दसैँको खुसी दुःखमा परेका परिवारसँग बाँडौँ : गगन थापा
काठमाडौं, कात्तिक ४ । नेपाली कांग्रेसका सभापति गगनकुमार थापाले राष्ट्रिय विपत्ति र पीडामा रहेका परिवारलाई दसैँको खुसीमा सहभागी गराउन आग्रह गर्नु भएकाे छ। उहाँले चाडपर्वको खुसी घरआँगनमा मात्र सीमित नराखी दुःखमा परेकालाई सहयोग गर्दै एकअर्काको सहारा बन्नुपर्नेमा जोड दिनुभएकाे हाे । विजयादशमीका अवसरमा शुभकामना सन्देश जारी गर्दै सभापति थापाले दसैँले समाजलाई जोड्ने सद्भावको भावना अझ बलियो बनाओस् भन्ने कामना गर्नु भएकाे छ । उहाँले आफूभित्रका कमजोरीलाई जित्ने आत्मबल, अरूको पीडा बुझ्ने संवेदना र सामाजिक सद्भावको भावना सबैमा विकास होस् भन्ने शुभेच्छा व्यक्त गर्नु भएकाे छ । ‘यस वर्षको दसैँ हामीले राष्ट्रिय विपत्ति र पीडाको संवेदनशील परिस्थितिमा मनाउँदै छौँ । धेरै परिवार दुःख, पीडा र कठिनाइमा हुनुहुन्छ,’ थापाले सन्देशमा भन्नुभएकाे छ। विपत्तिका कारण पीडामा रहेका परिवारको दुःखमा साथ दिनु नै यसपटकको चाडपर्वको मानवीय पक्ष भएको उल्लेख गर्दै उहाँले आफ्नो खुसी अरूसँग बाँड्न र दुःखमा परेकालाई थोरै भए पनि राहत तथा सान्त्वना दिन सक्नुपर्ने बताउनुभएकाे छ । ‘दुःखमा परेका परिवारको पीडामा थोरै भए पनि मलम लगाउन सकौँ, आफ्नो खुसी बाँड्न सकौँ र एकअर्काको सहारा बन्न सकौँ,’ उहाँको सन्देशमा उल्लेख छ । थापाले दसैँलाई व्यक्तिगत खुसी र उत्सवमा मात्र सीमित नराखी आपसी सहयोग, सहानुभूति र सामाजिक एकताको भावना अभिवृद्धि गर्ने अवसरका रूपमा लिनुपर्ने सन्देश दिनुभएकाे छ ।
Read Complete Original Article
Published originally on जनताटाइम्स
Related News
कीर्तिमानभन्दा जीवनको आनन्दमा रमाउँछिन् ११७ वर्षीया मार्रा
अल्बानियाकी ११७ वर्षीया कामिल मार्रा सम्भवतः विश्वकै सबैभन्दा वृद्ध जीवित महिला हुन् । तर, उनलाई कीर्तिमानभन्दा जीवनको आनन्द लिन र परिवारसँग समय बिताउन बढी मन पर्छ । उनको जन्ममिति सन् १९०९ अगस्ट १९ प्रमाणित भएमा उनी बेलायतकी एथेल क्याटरहमभन्दा दुई दिन जेठी हुनेछिन् । क्याटरहमलाई गिनिज वर्ल्ड रेकर्ड्सले विश्वकै सबैभन्दा वृद्ध जीवित महिलाका रूपमा मान्यता दिएको छ । दोस्रो विश्वयुद्ध अन्त्य हुनुभन्दा ...
राष्ट्रपति पौडेलद्वारा शुभ साइतमा दसैँको टीका ग्रहण
राष्ट्रपति रामचन्द्र पौडेलले विजयादशमीका अवसरमा आज बिहान दसैँको टीका, जमरा र प्रसाद ग्रहण गरेका छन् । राष्ट्रपति भवन शीतल निवासमा बिहान १० बजेर २६ मिनेटको शुभ साइतमा राष्ट्रपति पौडेलले गुरु–पुरोहितबाट टीका, जमरा तथा प्रसाद ग्रहण गरेका हुन् । त्यसपछि राष्ट्रपति पौडेलले प्रथम महिला सविता पौडेलसहित परिवारका सदस्यलाई टीका र जमरा लगाइदिएका छन् । राष्ट्रपतिको स्वकीय सचिवालयले यसबारे जानकारी दिएको हो । ...
जापानी नागरिकलाई राजदूत, तिब्बती नागरिकलाई लुम्बिनी विकास कोषको जिम्मा ! : महेश बस्नेत
काठमाडौं, कात्तिक ४ । नेकपा एमालेका सचिव महेश बस्नेतले जापानका लागि प्रस्तावित नेपाली राजदूत जिग्यान कुमार थापा र लुम्बिनी विकास कोषको उपाध्यक्षमा नियुक्त आनी छोइङ डोल्मालाई लक्षित गर्दै सरकारको निर्णयमाथि प्रश्न उठाउनुभएको छ। बस्नेतले सामाजिक सञ्जालमा टिप्पणी गर्दै लेख्नुभएको छ, ‘जापानीज नागरिकलाई नियुक्ति दियौ जापानको राजदूत, तिब्बती नागरिकलाई जिम्मा लायौ लुम्बिनी क्षेत्र विकास कोष ! बालेन सरकार तिम्रो जय होस्।’ जापानका लागि ...
All Information In One Place
Real-time headlines from trusted sources. Get the app now — stay updated, inspired, and ahead with breaking news!
