दशैंमा मापसे–लापसे गरेर गाडी चलाउने १ हजार ३७ चालक प्रहरीको फन्दामा
काठमाडौं । दशैंको समयमा काठमाडौं उपत्यकामा मादक पदार्थ र लागुपदार्थ सेवन गरेर सवारीसाधन चलाउने एक हजार ३७ चालक ट्राफिक प्रहरीको कारबाहीमा परेका छन्। चाडपर्वमा यात्रुको चाप बढेका बेला नियम उल्लङ्घन गर्दै सवारी चलाउने चालकको यो सङ्ख्याले सडक सुरक्षामाथि गम्भीर प्रश्न उठाएको छ। काठमाडौं उपत्यका ट्राफिक प्रहरी कार्यालयका अनुसार घटस्थापनादेखि कात्तिक ७ गतेसम्मको १४ दिनमा मादक पदार्थ सेवन गरी सवारी चलाउने एक हजार दुई जना र लागुपदार्थ सेवन गरी सवारी चलाउने ३५ जना कारबाहीमा परेका हुन्। कारबाहीमा परेकामध्ये सार्वजनिक सवारी चलाउने चालकसमेत उल्लेख्य छन्। मादक पदार्थ सेवन गरेर सवारी चलाएको अभियोगमा कारबाहीमा परेका एक हजार दुई जनामध्ये ५९ जना सार्वजनिक सवारीका चालक रहेको कार्यालयले जनाएको छ। लागुपदार्थ सेवन गरेर सवारी चलाउने ३५ जना भने सबै सार्वजनिक सवारीका चालक रहेको काठमाडौं उपत्यका ट्राफिक प्रहरी कार्यालयका प्रमुख प्रहरी वरिष्ठ उपरीक्षक सुरेशप्रसाद काफ्लेले जानकारी दिए। चाडपर्वका बेला घर जाने र घुमफिर गर्ने यात्रुको सङ्ख्या बढ्ने भएकाले सडकमा निजी तथा सार्वजनिक सवारीसाधनको चाप पनि बढ्छ। यस्तो अवस्थामा मादक पदार्थ वा लागुपदार्थ सेवन गरेर सवारी चलाउँदा चालकको निर्णय क्षमता कमजोर हुन सक्ने र दुर्घटनाको जोखिम बढ्ने ट्राफिक प्रहरीको भनाइ छ। यस्ता गतिविधि नियन्त्रण गर्न उपत्यकाका विभिन्न स्थानमा ट्राफिक प्रहरीले जाँच तथा निगरानीलाई तीव्र बनाएको छ। नियम उल्लङ्घन गर्ने चालकलाई कारबाही गर्दै दुर्घटना न्यूनीकरण र यात्रुको सुरक्षालाई प्राथमिकतामा राखिएको कार्यालयले जनाएको छ। नेपालको प्रचलित कानुनले मादक पदार्थ वा लागुपदार्थ सेवन गरेर सवारीसाधन चलाउन निषेध गरेको छ। सवारी तथा यातायात व्यवस्था ऐन, २०४९ लगायतका कानुनी व्यवस्थाअनुसार यस्तो कसुर गर्ने चालकलाई कारबाही गर्न सकिन्छ। ट्राफिक प्रहरीले चालकलाई सवारी चलाउनुअघि मादक पदार्थ तथा लागुपदार्थ सेवन नगर्न, सडक नियम पालना गर्न र यात्रुको सुरक्षाप्रति जिम्मेवार बन्न आग्रह गरेको छ। चाडपर्वमा हतार, लापरबाही र नियम उल्लङ्घनभन्दा सुरक्षित यात्रालाई प्राथमिकता दिनुपर्ने प्रहरीको जोड छ। The post दशैंमा मापसे–लापसे गरेर गाडी चलाउने १ हजार ३७ चालक प्रहरीको फन्दामा appeared first on Corporate Khabar : Nepals First Corporate News Magazine and Portal.
Read Complete Original Article
Published originally on कर्पोरट खबर
Related News
‘भौतिक सफाया’को त्यो चेतावनी
तीन दशकअघि। माओवादीको ‘जनयुद्ध’। संकटकालको समय। हामीले प्रकाशन गरिरहेको ‘सूत्रधारश्री’ साप्ताहिक पत्रिकाको डेस्कको काम सकिएको थियो। डिजाइन सकेपछि ‘ट्रेसिङ’मा पत्रिकाको खाका निकाल्नुपर्ने थियो। डिजाइन तयार भएको सामग्री ‘फ्लपी डिस्क’मा सारेर चोक बजारस्थित कार्यालयबाट नारायणस्थानतिर जाँदै थियौँ। त्यसबेला अरू प्रविधि हामीसम्म आइपुगेको थिएन। राति ९ बजेतिरको कुरा हो। टोलीमा बेनुप भट्टराई, नुतन रञ्जितकार, म र सायद अरू कोही साथी पनि थिए। बीच बाटोतिर ...
अमेरिकी सरकार हुँदै सीआइएसम्मको सहकार्यले निर्माण गरेको विशाल निगरानीतन्त्रको दुष्चक्र
अमेरिकी रक्षा विभागको विशाल बजेट र अमेरिकी गुप्तचर संस्था सेन्ट्रल इन्टेलिजेन्स एजेन्सी (सीआईए) को लगानीका माध्यमबाट अमेजन, एप्पल, फेसबुक, गुगल र पेपालजस्ता दिग्गज प्रविधि कम्पनीहरूको उदय भयो । सरकारले यी... ...
पाल्पा च्याम्पियन्स ट्रफी : करुवा र पाल्पालीको विजयी सुरुवात
उद्घाटन खेलमा करुवा क्रिकेट क्लबले फ्रेन्ड्स ब्वाइज क्रिकेट क्लबलाई ११२ रन र पाल्पाली क्रिकेट प्लेयर्सले दमकडा क्रिकेट क्लबलाई १६ रनले हराए । ...
विश्व भोकमरी सूचकांकमा नेपालको सुधार
काठमाडौं । विश्व भोकमरी सूचकांक (जीएचआई) २०२६ मा नेपाल १२२ देशमध्ये ७२औँ स्थानमा रहेको छ । शनिवार सार्वजनिक प्रतिवेदनअनुसार नेपालको भोकमरीको अवस्था मध्यम श्रेणीमा रहे पनि अघिल्लो वर्षको तुलनामा सामान्य सुधार देखिएको हाे । प्रतिवेदनअनुसार नेपालले यस वर्ष १०० पूर्णाङ्कमा १४.५ अंक प्राप्त गरेको छ । सन् २०२५ मा नेपालको अंक १४.८ थियो । यसअघि सन् २०२४ मा १४.७ अंक रहेको ...
All Information In One Place
Real-time headlines from trusted sources. Get the app now — stay updated, inspired, and ahead with breaking news!
