Thursday, November 19, 2026||
MultiKhabarMultiKhabar

प्रोटोन ई.मास ७ ले एसेन एनक्याप अवार्ड्स २०२६ मा सुरक्षा विधामा जित्यो अन्तर्राष्ट्रिय सम्मान

Share:WhatsAppFacebookX (Twitter)Telegram
प्रोटोन ई.मास ७ ले एसेन एनक्याप अवार्ड्स २०२६ मा सुरक्षा विधामा जित्यो अन्तर्राष्ट्रिय सम्मान
Photo / Coverage: हिमालय टाइम्स

काठमाडौं । प्रोटोनको विद्युतीय एसयूभी ई.मास ७ ले मलेसियामा आयोजित एसेन एनक्याप ग्रान्ड प्रिक्स अवार्ड्स २०२६ मा सुरक्षा विधाअन्तर्गत अन्तर्राष्ट्रिय सम्मान प्राप्त गरेको छ । नोभेम्बर १० मा सम्पन्न अवार्ड समारोहमा ई.मास ७ ले ‘सेफ्टी असिस्ट’ विधामा सम्मान प्राप्त गरेको हो । यस उपलब्धिले गाडीमा उपलब्ध उन्नत चालक सहायता प्रविधि तथा सडक सुरक्षाप्रति प्रोटोनले दिएको प्राथमिकतालाई उजागर गरेको कम्पनीले जनाएको छ । ई.मास ७ मा विभिन्न सडक तथा ड्राइभिङ अवस्थालाई ध्यानमा राखेर तयार गरिएका सुरक्षा तथा चालक सहायता प्रणाली उपलब्ध छन् । यसको २०२६ मोडलमा इभेसिभ म्यानुभर असिस्ट, फ्रन्ट क्रस ट्राफिक अलर्ट र प्रिमियम भेरियन्टमा एक्टिभ लेन चेन्ज असिस्ट थप गरिएको छ । अन्तर्राष्ट्रिय सम्मान प्राप्त गरेको यस मोडलले मलेसियाको विद्युतीय सवारी बजारमा पनि राम्रो उपस्थिति कायम गरेको छ । सन् २०२६ को जनवरीदेखि अक्टोबरसम्म ई.मास ७ का ५ हजार ५७९ युनिट बिक्री भएका छन् । त्यसमध्ये अक्टोबरमा मात्रै ६१६ युनिट बिक्री भएको कम्पनीले जनाएको छ । सोही अवधिमा प्रोटोन ई.मासका सबै मोडल गरी कुल ३५ हजार ७३० युनिट बिक्री भएका छन् । नेपालमा प्रोटोन ई.मास ७ शंकर ग्रुपअन्तर्गतको जगदम्बा मोटर्समार्फत बिक्री हुँदै आएको छ । प्राइम र प्रिमियम गरी दुई भेरियन्टमा उपलब्ध यस विद्युतीय एसयूभीमा आधुनिक डिजाइन, प्रविधि र दैनिक प्रयोगलाई सहज बनाउने विभिन्न सुविधा समावेश छन् । गाडीमा सामान व्यवस्थित राख्न ३३ वटा स्टोरेज कम्पार्टमेन्ट उपलब्ध छन् । त्यस्तै, भेहिकल टु लोड (भीटुएल) प्रविधिमार्फत गाडीको ब्याट्रीबाट बाह्य विद्युतीय उपकरण सञ्चालन गर्न सकिन्छ । यसमा रहेको ७ एनएम इन्टेलिजेन्ट ककपिट चिपले भ्वाइस कन्ट्रोल तथा मनोरञ्जनसम्बन्धी सुविधालाई सहज बनाउने कम्पनीको भनाइ छ । ई.मास ७ को प्राइम भेरियन्टको मूल्य ४९ लाख ९९ हजार रुपैयाँ रहेको छ । यसमा ४९.५२ किलोवाट आवरको ब्याट्री उपलब्ध छ, जसले डब्लूएलटीपी मापदण्डअनुसार एकपटकको पूर्ण चार्जमा ३४५ किलोमिटरसम्म रेन्ज प्रदान गर्छ । त्यस्तै, ५९ लाख ९९ हजार रुपैयाँ मूल्य रहेको प्रिमियम भेरियन्टमा ६०.२२ किलोवाट आवरको ब्याट्री रहेको छ । यसले पूर्ण चार्जमा ४१० किलोमिटरसम्म रेन्ज दिने कम्पनीले जनाएको छ । दुवै भेरियन्टमा डीसी फास्ट चार्जिङ सुविधा उपलब्ध छ । यस प्रविधिको सहायताले करिब २० मिनेटमा ब्याट्री ३० प्रतिशतबाट ८० प्रतिशतसम्म चार्ज गर्न सकिने कम्पनीको दाबी छ । गाडीले ११ किलोवाटसम्मको एसी चार्जिङ र १०० किलोवाटसम्मको डीसी फास्ट चार्जिङ सपोर्ट गर्छ । अन्तर्राष्ट्रिय स्तरमा प्राप्त सुरक्षा सम्मान, उन्नत चालक सहायता प्रविधि र दैनिक प्रयोगका सुविधासहित ई.मास ७ ले नेपालको विस्तार हुँदै गएको विद्युतीय सवारी बजारमा आफ्नो उपस्थिति थप मजबुत बनाउने अपेक्षा कम्पनीले गरेको छ ।

