेयर बजार परिसूचक नेप्से १२.९५ अंकले घटेर २ हजार ६५२ अंकमा झरेको छ । बजारमा कारोबार सुरु भएको दुई मिनेटसम्म बढ्ने संकेत देखिए पनि त्यसपछि दिनभर नेप्से घटेको थियो । बजार घटेसँगै कारोबार रकममा पनि कमी आएको छ । बुधबार ७ अर्ब ४३ करोड रुपैयाँको कारोबार भएकोमा बिहीबार ४ अर्ब ७२ करोड रुपैयाँमा सीमित भएको छ । कारोबार भएका कम्पनीमध्ये २११ वटाको सेयर मूल्य घट्दा ५६ वटाको बढेको छ भने १२ वटाको स्थिर रहेको छ । समूहगत परिसूचकतर्फ माइक्रोफाइनान्सबाहेक सबै समूह घटेका छन् । माइक्रोफाइनान्स ०.०९ प्रतिशत बढ्दा बैंकिङ, विकास बैंक, जलविद्युत्, वित्त र बीमासहितका समूहमा गिरावट आएको छ ।
नेप्सेमा १२.९५ अंकको गिरावट, कारोबार रकम पनि घट्यो
Read Complete Original Article
Published originally on पर्दाफास
