किन ट्रम्पलाई हत्तपत्त जवाफ लगाउँदैनन् विश्वनेताहरू

काठमाडौं । ट्रम्पको आक्रामक रवैयाका कारण धेरै देशका नेताहरू उनीसँग भिड्नबाट जोगिन्छन्। जवाफ फर्काउँदा ट्रम्प रिसाउन सक्ने वा आफ्नो देशमा नयाँ ट्यारिफ लगाउन सक्ने डर उनीहरूमा हुन्छ। ट्रम्प अन्य देशका नेताहरूबाट सम्मान र नरमीको अपेक्षा गर्छन्, तर आफू भने त्यस्तो गर्दैनन्। अपवादमा ती नेताहरू पर्छन्, जसले उनको कुरा मान्छन् वा जससँग ट्रम्प राम्रो सम्बन्ध बनाउन चाहन्छन्। यिनमा रुसका राष्ट्रपति भ्लादिमिर पुटिन, चीनका राष्ट्रपति सी चिनफिङ र उत्तर कोरियाका नेता किम जोङ उन जस्ता नेताहरू पर्छन्। ट्रम्पको दोस्रो कार्यकालमा धेरै नेताहरूले अमेरिकी राष्ट्रपतिको आलोचनाको जवाफ दिने वा मौन बस्ने भन्ने निर्णय गर्नुपरेको छ। क्यानडाका प्रधानमन्त्री मार्क कार्नीले ट्रम्पको दबाबसामु झुक्नुको सट्टा जवाफी कदम चाले। उनले अमेरिकाको ट्यारिफबराबर नै क्यानेडियन ट्यारिफ लगाए। जेलेन्स्कीको अवस्था भने फरक छ। क्यानडाजस्तो युक्रेनसँग अमेरिकाबाट टाढा रहने त्यति धेरै ठाउँ छैन। रुसी आक्रमणको सामना गर्न उसलाई अमेरिकी हतियार, जासुसी जानकारी र अन्य सहायताको आवश्यकता छ। यही कारणले गर्दा जेलेन्स्कीलाई आफ्ना कुरा राख्ने र अमेरिकालाई रुष्ट नबनाउने बिचमा सन्तुलन कायम गर्नुपर्ने बाध्यता छ। नर्वे र फिनल्यान्डका नेताहरू पनि बैठकमा उपस्थित ओस्लोमा भएको बैठकको उद्देश्य ट्रम्प र जेलेन्स्कीबीचको हालैको तनावलाई कम गर्नु थियो। विटकफ रुस जानुअघि नर्वेको राजधानीमा रोकिएका थिए। बिरामी भएका कारण कुस्नर उनीसँग आएनन्, तर भिडियो कलमार्फत कुराकानीमा सहभागी भएका थिए। रुसप्रति ट्रम्पको बढ्दो झुकावलाई लिएर अमेरिकामा हुने मध्यावधि निर्वाचनसँग त यसको कुनै सम्बन्ध छैन भन्ने चर्चा भइरहेको छ। तर कुराकानीको जानकारी राख्ने व्यक्तिका अनुसार, विटकफ र कुस्नरले जेलेन्स्कीलाई रुसप्रतिको अमेरिकी नीतिको आन्तरिक राजनीतिसँग कुनै सम्बन्ध नरहेको कुरा लामो समयसम्म जोड दिएर सम्झाएका थिए। यस बैठकमा जेलेन्स्कीसँगै उनका दुई समर्थक पनि उपस्थित थिए- नर्वेका प्रधानमन्त्री जोनास गाहर स्टोर र फिनल्यान्डका राष्ट्रपति अलेक्ज्यान्डर स्टब। दुवैले युक्रेनको चर्को समर्थन गर्छन्। युरोपका अन्य नेताहरू जस्तै उनीहरू पनि ट्रम्पको रुसप्रतिको झुकावसँग सहमत छैनन्। यद्यपि, उनीहरू पनि ट्रम्पलाई अनावश्यक रूपमा रुष्ट बनाउनबाट भने जोगिन चाहन्छन्। (एजेन्सीहरूको सहयोगमा)