Sunday, November 15, 2026||
MultiKhabarMultiKhabar

सिर्जनात्मकताको अपेक्षा

Share:WhatsAppFacebookX (Twitter)Telegram
सिर्जनात्मकताको अपेक्षा
Photo / Coverage: हिमालय टाइम्स

यो वर्षका मुख्य चाडहरूले हामी सामुबाट बिदा लिइसकेका छन् । आजबाट सूर्यको उपासना गर्ने महान् पर्व छठको पनि समापन भएको छ । विशेषगरी तराई क्षेत्रमा भव्यताका साथ मनाइने यो पर्व विगत केही दशकदेखि अन्य समुदायका मानिसहरूका बीचमा लोकप्रिय बन्दै गइरहेको छ । तराईमा बसोवास गर्ने पहाडी मूलका मानिसहरूले पनि छठलाई श्रद्धा र भक्तिका साथ मनाउँदै आएका छन् । पछिल्लो समयमा सबैतिरका मानिस सबैतिर गएर व्यवसाय, पेशा, शिक्षा आर्जन आदि सन्दर्भमा अरू ठाउँमा गएर बस्ने गरेका हुँदा काठमाडौं उपत्यकामा पनि तराई मूलका मानिसहरूको हालका दिनहरूमा बाक्लो उपस्थिति छ । यसका साथै अन्य समुदायका मानिसहरूले पनि छठ पर्वलाई सम्मानका साथ ग्रहण गर्दै गएका हुँदा काठमाडौं उपत्यकाका पोखरी तथा नदी किनारहरूमा छटको व्रत बसी सूर्य उपासना गर्नेहरूको बाक्लो उपस्थिति रहँदै आएको छ । तराई मधेसदेखि पहाड हुँदै हिमालसम्म छठ्को सुवास पुगेको छ । व्रत बस्नुभन्दा अगाडिको दिन भक्तिपूर्वक खरना र ठकुवाको मात्र सेवन गर्ने तथा अघिल्लो दिन बेलुका अस्ताउँदो सूर्यलाई अर्घ्य दिएर र छठको दिन बिहान उदाउँदो सूर्यलाई अर्घ्य दिएपछि यो पर्वको समापन हुने गरेको छ । छठ पर्वमा मांसाहार नहुने, शुद्ध सहकारी भोजन ग्रहण गर्ने र त्यो पनि निष्ठापूर्वक सावधानीका साथ ग्रहण गर्ने हुँदा यस पर्वलाई श्रद्धा र निष्ठाको सात्विक पर्व मान्ने गरिन्छ । अब छठका साथै शारदीय पर्वहरू सकिएका छन् । दशैँ, तिहार, म्हःपूजा, नेपाल संवत्लगायत पर्वहरूको समापनसँगै अरू पर्वहरू भने अब बिस्तारै आउने गर्छन् । अबको चार महिनासम्म उधौली पर्व, माघी, श्रीपञ्चमी र ल्होसारहरू मनाउने गरिन्छ । यी पर्वहरूलाई पनि सरकारले राष्ट्रिय पर्वका रूपमा मान्यता दिएको छ र ती पर्व मनाउने दिनहरूमा सार्वजनिक बिदा दिने गर्दै आएको छ । दशैँ अघिका विभिन्न अकल्पनीय प्राकृतिक प्रकोप, बाढी पहिरोले गर्दा दशैँ पर्व शोकमा परिणत हुन पुग्यो । तिहारको खुशियाली सकिएर छठ पर्व मनाउन घर फर्किने क्रममा गाडी दुर्घटना परी केही व्यक्तिहरूको दुःखद् निधन हुन पुग्यो । यस्ता प्राकृतिक तथा दुर्घटनाजन्य घटना पटकपटक दोहोरिने गरेका छन् तर यिनलाई बिर्सिएर पनि अब सबैजना आफ्ना दैनिकीमा फर्किनुपर्ने बेला भएको छ । राष्ट्रिय राजनीतिमा पनि अब कुनै प्रकारको असहज परिस्थिति सिर्जना भएको छैन, किनभने एक पार्टीको पूर्णबहुमत भएका कारणले अरू पार्टीहरू जिम्मेवार प्रतिपक्षमा रहनुको विकल्प छैन । हुन त नेपाली राजनीतिमा अकल्पनीय घटनाहरू नै हुँदै आएका छन् । यता केही दिनदेखि केही व्यक्ति र पार्टीहरू सरकार गिराउने अभियानमा लागेका भन्ने हल्ला हुनेगरेको छ तर त्यस्तो सम्भावना देखिँदैन । किनभने जेन–जी विद्रोह जसरी नै कुनै ठूलो आकस्मिक, अकल्पनीय र अनियन्त्रित घटना भयो भने फरक कुरा हो नत्र कुनै अवस्थामा यस सरकारलाई हटाउन सकिने अवस्थाको विद्यमानता छैन । हो, बरू सरकारका कमीकमजोरी केलाउनु र अनियमितता र भ्रष्टाचारजन्य घटनाहरूको चिरफार गरी दोषीलाई कारबाहीको