नटिङ्घम फरेस्टमाथि आर्सनलको कठिन जित
काठमाडौं । इङ्लिस प्रिमियर लिगअन्तर्गत आर्सनलले नटिङ्घम फरेस्टलाई १–० गोलले पराजित गरेको छ । आइतबार राति भएको खेलमा नोनी मादुएकेले खेल सकिन १० मिनेट बाँकी छँदा गरेको गोल निर्णायक बनेको थियो । नटिङ्घमस्थित सिटी ग्राउन्डमा भएको खेलको पहिलो हाफ गोलरहित बराबरीमा सकिएको थियो । आर्सनलले बलमा बढी नियन्त्रण राखे पनि पहिलो हाफमा गोल गर्न सकेन । घरेलु टोली फरेस्टले पनि केही अवसर सिर्जना गरे पनि त्यसलाई गोलमा परिणत गर्न सकेन । दोस्रो हाफमा आर्सनलका प्रशिक्षक मिकेल आर्टेटाले मादुएकेलाई मैदानमा उतारेका थिए। उनले खेलको ८०औँ मिनेटमा गोल गर्दै आर्सनललाई अग्रता दिलाए । उनको प्रहार फरेस्टका खेलाडी जाइर कुन्हालाई लागेर गोलमा परिणत भएको थियो । खेलको अन्तिम समयमा फरेस्टले बराबरी गोल फर्काउने प्रयास गरे पनि सफल हुन सकेन । आर्सनलले एक गोलको अग्रता जोगाउँदै महत्त्वपूर्ण तीन अङ्क हासिल गर्यो । यस जितसँगै आर्सनलले सात खेलबाट १८ अङ्क जोडेको छ र लिगमा दोस्रो स्थानमा रहेको छ । टोली अङ्कतालिकाको शीर्ष स्थानमा रहेको म्यानचेस्टर सिटीभन्दा तीन अङ्कले पछाडि छ । पराजित नटिङ्घम फरेस्ट भने रेलिगेसन क्षेत्रमा पुगेको छ । नटिङ्घमको ७ खेलमा ५ अंक रहेको छ । The post नटिङ्घम फरेस्टमाथि आर्सनलको कठिन जित appeared first on Corporate Khabar : Nepals First Corporate News Magazine and Portal.
Read Complete Original Article
Published originally on कर्पोरट खबर
Related News
आनी छोइङको नियुक्तिविरुद्ध नागरिक अभियान, छानबिन नसकिँदै पद दिएकोमा प्रश्न
काठमाडौं । ग्यालिका आनी छोइङ डोल्मालाई लुम्बिनी विकास कोषको उपाध्यक्षमा नियुक्त गर्ने सरकारको निर्णयमाथि राष्ट्रिय जेनजी–नागरिक अभियानले प्रश्न उठाएको छ । अभियानले उनीमाथि नागरिकता र सम्पत्ति शुद्धीकरणसम्बन्धी अनुसन्धानका विषय विचाराधीन रहेको दाबी गर्दै नियुक्ति तत्काल खारेज गर्न माग गरेको छ । प्रवक्ता अजय सोडारीद्वारा जारी विज्ञप्तिमा नागरिकतासम्बन्धी विवाद र सम्पत्ति शुद्धीकरण अनुसन्धानको अवस्था स्पष्ट नभएको भन्दै यस्तो अवस्थामा संवेदनशील निकायको नेतृत्व ...
भारत छाड्न दिइएको नोटिसविरुद्ध अभिनेता इमरान खान उच्च अदालतमा
काठमाडौं । अभिनेता आमिर खानका भाञ्जा इमरान खानले भारत छाड्न दिइएको नोटिसविरुद्ध बम्बई उच्च अदालतमा निवेदन दिएका छन्। उनले उक्त नोटिस मनोमानी, गैरकानुनी र असंवैधानिक भएको दाबी गरेका छन् । भारतको विदेशी नागरिक दर्ता कार्यालयले इमरानलाई दोस्रो नोटिस पठाउँदै उनको भारतीय मूलका विदेशी नागरिक परिचयपत्र किन रद्द नगर्ने भन्दै १५ दिनभित्र जवाफ दिन भनेको छ । यसअघि उनलाई अक्टोबर २८ अघि ...
कालीमाटी बजारमा आज कुन तरकारीको मूल्य कति ?
काठमाडौँ । कालीमाटी फलफूल तथा तरकारी बजार विकास समितिले सोमबारका लागि कृषि उपजको थोक मूल्य सार्वजनिक गरेको छ । जसअनुसार आज गोलभेडा सानो (टनेल) प्रतिकिलो अधिकतम १२० रुपैयाँसम्म पुगेको छ... ...
पुटिनद्वारा ट्रम्प र सीसँग त्रिपक्षीय वार्ताको प्रस्ताव
रुस । रुसी राष्ट्रपति भ्लादिमिर पुटिनले युक्रेन युद्ध अन्त्यका लागि छलफल गर्न आगामी महिना अमेरिकी राष्ट्रपति डोनाल्ड ट्रम्प र चिनियाँ राष्ट्रपति सी जिनपिङसँग त्रिपक्षीय शिखर सम्मेलन गर्ने प्रस्ताव गरेका छन्... ...
All Information In One Place
Real-time headlines from trusted sources. Get the app now — stay updated, inspired, and ahead with breaking news!
