दोस्रो एकदिवसीय खेलमा पाकिस्तानसँग इङ्ल्यान्ड ८७ रनले पराजित
काठमाडौं । पाकिस्तानले तीन देश सम्मिलित एकदिवसीय क्रिकेट शृङ्खलाको दोस्रो खेलमा इङ्ल्यान्डलाई ८७ रनले पराजित गरेको छ । मंगलबार भएको खेलमा पाकिस्तानले दिएको ३०३ रनको लक्ष्य पछ्याएको इङ्ल्यान्ड ३८.४ ओभरमा २१५ रनमै समेटिएको थियो । पहिले ब्याटिङ गरेको पाकिस्तानले निर्धारित ५० ओभरमा ९ विकेट गुमाएर ३०२ रन बनाएको थियो । उसका हसन नवाजले सर्वाधिक ७९ रन बनाए भने अराफात मिन्हासले ५९ र फहिम अशरफले ३९ रनको योगदान दिए । ३०३ रनको लक्ष्य पछ्याएको इङ्ल्यान्डले राम्रो सुरुवात गर्दै पहिलो विकेटका लागि ९१ रनको साझेदारी गरेको थियो । टम ब्यान्टनले ५७ र बेन डकेटले ४५ रन बनाए । तर त्यसपछि इङ्ल्यान्डको ब्याटिङ क्रम लगातार धराशायी भयो । पाकिस्तानका अराफात मिन्हासले उत्कृष्ट बलिङ गर्दै ४० रन खर्चेर ६ विकेट लिए । हरिस राउफले दुई विकेट लिएपछि इङ्ल्यान्ड लक्ष्यसम्म पुग्न सकेन । ब्याटिङ र बलिङ दुवैमा उत्कृष्ट प्रदर्शन गरेका मिन्हास खेलका उत्कृष्ट खेलाडी घोषित भए। यो जितसँगै पाकिस्तानले प्रतियोगितामा लगातार दोस्रो जित दर्ता गरेको छ । पाकिस्तानले पहिलो खेलमा श्रीलङ्कालाई ३७ रनले हराएको थियो । पाकिस्तान र इङ्ल्यान्डबीचको अर्को खेल अक्टोबर २५ मा लाहोरमा हुनेछ । The post दोस्रो एकदिवसीय खेलमा पाकिस्तानसँग इङ्ल्यान्ड ८७ रनले पराजित appeared first on Corporate Khabar : Nepals First Corporate News Magazine and Portal.
Read Complete Original Article
Published originally on कर्पोरट खबर
Related News
सभापति थापाको दसैं शुभकामना : आफ्नो खुसी बाँड्न सकौं, एकअर्काको सहारा बन्न सकौं
नेपाली कांग्रेसका सभापति गगनकुमार थापाले बडादसैँले समाजलाई जोड्ने सद्भावको भावना अझ बलियो बनाओस् भनी शुभकामना व्यक्त गरेका छन् । ...
मध्यस्थता प्रयासबीच इरानी राष्ट्रपतिले आसिम मुनीरसँग भने, ‘अमेरिकाले धम्की र प्रतिबन्धको नीति त्यागोस्’
तेहरान- इरानका राष्ट्रपति मसुद पेजेस्कियानले अमेरिकाले दबाब, धम्की र प्रतिबन्धको नीति नत्यागेसम्म वार्ताबाट समाधान ननिस्किने बताएका छन्। मंगलबार इरानी राष्ट्रपति पेजेस्कियान र पाकिस्तानका सेना प्रमुख फिल्ड मार्सल आसिम मुनीरबीच भएको भेटवार्तामा उनले यस्तो धारणा राखेका हुन्। इरान सरकारका अनुसार पेजेस्कियानले होर्मुज जलडमरूमध्यमा उत्पन्न अवरोधसहित क्षेत्रीय तनाव बढ्नुमा अमेरिकाको युद्ध भड्काउने नीतिको भूमिका रहेको बताएका थिए। […] ...
बडादसैंले समाजलाई अझ सुदृढ एकताको सूत्रमा बाँध्न सकोस् : सभापति लामिछाने
रास्वपा सभापति रवि लामिछानेले नवदुर्गा भवानीले सबैलाई व्यक्तिगत स्वार्थभन्दा माथि उठेर राष्ट्र र जनताको हितमा समर्पित हुने शक्ति, सद्बुद्धि र सङ्कटसँग जुध्ने साहस प्रदान गरून् भन्ने कामना ग गरेका छन् । ...
ट्रम्पले भने– भारतसँगको व्यापार सम्झौता निकै नजिक
काठमाडौं । अमेरिकी राष्ट्रपति डोनाल्ड ट्रम्पले भारत र अमेरिकाबीचको व्यापार सम्झौता अन्तिम रूप दिने चरणमा पुगेको बताएका छन् । मङ्गलबार ह्वाइट हाउसको ओभल अफिसमा पत्रकारहरूसँग कुरा गर्दै ट्रम्पले दुवै देश सम्झौता गर्न इच्छुक रहेको बताए। भारत–अमेरिका व्यापार सम्झौतासम्बन्धी प्रश्नमा उनले भने, ‘भारत सम्झौता गर्न चाहन्छ । हामी पनि सम्झौता गर्नेछौँ । हामी सम्झौताको निकै नजिक छौँ ।’ ट्रम्पले दुई देशबीच हुने सम्झौता यसअघि ...
All Information In One Place
Real-time headlines from trusted sources. Get the app now — stay updated, inspired, and ahead with breaking news!