Share:WhatsAppFacebookX (Twitter)Telegram

Read Complete Original Article

Published originally on हिमालय टाइम्स

Visit Publisher Site →

Related News

🇳🇵 Nepal
मधेशका स्थानीय तह पनि रास्वपाले ‘क्लिन स्वीप’ गर्नुपर्छ -मन्त्री सुनिल लम्साल
Latest NewsJust now

मधेशका स्थानीय तह पनि रास्वपाले ‘क्लिन स्वीप’ गर्नुपर्छ -मन्त्री सुनिल लम्साल

काठमाडौं । सङ्घीय सरकारका भौतिक पूर्वाधारमन्त्री सुनिल लम्सालले आगामी स्थानीय तह निर्वाचनमा मधेश प्रदेशका सबै स्थानीय तहमा राष्ट्रिय स्वतन्त्र पार्टी (रास्वपा)ले ‘क्लिन स्वीप’ गर्नुपर्ने बताएका छन् । रास्वपा जनकपुरधाम नगर कमिटीले बुधबार जनकपुरमा आयोजना गरेको भेटघाट तथा अन्तरक्रिया कार्यक्रममा बोल्दै मन्त्री लम्सालले मधेशमा पार्टीले ‘क्लिन स्वीप’ गर्ने लक्ष्य राख्नुपर्ने बताएका हुन् । उनले पार्टीका समर्थक तथा कार्यकर्तालाई कसैसँग डराउनुपर्ने अवस्था नरहेको उल्लेख ...

केन्द्रबिन्दु
नयाँ पुस्ताको कूटनीति राष्ट्रिय हित र रणनीतिक क्षमतामा आधारित हुनुपर्छ : परराष्ट्रमन्त्री खनाल
Latest NewsJust now

नयाँ पुस्ताको कूटनीति राष्ट्रिय हित र रणनीतिक क्षमतामा आधारित हुनुपर्छ : परराष्ट्रमन्त्री खनाल

काठमाडौं । परराष्ट्रमन्त्री शिशिर खनालले नेपालको राष्ट्रिय हित संरक्षण र अन्तर्राष्ट्रिय मञ्चमा प्रभावकारी प्रतिनिधित्वका लागि नयाँ पुस्ताका कूटनीतिज्ञमा आलोचनात्मक सोच, अनुकूलनशीलता, सहकार्य र निरन्तर सिक्ने क्षमता आवश्यक रहेको बताएका छन्। परराष्ट्र मामिला अध्ययन प्रतिष्ठान (आईएफए)ले बुधबार आयोजना गरेको ‘विश्वव्यापी प्रवृत्ति, स्थानीय दिशा : नेपालको भावी पुस्ताको कूटनीति’ विषयक सेमिनार उद्घाटन गर्दै उनले बदलिँदो विश्व परिवेशमा कूटनीतिज्ञहरू राष्ट्रिय हित र रणनीतिक क्षमतामा ...

केन्द्रबिन्दु
भारतीय कप्तानमाथि रङ्गभेदी व्यवहार गरेको आरोपमा प्यालेस्टाइनी खेलाडीविरुद्ध उजुरी
Latest NewsJust now

भारतीय कप्तानमाथि रङ्गभेदी व्यवहार गरेको आरोपमा प्यालेस्टाइनी खेलाडीविरुद्ध उजुरी

क्वालालम्पुर । एएफसी यू–१७ एसियन कप २०२७ को छनोट प्रतियोगिताका क्रममा प्यालेस्टाइनी खेलाडीले भारतीय कप्तानमाथि रङ्गभेदी सङ्केत गरेको आरोप लगाउँदै भारतीय फुटबल निकायले एसियाली फुटबल महासङ्घ (एएफसी) मा उजुरी दर्ता... ...

रातोपाटी
विकास–निर्माण थाल्नुअघि भौगर्भिक अध्ययन गर्नुपर्नेमा सभामुखको जोड
Latest NewsJust now

विकास–निर्माण थाल्नुअघि भौगर्भिक अध्ययन गर्नुपर्नेमा सभामुखको जोड

काठमाडौँ। सभामुख डोलप्रसाद अर्यालले विकास पूर्वाधार निर्माणअघि भौगर्भिक अध्ययन र जोखिम मूल्याङ्कनलाई प्राथमिकतामा राख्नुपर्ने बताउनुभएको छ । नेपाल भौगर्भिक समाजद्वारा यहाँ आयोजित भौगर्भिक सम्मेलनमा उहाँले सडक, सुरुङमार्ग, जलविद्युत् आयोजना, विमानस्थल तथा सहरी पूर्वाधार निर्माण गर्दा भौगर्भिक अवस्थाको वैज्ञानिक अध्ययन गर्नुपर्नेमा जोड दिए। उहाँले भौगर्भिक विशिष्टताका कारण नेपाल भूकम्प, पहिरो, बाढी, हिमताल विस्फोट तथा भूक्षयजस्ता प्राकृतिक विपद्को उच्च जोखिममा रहेको उल्लेख गर्दै यस्ता ...

नेपालन्युज
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play