नागढुंगा सुरुङमार्गमा कात्तिक १५ देखि टोल शुल्क
काठमाडौं । नागढंगा सुरुङमार्ग प्रयोग गर्ने सवारीसाधनबाट आगामी कात्तिक १५ गतेदेखि सडक उपभोग दस्तुर (टोल शुल्क) संकलन गरिने भएको छ । नागढुंगा सुरुङमार्ग निर्माण आयोजनाले सुरुङमार्ग प्रयोग गर्ने सवारीसाधनका लागि सवारीको वर्ग र यात्राको दिशाअनुसार फरक-फरक शुल्क निर्धारण गरी टोल शुल्क संकलन सुरु गर्न लागेको हो । भौतिक पूर्वाधार विकास मन्त्रालयअन्तर्गत विकास सहायता कार्यान्वयन महाशाखाले बिहीबार सूचना जारी गर्दै कात्तिक १५ गतेदेखि सुरुङमार्ग प्रयोग गर्ने सवारीसाधनबाट टोल शुल्क संकलन गरिने जनाएको छ । यससँगै काठमाडौं उपत्यकालाई देशका अन्य भागसँग जोड्ने प्रमुख सडकखण्डमा पर्ने नागढुंगा सुरुङमार्ग प्रयोग गर्दा सवारीसाधनले निर्धारित शुल्क तिर्नुपर्ने छ । आयोजनाका अनुसार सडक बोर्ड नेपालको कार्यकारी समितिको २०८३ असोज १२ गतेको निर्णय तथा २०८२ चैत २६ गते नेपाल राजपत्रमा प्रकाशित सूचनाबमोजिम टोल शुल्क संकलन गर्न लागिएको हो । सुरुङमार्गबाट काठमाडौं प्रवेश गर्ने र काठमाडौंबाट बाहिरिने सवारीसाधनका लागि छुट्टाछुट्टै दर निर्धारण गरिएको छ । चार वर्गमा शुल्क निर्धारणसूचनाअनुसार सवारीसाधनलाई चार वर्गमा विभाजन गरी शुल्क तोकिएको छ । कार, भ्यान, पिकअप, ट्याक्टर, माइक्रोबस तथा अन्य हलुका सवारीसाधनले काठमाडौं प्रवेश गर्दा ६५ रुपैयाँ र काठमाडौंबाट बाहिरिँदा ६० रुपैयाँ टोल शुल्क तिर्नुपर्ने छ । त्यस्तै, मिनीबस तथा मिनी टिपर/ट्रकका लागि काठमाडौं प्रवेश गर्दा ११५ रुपैयाँ र काठमाडौंबाट बाहिरिँदा ८० रुपैयाँ शुल्क निर्धारण गरिएको छ । बस तथा सिंगल रियर एक्सेल भएका ट्रकले काठमाडौं प्रवेश गर्दा २६० रुपैयाँ र काठमाडौंबाट बाहिरिँदा २०० रुपैयाँ तिर्नुपर्ने छ । यस वर्गमा पर्ने ठूला सवारीसाधनको हकमा प्रवेश र प्रस्थानका लागि फरक शुल्क कायम गरिएको छ । त्यसैगरी, मल्टी एक्सेल ट्रक, अन्य सम्बन्धित सवारीसाधन तथा भारी उपकरणका लागि काठमाडौं प्रवेश गर्दा ६०० रुपैयाँ र काठमाडौंबाट बाहिरिँदा २५० रुपैयाँ शुल्क तोकिएको छ । यो वर्गमा प्रवेश र प्रस्थानका लागि निर्धारण गरिएको शुल्कबीच सबैभन्दा ठूलो अन्तर देखिन्छ । प्रवेश र प्रस्थानका लागि फरक दरसुरुङमार्ग प्रयोग गर्ने सवारीसाधनको वर्गअनुसार काठमाडौं प्रवेश गर्दा तिर्नुपर्ने शुल्क काठमाडौं बाहिरिँदाको तुलनामा बढी वा कम हुनेगरी दर निर्धारण गरिएको छ । विशेषगरी बस तथा ट्रक र भारी सवारीसाधनका लागि प्रवेशतर्फको शुल्क तुलनात्मक रूपमा बढी छ । निर्धारित शुल्कअनुसार हलुका सवारीसाधनले काठमाडौं प्रवेश गर्दा ६५ रुपैयाँ तिर्नुपर्ने भए पनि बाहिरिँदा ६० रुपैयाँ मात्रै तिर्नुपर्ने छ । मिनीबस तथा मिनी टिपर/ट्रकका लागि प्रवेश र प्रस्थान शुल्कमा ३५ रुपैयाँको अन्तर छ । बस तथा सिंगल रियर एक्सेल भएका ट्रकका लागि ६० रुपैयाँ र मल्टी एक्सेल ट्रक तथा भारी उपकरणका लागि ३५० रुपैयाँको अन्तर