चीन सुस्ताउँदा भारतको अर्थतन्त्रमा तीव्रता, एसियाली वृद्धिको केन्द्र बन्दै भारत

<p> <p style="text-align:justify"><strong>काठमाडौं । </strong>अन्तर्राष्ट्रिय मुद्रा कोष (आईएमएफ) ले यस वर्ष भारतको आर्थिक वृद्धिदर ७ प्रतिशत पुग्ने प्रक्षेपण गरेको छ । चीनको आर्थिक वृद्धिदर भने ४.५ प्रतिशतमा सीमित हुने अनुमान गरेको छ । घरेलु माग, आर्थिक सुधार र ऊर्जा मूल्यमा आएको दबाबले एसियाका यी दुई ठूला अर्थतन्त्रको वृद्धिमा फरक प्रवृत्ति देखिएको हो ।</p></p> <p> <p style="text-align:justify">आईएमएफले मंगलबार सार्वजनिक गरेको &lsquo;विश्व आर्थिक परिदृश्य&rsquo; प्रतिवेदनमा भारतको आर्थिक वृद्धिदरसम्बन्धी अनुमान जुलाईको तुलनामा ०.६ प्रतिशत बिन्दुले बढाएको छ । चीनको अनुमान भने ०.१ प्रतिशत बिन्दुले घटाएको छ । सन् २०२७ मा चीनको आर्थिक वृद्धिदर ४ प्रतिशतमा झर्ने अनुमान गरिएको छ ।</p></p> <p> <p style="text-align:justify">भारतको वृद्धिदर बढ्नुमा घरेलु बजारको विस्तार, आर्थिक गतिविधिमा कायम गति, अनुकूल जनसांख्यिकीय अवस्था र संरचनात्मक सुधारलाई मुख्य आधार मानिएको छ । चीनमा भने घरजग्गा क्षेत्रको लामो संकटले उपभोक्ताको विश्वास कमजोर बनाएको छ । घरेलु उपभोगमा सुस्तता र मध्यपूर्वको द्वन्द्वका कारण ऊर्जा मूल्य बढ्नुले पनि चीनको अर्थतन्त्रमा दबाब परेको आईएमएफले जनाएको छ ।</p></p> <p> <p style="text-align:justify">चीनले यस वर्ष ४.५ देखि ५ प्रतिशतसम्म आर्थिक वृद्धि हासिल गर्ने लक्ष्य राखेको छ । आईएमएफको प्रक्षेपण उक्त लक्ष्यको तल्लो सीमामा छ । यद्यपि, निर्यात, विद्युतीय सवारीसाधन र कृत्रिम बौद्धिकता (एआई) सम्बन्धी उच्च प्रविधिका क्षेत्रमा चीनको प्रगतिले अर्थतन्त्रलाई सहयोग पुर्&zwj;याउने अपेक्षा गरिएको छ ।</p> <p style="text-align:justify"><strong>एआई चिपको मागले ताइवानको वृद्धिदर उच्च</strong></p> <p style="text-align:justify">आईएमएफले एआई चिपको विश्वव्यापी माग बढ्दा दक्षिण कोरिया र ताइवानको आर्थिक वृद्धिदरसम्बन्धी अनुमान पनि बढाएको छ । यस वर्ष दक्षिण कोरियाको आर्थिक वृद्धि ३.३ प्रतिशत र ताइवानको १०.७ प्रतिशत रहने प्रक्षेपण गरिएको छ । एआईसँग सम्बन्धित कम्प्युटिङ सामग्रीको विश्वव्यापी खुद व्यापारमा यी दुई अर्थतन्त्रको संयुक्त हिस्सा ६२ प्रतिशत रहेको प्रतिवेदनमा उल्लेख छ ।</p></p> <p> <p style="text-align:justify">जापानको आर्थिक वृद्धिदर यस वर्ष ०.७ प्रतिशत रहने अनुमान छ, जुन जुलाईको प्रक्षेपणभन्दा ०.१ प्रतिशत बिन्दुले बढी हो । एआई डेटा सेन्टर निर्माणले दक्षिणपूर्वी एसियाका केही देशलाई लाभ पुग्न सक्ने भए पनि महँगो ऊर्जा, कमजोर पर्यटन र विप्रेषणमा कमीले साना टापु राष्ट्र प्रभावित हुन सक्ने आईएमएफको आकलन छ ।</p> <p style="text-align:justify">भारत र चीन नेपालको प्रमुख व्यापारिक साझेदार भएकाले दुवै देशको आर्थिक गतिविधिमा आउने परिवर्तनले नेपालको व्यापार, पर्यटन, लगानी र वस्तुको मूल्यमा समेत प्रभाव पार्न सक्छ ।</p></p>