३ महिनामा विदेश गयो ८ करोडभन्दा बढीको मदिरा

काठमाडौं । नेपालले चालु आर्थिक वर्षको पहिलो तीन महिनामा नेपालबाट आठ करोड रुपैयाँ बढीको मदिरा निर्यात गरेको छ । भन्सार विभागका अनुसार चालु आर्थिक वर्ष २०८३/०८४ को साउनदेखि असोजसम्ममा ८ करोड ६९ लाख ५६ हजार रुपैयाँ बराबरको मदिरा निर्यात गरेको छ । १० देशमा गयाे माल्ट बियरविभागका अनुसार ५ प्रतिशतसम्म अल्कोहल मात्रा भएको माल्टबाट उत्पादित बियर १० वटा देशमा निर्यात गरिएको छ । जसको मुल्य ३ करोड ४४ लाख ७० हजार रुपैयाँ बराबर रहेको छ । उक्त बियर भारतमा सबैभन्दा बढी ८२ लाख रुपैयाँ बराबरको निर्यात भएको छ । त्यसैगरी अष्ट्रेलियामा ६२ लाख २८ हजार रुपैयाँ, जापानमा ४६ लाख ९१ हजार, अमेरिकामा ९१ लाख रुपैयाँ, बेल्जियममा २१ लाख ४३ हजार रुपैयाँ, अष्ट्रेलियामा १४ लाख ८४ हजार रुपैयाँ, हङ्कङमा ११ लाख ६९ हजार, युकेमा ९ लाख २७ हजार रुपैयाँ, न्युजिल्याण्डमा तीन लाख ९५ हजार रुपैयाँ र पिलिपिन्समा ५६ हजार रुपैयाँ बराबरको बियर निर्यात भएको छ । ५ देशमा दुई करोडको ह्विस्कीनेपालले तीन महिनामा हङ्कङ, जापान, कोरिया, युके र अमेरिका गरी पाँच देशमा दुई करोड ८७ लाख ३९ हजार रुपैयाँ बराबरको ह्विस्की निर्यात गरेको छ । यस अवधिमा अमेरिकामा १ करोड २२ लाख रुपैयाँ बराबरको ह्विस्कीको कच्चा पर्दार्थ निर्यात भएको छ । त्यसैगरी युकेमा ७७ लाख रुपैयाँ, जापानमा ४१ लाख ७३ हजार रुपैयाँ, हङ्कङमा २५ लाख ६४ हजार रुपैयाँ र कोरियामा २१ लाख रुपैयाँ बराबरको ह्विस्की निर्यात भएको छ । त्यसैगरी यसै अवधिमा जापान, कोरिया र अष्ट्रेलियामा २ करोड २१ लाख रुपैयाँ बराबरको रम निर्यात भएको छ । जापान, कोरिया र हङ्कङमा २५ लाख ६८ हजार रुपैयाँ बराबरको भोड्का निर्यात भएको छ भने युकेमा ३९.९४ प्रतिशत अल्कोहल मात्रा भएको मदिरा एक लाख २४ हजार रुपैयाँ बराबरको निर्यात भएको छ । यस अवधिमा नेपालले विश्वका विभिन्न मूलुकबाट ९८ करोड रुपैयाँ बराबरको मदिरा आयात गरेको तथ्यांकमा उल्लेख छ ।