काठमाडौँ । नेकपा एमालेले राष्ट्रिय कार्यकर्ता भेला र आगामी केन्द्रीय कमिटी बैठकका एजेन्डा तय गर्न आज स्थायी कमिटी बैठक बोलाएको छ। पार्टी केन्द्रीय कार्यालय च्यासलमा दिउँसो १ बजे बस्ने बैठकले भोलिदेखि सुरु हुने राष्ट्रिय कार्यकर्ता भेलाका एजेन्डा अनुमोदन गर्नेछ। पार्टीका प्रचार तथा प्रकाशन विभाग प्रमुख निरज आचार्यका अनुसार बैठकले मंसिर ५ गते बस्ने केन्द्रीय कमिटी बैठकका कार्यसूची तय गर्नुका साथै समसामयिक राजनीतिक विषयमा पार्टीको धारणा बनाउनेछ। राष्ट्रिय कार्यकर्ता भेलाको पूर्वसन्ध्यामा बस्न लागेको बैठकलाई एमालेले पार्टीका आगामी गतिविधि र राजनीतिक कार्यदिशाबारे छलफल गर्ने अवसरका रूपमा लिएको छ।
राष्ट्रिय भेला र केन्द्रीय कमिटीको एजेन्डा तय गर्न एमाले स्थायी कमिटी बैठक बस्दै

Read Complete Original Article
Published originally on लुम्बिनी सञ्चार