निर्धारण गरिएको छ । नागढुंगा सुरुङमार्ग काठमाडौं उपत्यका प्रवेश गर्ने तथा उपत्यकाबाट बाहिरिने सवारीसाधनका लागि महत्त्वपूर्ण पूर्वाधार आयोजना हो । नागढुंगा-नौबिसे सडकखण्डमा हुने सवारी चाप र यात्रामा लाग्ने समय कम गर्न सुरुङमार्ग निर्माण गरिएको हो । सुरुङमार्ग सञ्चालनसँगै यस मार्गबाट यात्रा गर्ने सवारीसाधनले परम्परागत घुमाउरो सडकको विकल्प पाउने अपेक्षा गरिएको छ । विशेषगरी लामो दूरीका यात्रुवाहक बस, मालवाहक ट्रक तथा निजी सवारीसाधनका लागि यो मार्ग उपयोगी हुने विश्वास गरिएको छ । यद्यपि, टोल शुल्क संकलन सुरु भएपछि सुरुङमार्ग प्रयोग गर्ने सवारीसाधनले यात्राको लागतमा उक्त शुल्कसमेत समावेश गर्नुपर्नेछ । त्यसैले निजी सवारीधनी, सार्वजनिक यातायात सञ्चालक तथा मालवाहक सवारी व्यवसायीले निर्धारित शुल्कलाई ध्यानमा राखेर यात्रा तथा ढुवानी खर्चको योजना बनाउनुपर्ने देखिन्छ ।
Read Complete Original Article
Published originally on हिमालय टाइम्स
Related News
चक्रवात ‘अर्नब’को प्रभाव बढ्दै, आज र भोलि देशभर वर्षा र हिमपातको सम्भावना
• पश्चिमी वायु र चक्रवात ‘अर्नब’को प्रभावले नेपालका विभिन्न स्थानमा वर्षा भइरहेको छ। • मौसम पूर्वानुमान अनुसार आज र भोलि अधिकांश स्थानमा मेघगर्जन, चट्याङसहित मध्यम वर्षा र हिमपातको सम्भावना छ। • कृषि कार्य नगर्न र उच्च पहाडी क्षेत्रमा सतर्कता अपनाउन महाशाखाले अनुरोध गरेको छ। ...
हुम्लामा वर्षा र हिमपातको सम्भावना: उच्च सतर्कता अपनाउन प्रशासनको आग्रह
चेतावनी दिएपछि जिल्ला प्रशासन कार्यालय हुम्लाले जिल्लाबासीलाई उच्च सतर्कता अपनाउन आग्रह गरेको छ। ...
आज सातवटै प्रदेशमा भारी वर्षाको सम्भावना, राति सजग रहन आग्रह
काठमाडौं । देशका केही भूभागमा वर्षा भइरहेको छ । काठमाडौंलगायत विभिन्न स्थानमा वर्षा भइरहेको हो । पश्चिमी वायुको आंशिक प्रभाव र बिहीबारदेखि बंगालको खाडीमा विकसित चक्रवात ‘अर्नब’को प्रभावका कारण वर्षा भइरहेको हो । नेपाल मौसम विज्ञान विभागका अनुसार दिउँसो देशभर अधिकांश स्थानमा बादल लाग्नेछ । कोसी, मधेस, वाग्मती, गण्डकी र लुम्बिनी प्रदेशमा मेघगर्जन/चट्याङसहित मध्यमसम्मको वर्षा र हिमपातको सम्भावना छ । कर्णाली र ...
अस्पतालमा फोहोरको उपचार
अस्पतालबाट निस्कने फोहोर अरू फोहोरजस्तो हुँदैन। रगत लागेको कपास, प्रयोग गरिएका सुई, प्रयोगशालाका नमुना, औषधिका अवशेष र मानव तन्तु सामान्य फोहोरमा मिसिएपछि त्यसलाई उठाउने कर्मचारीदेखि कवाडी छान्ने मानिस र फोहोर फाल्ने ठाउँ आसपासका समुदायसम्म जोखिम फैलिन्छ। त्यस्तो फोहोर खुला रूपमा जलाउँदा अर्को समस्या थपिन्छ। संक्रमण घटाउन खोज्दा विषाक्त धुवाँ र हानिकारक रसायन हावामा मिसिन सक्छन्। खानेकुराका अवशेष र प्रशोधन गर्न ...
All Information In One Place
Real-time headlines from trusted sources. Get the app now — stay updated, inspired, and ahead with breaking news!
