सञ्चारमन्त्री तिमिल्सिनाले भने,‘आज पक्राउ परेका सबै पत्रकार रिहा भएका छन्’

काठमाडौँ । सूचना तथा सञ्चारमन्त्री बिक्रम तिमिल्सिनाले आज पक्राउ परेका सबै पत्रकार रिहा भएको बताएका छन् । प्रहरीले आज एकाएक मिडियाका कार्यालयमा प्रवेश गरेर पत्रकारलाई पक्राउ गरेको थियो । चौथर्फी विरोधपछि पक्राउ परेका पत्रकारलाई रिहा गरेको हो । नेपाल प्रहरीका महानिरीक्षक दानबहादुर कार्की हटाउने विषय र बिचौलियासँग न्यायाधीसको भेटघाटको कुरा बाहिरिएपछि प्रहरीले आज तीन पत्रकारलाई पक्राउ गरेको थियो भने थप पत्रकारलाई पक्राउ गर्न कार्यालयमै प्रहरी परिचालन गरिएको थियो । मन्त्री तिमिल्सिनाले समाजिक सञ्जालमा भनेका छन्, “पक्राउ परेका सबै पत्रकारहरु रिहा भएका छन् । सरकार प्रेस स्वतन्त्रताप्रति प्रतिबद्ध छ । प्रेस स्वतन्त्रता र जिम्मेवार पत्रकारिता लोकतन्त्रका आधार स्तम्भ हुन् ।” यो पनि पढ्नुहोस धरपकड रोक्न र पक्राउ परेका पत्रकार तत्काल रिहा गर्न प्रधानमन्त्रीको निर्देशन,पूर्वजानकारी नभएको स्पष्टोक्ति यो पनि पढ्नुहोस सादा पोसाकका प्रहरीद्वारा पत्रकार नियन्त्रणमा लिएको घटनाप्रति प्रेस काउन्सिलको गम्भीर ध्यानाकर्षण यो पनि पढ्नुहोस मिडियामाथि प्रहरीको धरपकड : कार्यालयहरूमा प्रहरी परिचालन,तीन पत्रकार पक्राउ यो पनि पढ्नुहोस प्रहरीद्वारा नेपाल प्रेसका पत्रकार सुवेदी र माेटिभेट न्युजका बराल पक्राउ