दैलेख । दैलेखमा जिप दुर्घटना हुँदा एक जनाको मृत्यु भएको छ भने पाँच जना घाइते भएका छन् । जिल्लाको गुराँस गाउँपालिका–१ काफलतोलीस्थित कर्णाली राजमार्गमा सोमबार भएको दुर्घटनामा कालिकोटको सन्नित्रिवेणी गाउँपालिका–६ निवासी ४१ वर्षीय रने सार्कीको मृत्यु भएको हो । उनको उपचारका क्रममा सोमबार बिहान ८ बजे मृत्यु भएको प्रहरीले जनाएको छ । प्रहरीका अनुसार कालिकोटबाट विषादी सेवन गरेकी बिरामीलाई अक्सिजन सिलिन्डरसहित उपचारका लागि सुर्खेत लैजाँदै गरेको कर्णाली प्रदेश ०२–००१ च १२१५ नम्बरको जिप अनियन्त्रित भई सडकबाट करिब ३०० मिटर तल खसेको थियो । दुर्घटनामा जिप चालक सन्नित्रिवेणी गाउँपालिका–७ का २२ वर्षीय योगेश सिम्खडा, १८ वर्षीय गंग सार्की, २१ वर्षीय तपेन्द्र सिम्खडा तथा वडा नम्बर ६ का जादुकाल सार्की र कैसी सार्की घाइते भएका छन् । घाइतेमध्ये कैसी सार्की विषादी सेवन गरेकी बिरामी रहेको प्रहरीले जनाएको छ । दुर्घटनामा घाइते भएका पाँचै जनालाई तत्काल उद्धार गरी थप उपचारका लागि सुर्खेत पठाइएको प्रहरीले जनाएको छ ।
विषादी सेवन गरेकी बिरामीलाई सुर्खेत लैजाँदै गरेको जिप दुर्घटना, एकजनाको मृत्यु
Read Complete Original Article
Published originally on केन्द्रबिन्दु
