नेपाली बजारमा एलजी वाटर प्युरिफायरको लोकप्रियता बढ्दै

काठमाडौं । नेपाली बजारमा सार्वजनिक भएको एक महिना नबित्दै एलजी वाटर प्युरिफायरले उपभोक्तामाझ लोकप्रियता हासिल गर्न थालेको कम्पनीले जनाएको छ। उन्नत पानी शुद्धीकरण प्रविधि, गुणस्तरीय स्टेनलेस स्टिल ट्याङ्की र निःशुल्क मर्मतसम्भार सुविधाका कारण यसको बिक्रीले बजारमा राम्रो गति लिएको कम्पनीको दाबी छ। एलजी वाटर प्युरिफायरमा सेडिमेन्ट फिल्ट्रेसन, एन्टी-स्केलेन्ट ट्रीटमेन्ट, कार्बन फिल्ट्रेसन, रिभर्स अस्मोसिस (आरओ) तथा मिनरल बुस्टर/पोस्ट-कार्बन फिल्ट्रेसनसहितको बहुस्तरीय शुद्धीकरण प्रणाली रहेको छ। यसले पानीमा रहेका विभिन्न अशुद्धता हटाउन सहयोग गर्ने कम्पनीले जनाएको छ। यसमा आठ लिटर क्षमताको ट्याङ्की रहेको छ। एयरटाइट ट्याङ्की कभर र लकिङ सिस्टमले बाहिरी धुलो तथा दूषित पदार्थ ट्याङ्कीभित्र प्रवेश गर्नबाट रोक्न मद्दत गर्ने कम्पनीको भनाइ छ। उत्पादनको अर्को विशेषता ‘टु फ्री मेन्टिनेन्स’ सुविधा हो। यसअन्तर्गत पहिलो वर्ष दुई पटक निःशुल्क निर्धारित तथा अटाेमेटिक सर्भिस भिजिट, दुई पटक कन्ट्याक्टलेस मर्मतसम्भारसहित डिजिटल स्टेरिलाइजेसन केयर र दुई पटक बाहिरी सेडिमेन्ट फिल्टर उपलब्ध गराइनेछ। यसका अतिरिक्त दशैं, तिहार तथा छठको अवसरमा कम्पनीले आकर्षक चाडपर्व अफर र शून्य प्रतिशत ईएमआई किस्ताबन्दी सुविधा पनि उपलब्ध गराएको छ। उन्नत प्रविधि, पानी भण्डारण क्षमता र अतिरिक्त मर्मतसम्भार सुविधाले ग्राहकलाई आकर्षित गरेको कम्पनीको दाबी छ। सीजी इलेक्ट्रोनिक्स, सीजी कर्प ग्लोबलअन्तर्गतको उपभोक्ता इलेक्ट्रोनिक्स कम्पनी हो। यो नेपालमा एलजी उत्पादनको आधिकारिक राष्ट्रिय वितरकसमेत हो। एलजी इलेक्ट्रोनिक्स सिंगापुरसँग चार दशकभन्दा लामो साझेदारी रहेको कम्पनीले जनाएको छ। एलजी इलेक्ट्रोनिक्स विश्वव्यापी प्रविधि तथा उपभोक्ता इलेक्ट्रोनिक्स क्षेत्रमा सक्रिय कम्पनी हो। यसले होम अप्लायन्सेस, होम इन्टरटेन्मेन्ट र एयर सोलुसन्स क्षेत्रमा विभिन्न प्रविधिमा आधारित उत्पादन तथा सेवा उपलब्ध गराउँदै आएको छ।