दायरामा ल्याउने प्रयास हुनुलाई भने अस्वाभाविक मानिँदैन, किनभने यी हुनैपर्ने कुरा हुन् । नेपालको राजनीतिलाई बिचौलियाहरूले आफ्नो कब्जामा लिएको र राजनीतिक व्यक्तिहरूलाई आफ्नो इसारामा नचाहेको कुरा भने विभिन्न समयमा देखिएका घटनाले पुष्टि गर्दै लगेको छ । पछिल्लो चरणमा इनम सापकोटा नामका व्यक्तिले विभिन्न राजनीतिक व्यक्तिहरूसँग सम्बन्ध स्थापित गरी राजनीतिको बाटो मोड्ने र न्यायलाई दिगभ्रमित बनाउने काम गर्दै आएको देखिएको छ । हुन त यस्ता सन्दर्भ र प्रसंगहरू जुनसुकै युग र समयमा पनि आएकै हुन्, आउँछन् तर तीबाट जिम्मेवारीमा बस्नेहरू प्रभावित हुनु चाहिँ गलत हो । आफ्नो अधिकार, कर्तव्य र जिम्मेवारी सम्झेर सबैले काम गर्ने हो भने यस्ता कुनै गतिविधिले नकारात्मक प्रभाव पार्न सक्दैनथे तर हाम्रोमा सुरुदेखि त्यस्तो हुँदै आएको पाइएको छैन । पद, प्रतिष्ठा र पैसाका लागि जसले जस्तोसुकै कार्य गर्न पनि पछि नपरेको देखिएको छ । पृथ्वीनारायण शाहले ‘घुस दिन्या र घुस लिन्या राष्ट्रका शतुर हुन् । यस्ताको जिउ ज्यान गरे पनि कमै हुन्छ’ भनेका थिए । भानुभक्त आचार्यले आफूलाई छिमेकी गिरिधारी भाट नामका व्यक्तिले दिएको मुद्दा र उनलाई लागेको भ्रष्टाचारको आरोपमा न्यायिक निकायमा हाँसो, ठट्टा र मजाकमात्र गर्ने समयमा न्याय निरुपण नगर्ने प्रवृत्तिका विरुद्ध कविता लेखेर राणा सरकारसमक्ष पेश गरेका थिए । उनले ‘भोलि भोलि हुँदैमा सब घर बितिगो बक्सियोस् आज झोली’ भनेका थिए । यी उदाहरणहरूबाट त्यस समयमा पनि घुस खाने, घुस दिने र आनो जिम्मेवारीमा ढिलासुस्ती गर्ने प्रवृत्ति रहेछ भन्ने देखिन आउँछ । त्यस्ता कुराहरू त्यस समयदेखि अहिलेसम्म आइपुग्दा कम हुँदै गएर ती समाप्त नै हुनुपर्थ्यो तर ठीकविपरीत त्यसबेलादेखि नै रोपिएका बिउहरू झांगिँदै फैलिँदै र झन्झन् विकसित बन्दै अहिलेको समयसम्म आइपुग्दा विकराल बनेर सम्हाल्नै नसकिने अवस्थामा पुगेका छन् । वर्तमान सरकारले यसतर्फ गम्भीरतापूर्वक ध्यान दिनुपर्ने आवश्यकता छ । हिजोका सरकारहरूले जसरी मेरो र तेरो मान्छे भनेर होइन जसको मान्छे भए पनि गल्ती गर्नेलाई कानुनको कठघरामा उभ्याउनै पर्छ र दोषीलाई कानुन बमोजिम करबाही गर्नैपर्छ । चाडपर्वले पनि हुनसक्छ हालका दिनमा राजनीतिक घटनाहरू त्यति चर्चामा छैनन् । नेपाली कांग्रेसको अधिवेशन सकिएको छ तर नेपाली कांग्रेसकै असहमत पक्षले महाधिवेशनका विभिन्न प्रक्रिया पूरा गर्दैछ । स्थानीय तह चरणको अधिवेशनहरू समापन गरी जिल्ला अधिवेशनको तयारीमा छ र मानिसको ध्यानाकर्षण भइरहेको देखिन्छ । मिलिजुली सरकार भएका बेलामा तिनीहरूको गठबन्धन र सरकार बनाउने र गिराउने खेलमा सक्रियता बढ्ने थियो तर अहिले त्यस्तो अवस्था छैन । नेपालका राजनीतिक पार्टीहरू अहिले चुप लागेर बसेका छन्, त्यसको कुनै विकल्प पनि छैन । अबको समय भनेको आपसी सद्भाव कायम गरी मेलमिलापपूर्ण वातावरण सिर्जना गरेर रचनात्मक कार्यमा संलग्न हुँदै देशको उन्नति र विकासमा सबै एक भएर लाग्नुपर्ने अवस्था हो । यसतर्फ सबैको ध्यान जाओस् र अबका दिनहरू सुख, समृद्धि र सद्भावका साथ अगाडि बढ्न सकून् । आउँदा दिनहरू द्वन्द्वरहीत सिर्जनशील हुन् । यो हाम्रो पहिलो आवश्यकता हो । सिर्जनात्मक अपेक्षा पनि यही नै हो ।

