<div class="uk-grid uk-grid-medium" uk-grid> <div class="uk-width-small@m" id="blockquote-content"> </div> <div class="uk-width-expand@m uk-width-expand"> <div class="uk-article uk-text-large"> <div class="uk-article" id="body-content"> <div class="single__boxAd-float "> <div class="float-image"> <a href="https://www.nabilbank.com/individual" target="_blank"> <img src="https://nepalkhabar.prixacdn.net/media/advertisements/250_x_250_PG1VcaRKUm.gif" class="uk-visible@s" width="825px" height="auto" /> <img src="https://nepalkhabar.prixacdn.net/media/advertisements/250_x_250_QQtDv7eYR8.gif" width="300px" class="uk-hidden@s" /> </a> </div> </div> <span> <p>काठमाडौं–तराई/मधेश द्रुतमार्गको तेस्रो सुरुङ ‘ब्रेकथ्रु’ हुने भएको छ।</p> </span> <span> <p>द्रुतमार्गमा निर्माण भइरहेको सबैभन्दा लामो महादेवटार सुरुङ बुधबार ‘ब्रेकथ्रु’ हुने भएको हो।</p> </span> <span> <p>नेपाली सेनाका सूचना अधिकारी तथा सहायक रथी राजाराम बस्नेतले द्रुतमार्गको सबैभन्दा लामो सुरुङमार्ग महादेवटार सुरुङमार्गको दायाँ ट्युब बुधबार ब्रेकथ्रु हुने जानकारी दिए।</p> </span> <span> <p>‘भोलि बुधबार उक्त सुरुङको ब्रेकथ्रु हुनेछ’, उनले भने, ‘यो द्रुतमार्गमा निर्माणाधीन सुरुङमध्ये सबैभन्दा लामो हो।’</p> </span> <span> <p>उक्त सुरुङमार्गको ‘ब्रेकथ्रु’ कार्यक्रममा राष्ट्रपति रामचन्द्र पौडेल सहभागी हुने भएका छन्।</p> </span> <span> <p>३ हजार ४५५ मिटर लामो सुरुङको दायाँ ट्युब राष्ट्रपति रामचन्द्र पौडेलको उपस्थितिमा छिचोल्न लागिएको हो। यसअघि गत भदौमा बायाँ ट्युब ‘ब्रेकथ्रु’ भएको थियो। बुधबार दायाँ ट्युबको ‘ब्रेकथ्रु’ भएसँगै आयोजनाको सबैभन्दा लामो महादेवटार सुरुङमार्ग छिचोल्ने काम सम्पन्न हुनेछ।</p> </span> <span> <p>द्रुतमार्गमा ११.२ किलोमिटरका सातावटा सुरुङमार्ग निर्माण भइरहेका छन्। यसअघि १ हजार ६९१ मिटरको धेद्रे सुरुङ र १ हजार ६२३ मिटरको लेनडाँडा सुरुङ ‘ब्रेकथ्रु’ भइसकेका छन्। अब २ हजार २३७ मिटरको चन्द्राम भीर सुरुङ, १ हजार मिटर देवीचौर सुरुङ, ३९० मिटर सिसौटार सुरुङ र ५८३ मिटर मौरी भीर सुरुङ ‘ब्रेकथ्रु’ हुन बाँकी छ। ‘ब्रेकथ्रु’ हुन बाँकीमध्ये मौरीभीर सुरुङको ठेक्का लाग्न बाँकी छ।</p> </span> <span> <p>२०७४ वैशाख २१ गते सरकारले ४ वर्षभित्र निर्माणसम्पन्न गर्ने गरी द्रुतमार्ग सडक निर्माण व्यवस्थापनको जिम्मेवारी सेनालाई सुम्पेको थियो।<br />२०८३ भदौ मसान्तसम्म द्रुतमार्गको भौतिक प्रगति ५० प्रतिशत र वित्तीय प्रगति ५१.४७ प्रतिशत हासिल भएको सेनाले जानकारी दिएको छ।</p><p>द्रुतमार्ग निर्माण गर्नुपर्ने पछिल्लो म्याद २०८३ चैतसम्म थियो। उक्त समयमा निर्माण सम्पन्न नहुने देखिएपछि गत साउन २० गतेको मन्त्रिपरिषद् बैठकले द्रुतमार्गको म्याद थप तीन वर्ष अर्थात् २०८६ चैतसम्म पुर्‍याइएको छ।</p><p>आयोजनाका लागि ८९ स्थानमा पुल निर्माण हुनेछ। तीमध्ये ८५ पुलको खरिद सम्झौता भई निर्माणको चरणमा छ। निर्माणाधीन अधिकांश पुलहरुको फाउन्डेसनको कार्य सम्पन्न भई सुपरस्ट्रक्चरको कार्य भइरहेको छ। जसमा ५७ पुलको फाउन्डेसन, ३८ पुलको सबस्ट्रक्चर र १६ पुलको सुपरस्ट्रक्चरको काम सम्पन्न भएको सेनाले जानकारी दिएको छ।</p><p>नेपाली सेनाले दु्रतमार्गलाई ११ वटा प्याकेजमा विभाजन गरी निर्माण अघि बढाइरहेको छ। प्याकेज ११ अन्तर्गत पर्ने साढे ६ किलोमिटर खण्ड डुकुछाप–फर्सिडोल–खोकना खण्ड जग्गा अधिग्रहणसम्बन्धी समस्याका कारण ठेक्का प्रक्रिया अघि बढ्नसकेको छैन। जसका कारण सेनाले सो विवादित खण्डलाई थाती राखेर बाँकी १० वटा प्याकेजमा काम गरिरहेको छ।</p><p>बाराको निजगढ र ललितपुरको खोकना शून्य विन्दु कायम राख्ने गरी द्रुतमार्गको डिजाइन तथा निर्माण सुरु भएको थियो। यसअनुसार निजगढमा पूर्व–पश्चिम राजमार्ग र खोकनामा बाहिरी चक्रपथमा जोड्ने योजना थियो।</p><p>तर खोकना खण्डको विवाद समाधान नहुँदा काठमाडौं तर्फबाट शून्य विन्दु हालसम्म टुंगिन सकेको छैन। काठमाडौं उपत्यकामा बाहिरी चक्रपथ बन्ने वा नबन्ने निश्चित नहुँदा शून्य विन्दु खोकनाको सट्टा चोभार राख्ने योजनामा सरकार छ।</p> </span> </div> </div> <div class="uk-margin-medium-top uk-margin-bottom uk-clearfix"> </div> </div> </div>
द्रुतमार्गकै सबैभन्दा लामो महादेवटार सुरुङ बुधबार ‘ब्रेकथ्रु’ हुँदै

Read Complete Original Article
Published originally on नेपालखबर






