Thursday, November 19, 2026||
MultiKhabarMultiKhabar

ऊर्जामन्त्रीको निर्देशनमा सरकारी कम्पनीसँग एक हजार मेगावाटको पीपीए प्रक्रिया सुरु

Share:WhatsAppFacebookX (Twitter)Telegram
ऊर्जामन्त्रीको निर्देशनमा सरकारी कम्पनीसँग एक हजार मेगावाटको पीपीए प्रक्रिया सुरु
Photo / Coverage: नेपालन्युज

काठमाडौं। नेपाल विद्युत् प्राधिकरणले सरकारको स्वामित्वमा रहेका कम्पनीहरूसँग विद्युत् खरिद सम्झौता (पीपीए) प्रक्रिया अगाडि बढाएको छ। ऊर्जा, जलस्रोत तथा सिँचाइमन्त्री विराज भक्त श्रेष्ठको निर्देशनमा प्राधिकरणले करिब एक हजार मेगावाट क्षमताका आयोजनाहरूका लागि सम्झौता गर्न लागेको हो। प्राधिकरणका सञ्चालक समिति सदस्य अंशुकिरण शाहीका अनुसार सरकारी कम्पनीहरूसँग पीपीए गर्ने तयारी पूरा भएको छ र यसै हप्ताभित्र प्राधिकरणको बोर्ड बैठकबाट औपचारिक निर्णय गरिनेछ। सम्झौता गरिने आयोजनाहरूमा २१० मेगावाटको चैनपुर सेती, ४५४ मेगावाटको किमाथांका, ४३९ मेगावाटको बेतन कर्णाली, १२४ मेगावाटको जगदुल्ला ए, ७७ मेगावाटको चिलिमे सेती, ७० मेगावाटको सिम्बुवा र ३० मेगावाटको विद्युत् उत्पादन कम्पनीको सोलार आयोजना रहेका छन्। पीपीए सम्पन्न भएसँगै सम्बन्धित सरकारी कम्पनीहरूले लगानी, पूर्वाधार निर्माण र विद्युत् उत्पादनको कार्यलाई तीव्रता दिनेछन्। उत्पादित बिजुली प्राधिकरणले खरिद गर्नेछ। मन्त्री श्रेष्ठले सरकारी विद्युत् कम्पनीहरूको कार्यभार बढ्दै गएकाले तत्काल पीपीए प्रक्रिया अघि बढाउन प्राधिकरणलाई निर्देशन दिएका थिए। मन्त्री श्रेष्ठले सरकारी कम्पनीका साथै निजी क्षेत्रका विद्युत् कम्पनीहरूको पीपीए प्रक्रिया पनि अगाडि बढाउन निर्देशन दिइसकेका छन्।

Share:WhatsAppFacebookX (Twitter)Telegram

Read Complete Original Article

Published originally on नेपालन्युज

Visit Publisher Site →

Related News

🇳🇵 Nepal
युक्रेनको ओडेसामा रूसी आक्रमण, चार जनाको मृत्यु
Latest NewsJust now

युक्रेनको ओडेसामा रूसी आक्रमण, चार जनाको मृत्यु

काठमाडौं– युक्रेनको दक्षिणी सहर ओडेसाको ऐतिहासिक केन्द्रमा बुधबार रूसले गरेको हवाई आक्रमणमा परी कम्तीमा चार जनाको मृत्यु भएको छ भने १३ जना घाइते भएका छन् । युनेस्कोको विश्व सम्पदा सूचीमा सूचीकृत ओडेसाको ऐतिहासिक केन्द्रमा रूसी सेनाले तीन पटक हवाई हमला गरेको क्षेत्रीय गभर्नर ओलेग किपरले टेलिग्राममार्फत जानकारी दिएका छन् । उनका अनुसार आक्रमणबाट भएको क्षतिको विवरण सङ्कलन भइरहेको छ । युद्ध सुरु भएयता ...

विश्वखबर
नेकपा संयोजक प्रचण्ड स्वदेश फिर्ता
Latest NewsJust now

नेकपा संयोजक प्रचण्ड स्वदेश फिर्ता

काठमाडौँ । 'राष्ट्रहरुको स्वतन्त्रताका लागि' रुसको राजधानी मस्कोमा त्यहाँको सत्तारुढ दल युनाइटेड रसियाद्वारा आयोजित अन्तर्राष्ट्रिय सम्मेलनमा सफलतापुर्वक भाग लिएर पूर्व प्रधानमन्त्री एवम् नेकपा संयोजक पुष्पकमल दाहाल'प्रचण्ड' आज बिहान स्वदेश फिर्ता... ...

रातोपाटी
नदीकिनारबाट विस्थापित सुकुमवासीको व्यवस्थापन प्रक्रिया अघि बढाउन ३२ जिल्लालाई परिपत्र
Latest NewsJust now

नदीकिनारबाट विस्थापित सुकुमवासीको व्यवस्थापन प्रक्रिया अघि बढाउन ३२ जिल्लालाई परिपत्र

काठमाडौं – सरकारले काठमाडौं उपत्यकाका नदीकिनारबाट हटाइएका तथा विस्थापित भएका भूमिहीन दलित र सुकुमवासी परिवारको व्यवस्थापन प्रक्रिया अघि बढाउन देशका ३२ जिल्लाका स्थानीय तहलाई परिपत्र गरेको छ । भूमि व्यवस्था, सहकारी तथा सङ्घीय मामिला तथा सामान्य प्रशासन मन्त्रालयले भूमि समस्या समाधान समितिको पत्रका आधारमा कोशी, मधेस र बागमती प्रदेशका ३२ जिल्लाका स्थानीय तहलाई मङ्गलबार परिपत्र गरेको हो । अधिकारसम्पन्न बागमती सभ्यता ...

विश्वखबर
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play