Share:WhatsAppFacebookX (Twitter)Telegram

Read Complete Original Article

Published originally on हिमालय टाइम्स

Visit Publisher Site →

Related News

🇳🇵 Nepal
धान काट्न व्यस्त छन् इलामका किसान
Latest NewsJust now

धान काट्न व्यस्त छन् इलामका किसान

इलाम । इलामका तल्लो क्षेत्रमा धान काट्ने सिजन सुरु भएको छ । तिहार सकिएसँगै यहाँका किसान धान काट्न व्यस्त छन् । यस वर्ष समयमा वर्षा भएकाले धान उत्पादन राम्रो हुनुका... ...

रातोपाटी
बजारमा माग बढेपछि ‘थारु आलुखेती’ विस्तार गर्दै किसान
Latest NewsJust now

बजारमा माग बढेपछि ‘थारु आलुखेती’ विस्तार गर्दै किसान

बर्दिया । स्वादिलो, लामो समयसम्म भण्डारण गर्न सकिने र बजारमा राम्रो मूल्य पाउने भएपछि बर्दियाका किसान रैथाने आलुखेतीतर्फ आकर्षित हुन थालेका छन् । स्थानीय तहले बीउमा अनुदान दिन थालेपछि यसको... ...

रातोपाटी
छठ पर्व : सूर्य आराधनामा निहित सभ्यता
Latest NewsJust now

छठ पर्व : सूर्य आराधनामा निहित सभ्यता

छठ पर्व समानता र प्रकृतिप्रतिको जीवनदर्शनको प्रतीक हो प्रकृति र मानव जीवनबीचको गहिरो सम्बन्धलाई उजागर गर्ने पर्व हो छठ । उदाउँदो सूर्यको तेजस्वितामात्र होइन, अस्ताउँदो सूर्यको अस्तित्वलाई समेत उत्तिकै श्रद्धा र सम्मानका साथ स्वीकार गर्ने यस पर्वले मानव जीवनका अनेकौं दार्शनिक पक्षलाई उजागर गर्छ । आस्था, अनुशासन, समर्पण र प्रकृतिप्रतिको कृतज्ञताको अनुपम उदाहरणका रूपमा रहेको छठ आज धार्मिक अनुष्ठानमा मात्र ...

हिमालय टाइम्स
‘संकटमा नेपाली सेनाले देखाएको साहस’
Latest NewsJust now

‘संकटमा नेपाली सेनाले देखाएको साहस’

नेपाल प्राकृतिक विपद्को दृष्टिकोणले अत्यन्तै उच्च जोखिममा रहेको देश हो । भौगोलिक बनावट, भिरालो जमिन, र पछिल्लो समय जलवायु परिवर्तनका कारण वर्षेनी ठूला प्रकारका प्राकृतिक प्रकोपहरूको चपेटामा परिरहन्छ । यतिबेला मुलुक विनाशकारी बाढीका कारण अत्यन्तै कठिन परिस्थितिमा गुज्रिरहेको छ । गत भदौ १० गते नेपाल–चीन सीमा क्षेत्रअन्तर्गत रसुवागढी नाकाबाट करिब २० किलोमिटर उत्तरपूर्व तिब्बती भू-भागमा हिमचट्टान खोलामा खस्दा नेपालमा आएको ...

हिमालय टाइम्स
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play