एनपीएल सिजन–३ को प्रायोजकमा ओमोडा जेकाे

काठमाडौं । नेपाल प्रिमियर लिग (एनपीएल) को तेस्रो संस्करण सन् २०२६ मा ओमोडा जेकाे ‘पावर्ड बाई’ प्रायोजकका रूपमा जोडिने भएको छ । नेपालमा ओमोडा जेकाेका आधिकारिक वितरक एसपीजी अटोमोबाइल्स प्रालिले नेपाल क्रिकेट संघ (क्यान) सँगको साझेदारीलाई निरन्तरता दिँदै प्रायोजनको नयाँ भूमिका सार्वजनिक गरेको हो । सन् २०२४ मा आयोजित एनपीएलको पहिलो संस्करणदेखि नै ओमोडा जेकाे प्रतियोगितासँग ‘ड्रिभन बाई’ साझेदारका रूपमा आबद्ध हुँदै आएको थियो । यस वर्ष ‘पावर्ड बाई’ प्रायोजकका रूपमा साझेदारीलाई थप विस्तार गर्दै कम्पनीले नेपाली क्रिकेट र देशको बढ्दो खेलकुद संस्कृतिप्रतिको प्रतिबद्धता दोहोर्‍याएको छ । एनपीएलसँगको अघिल्लो साझेदारीका क्रममा कम्पनीले प्रतियोगिताको उत्कृष्ट खेलाडी अर्थात् ‘प्लेयर अफ द टुर्नामेन्ट’ लाई सवारीसाधन प्रदान गर्ने पहलमार्फत मैदानमा उत्कृष्ट प्रदर्शन गर्ने खेलाडीलाई सम्मान गर्दै आएको थियो । सन् २०२६ को संस्करणका लागि सम्बन्धित व्यवस्था पुष्टि भएपछि पनि प्रतिभाशाली खेलाडीको सम्मान र प्रतियोगिताको उत्साह बढाउने कार्यक्रमलाई निरन्तरता दिने अपेक्षा कम्पनीले गरेको छ । एनपीएलको तेस्रो संस्करण नजिकिँदै गर्दा ‘पावर्ड बाई’ प्रायोजकका रूपमा ओमोडा जेकाेको सहभागिताले क्यानसँगको सहकार्यलाई नयाँ उचाइमा पुर्‍याउने अपेक्षा गरिएको छ । यस सहकार्यबाट दर्शक तथा समर्थकसँगको सम्बन्ध थप सुदृढ गर्ने, खेलकुद उत्कृष्टताको सम्मान गर्ने र नेपाली क्रिकेटप्रेमीसँग ब्रान्डको सम्बन्ध विस्तार गर्ने लक्ष्य कम्पनीले राखेको छ ।