Wednesday, November 18, 2026||
MultiKhabarMultiKhabar

वैदेशिक रोजगारी ठगी प्रकरणमा पूर्वमन्त्रीसहित ६ जना पक्राउ

Share:WhatsAppFacebookX (Twitter)Telegram
वैदेशिक रोजगारी ठगी प्रकरणमा पूर्वमन्त्रीसहित ६ जना पक्राउ
Photo / Coverage: नेपालन्युज

काठमाडौं। वैदेशिक रोजगारीका नाममा ठगी गरी गैरकानुनी रूपमा रकम संकलन गरेर मलेसिया पठाएको आरोपमा पूर्वमन्त्रीसहित ६ जना पक्राउ परेका छन्। नेपाल प्रहरीको केन्द्रीय अनुसन्धान ब्युरो (सीआईबी) ले ठगी तथा संगठित अपराधसम्बन्धी कसुरमा उनीहरूलाई पक्राउ गरेको हो। पक्राउ पर्नेमा तत्कालीन श्रम, रोजगार तथा सामाजिक सुरक्षामन्त्री शेरबहादुर कुँवर र रामेश्वर राय यादव रहेका छन्। त्यस्तै, मन्त्रालयका तत्कालीन सचिव विनोद केसी, तत्कालीन रोजगार व्यवस्थापन महाशाखा प्रमुख (सहसचिव) उमेश ढुंगाना, राजीव पोखरेल र तत्कालीन कानुन अधिकृत (उपसचिव) निर्मला गुरुङ पनि पक्राउ परेका छन्। सीआईबीका अनुसार प्रधानमन्त्री तथा मन्त्रिपरिषद्को कार्यालय र वैदेशिक रोजगारसम्बन्धी विभिन्न निकायबाट प्राप्त पत्र तथा विकास रनाभाटसमेतको जाहेरीका आधारमा उनीहरूमाथि अनुसन्धान अघि बढाइएको हो। नेपाल सरकार र मलेसिया सरकारबीच भएको समझदारीपत्र (एमओयू) विपरीत गैरकानुनी रूपमा रकम संकलन गरी मलेसिया पठाउने निर्णयमा उनीहरूको संलग्नता रहेको प्रहरीको आरोप छ। संकलित रकममध्ये अमेरिकी डलर र बेलायती पाउन्डसमेत ठूलो परिमाणमा मलेसिया पठाइएको अनुसन्धानबाट खुलेको सीआईबीले जनाएको छ। प्रहरीका अनुसार सम्झौताको दायरा र कानुनी प्रक्रियाविपरीत अधिकार क्षेत्र नाघेर विदेशी मुद्रा अपचलन गरिएको थियो। यसबाट मुलुकको अर्थतन्त्रमा प्रतिकूल असर पर्ने निर्णय गरी संगठित समूहको लाभका लागि सरकारी पद तथा जिम्मेवारीको दुरुपयोग गरिएको आरोप उनीहरूमाथि लगाइएको छ। गैरकानुनी रूपमा संकलित रकम कानुनी उपचारको प्रक्रिया पूरा नगरी मलेसिया पठाउने कार्यमा संलग्न व्यक्तिहरूमाथि अनुसन्धान गर्न काठमाडौं जिल्ला अदालतबाट मंसिर २ गते पक्राउ पुर्जी जारी गर्ने अनुमति लिइएको सीआईबीले जनाएको छ। प्रहरीले उनीहरूलाई काठमाडौं, ललितपुर र सर्लाहीका विभिन्न स्थानबाट पक्राउ गरेको हो। पक्राउ परेका सबैमाथि थप अनुसन्धान भइरहेको सीआईबीले जानकारी दिएको छ।

Share:WhatsAppFacebookX (Twitter)Telegram

Read Complete Original Article

Published originally on नेपालन्युज

Visit Publisher Site →

Related News

🇳🇵 Nepal
चार महिनामा एक लाख १२ हजारभन्दा बढी पर्यटक मुस्ताङ भित्रिए
Latest NewsJust now

चार महिनामा एक लाख १२ हजारभन्दा बढी पर्यटक मुस्ताङ भित्रिए

मुस्ताङ । चालु आर्थिक वर्षको पहिलो चौमासिकमा एक लाख १२ हजार ४८ जना पर्यटक मुस्ताङ भित्रिएका छन् । जिल्ला प्रहरी कार्यालय मुस्ताङका अनुसार साउनदेखि कात्तिक मसान्तसम्म भित्रिने कुल पर्यटकमध्ये ५७ हजार... ...

रातोपाटी
क्वालिफायरमा विपक्षी को छ भन्ने कुराले खासै फरक पार्दैन : कामिल मिशारा
Latest NewsJust now

क्वालिफायरमा विपक्षी को छ भन्ने कुराले खासै फरक पार्दैन : कामिल मिशारा

काठमाडौँ । चितवन राइनोजका ब्याटर कामिल मिशाराले व्यक्तिगत कीर्तिमानभन्दा टोलीको जित महत्त्वपूर्ण रहेको बताएका छन् । तेस्रो संस्करणको नेपाल प्रिमियर लिग (एनपीएल) को इलिमिनेटरमा काठमाण्डु गोर्खाजलाई ६१ रनले हराउँदै चितवन दोस्रो... ...

रातोपाटी
सर्वोच्च अदालतबाट पशुपति गौशाला धर्मशालासम्बन्धी फैसला सदर, स्वामित्व कोषकै मातहत
Latest NewsJust now

सर्वोच्च अदालतबाट पशुपति गौशाला धर्मशालासम्बन्धी फैसला सदर, स्वामित्व कोषकै मातहत

• सर्वोच्च अदालतले पशुपति गौशाला धर्मशालाको जग्गामा मारवाडी सेवा समितिको मोही हक नलाग्ने ठहर गर्दै जिल्ला र उच्च अदालतका फैसला सदर गरेको छ। • यस निर्णयले पशुपति गौशाला धर्मशालाको सम्पूर्ण स्वामित्व पशुपति क्षेत्र विकास कोषमा रहने कानुनी आधारलाई बलियो बनाएको छ। • तीन तहका अदालतहरूले मारवाडी सेवा समितिको मोही हक नरहेको ठहर गर्दै धर्मशालाको व्यवस्थापन र सञ्चालन कोषको मातहतमा ल्याउने ...

नेपालबहस
पाथीभरा केबलकारको काम रोकिएकै बेला ‘नो केबलकार समूह’ले दियो आन्दोलनको चेतावनी
Latest NewsJust now

पाथीभरा केबलकारको काम रोकिएकै बेला ‘नो केबलकार समूह’ले दियो आन्दोलनको चेतावनी

ताप्लेजुङ सदरमुकाम फुङलिङ, काठमाडौंको माइतीघरलागायतका स्थानमा पत्रकार सम्मेलन तथा विरोध प्रदर्शन गरेर निर्माणको चलखेल भएको भन्दै खबरदारी गरिएको हो । ...

कान्तिपुर
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play