भृकुटीमण्डपमा टीभीएसको ‘अचम्मैको महाएक्सचेन्ज मेला’ सुरु, के-के छ अफर ?

काठमाडौं । चाडपर्वको अवसर पारेर टीभीएसको नेपालका लागि आधिकारिक वितरक जगदम्बा मोटर्स प्रालिले काठमाडौंको भृकुटीमण्डपमा ‘टीभीएस अचम्मैको महाएक्सचेन्ज मेला’ सुरु गरेको छ । कात्तिक १२ देखि १८ गतेसम्म सञ्चालन हुने मेलामा ग्राहकले पुराना मोटरसाइकल तथा स्कुटर एक्सचेन्ज गरी नयाँ टीभीएसका सवारीसाधन खरिद गर्न सक्नेछन् । सात दिनसम्म सञ्चालन हुने मेलामा पुराना सवारीसाधनको आकर्षक मूल्यांकन, विशेष छुट तथा फाइनान्स सुविधाको व्यवस्था गरिएको कम्पनीले जनाएको छ । मेलाको मुख्य आकर्षणका रूपमा ‘टीभीएस गोल्डेन की अफर’ रहेको छ । कम्पनीका अनुसार उक्त अफरअन्तर्गत ग्राहकले सवारीसाधनको खरिद मूल्यको शतप्रतिशतसम्म क्यासब्याक वा गोल्डेन कीमार्फत १० लाख रुपैयाँसम्म नगद छुट पाउने अवसर प्राप्त गर्न सक्नेछन् । त्यसैगरी, मेलामा प्रत्येक दिन दुई जना भाग्यशाली विजेताले पाँच वर्षसम्म निःशुल्क सर्भिसिङ सुविधा पाउनेछन् । पुराना मोटरसाइकल तथा स्कुटरको मूल्यांकनका लागि ५० जनाभन्दा बढी अनुभवी मूल्यांकनकर्ता परिचालन गरिएको कम्पनीले जनाएको छ । मेलामा नागरिकता र सवारीचालक अनुमतिपत्रका आधारमा सहज फाइनान्स सुविधा पनि उपलब्ध गराइनेछ । यद्यपि, फाइनान्स सुविधा सम्बन्धित वित्तीय संस्थाका सर्त तथा ग्राहकको योग्यतामा निर्भर रहने कम्पनीले स्पष्ट पारेको छ । जगदम्बा मोटर्सका नेसनल सेल्स हेड हरि न्यौपानेले मेलामार्फत ग्राहकलाई पुराना सवारीसाधनको मूल्यांकन, विशेष अफर र फाइनान्स सुविधासहित नयाँ सवारीसाधन खरिद गर्ने अवसर एकै स्थानमा उपलब्ध गराउन खोजिएको बताए । कम्पनीका अनुसार मेलामा ग्राहकले विभिन्न मोडलका टीभीएस मोटरसाइकल तथा स्कुटरबारे जानकारी लिनुका साथै पुराना सवारीसाधनको मूल्यांकन गराउन र उपलब्ध अफरको लाभ लिन सक्नेछन् । शंकर ग्रुपअन्तर्गतको जगदम्बा मोटर्स सन् २०१५ देखि नेपाली बजारमा सक्रिय छ । कम्पनीले टीभीएसका मोटरसाइकल तथा स्कुटर बिक्री गर्नुका साथै देशभरका डिलर तथा सर्भिस नेटवर्कमार्फत बिक्रीपछिको सेवा प्रदान गर्दै आएको छ । भृकुटीमण्डपमा सञ्चालन भइरहेको मेला कात्तिक १८ गतेसम्म जारी रहने कम्पनीले जनाएको छ ।