काठमाडौं, कात्तिक १८ । नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले सरकारले प्रहरी महानिरीक्षक (आईजीपी) परिवर्तन गरी नयाँ नियुक्ति गरेको विषयमा व्यङ्ग्यात्मक टिप्पणी गर्नुभएको छ। बुधबार पार्टी केन्द्रीय कार्यालय च्यासलमा सञ्चारकर्मीसँग कुरा गर्दै उहाँले सरकारले आफूहरूले भनेको मान्ने व्यक्ति भएकै कारण नयाँ आईजीपी नियुक्त गरेको हुन सक्ने बताउनुभयो। सरकारले आईजीपी दानबहादुर कार्कीलाई हटाएर एआईजी डा. मनोज केसीलाई नयाँ प्रहरी प्रमुख नियुक्त गरेको छ। मन्त्रिपरिषद् बैठकले कार्कीलाई प्रधानमन्त्रीको सुरक्षा सल्लाहकारको जिम्मेवारी दिने निर्णयसमेत गरेको थियो। सरकारको निर्णयबारे सञ्चारकर्मीले राखेको जिज्ञासामा ओलीले भन्नुभयो, “उनीहरूले भनेको मान्ने मान्छे भनेर नयाँ नियुक्ति गरेको होला।” यसैबीच, ओलीले नेपाली कांग्रेसका सभापति गगनकुमार थापासँग मंगलबार राम्रो कुराकानी भएको जानकारी दिनुभयो। उहाँका अनुसार भेटमा समसामयिक राजनीतिक विषयमा छलफल भएको थियो।
आईजीपी फेरबदलमा केपी ओली : भनेको मान्छ भनेर नियुक्त गरेका होला
Read Complete Original Article
Published originally on जनताटाइम्स
