भारतमाथि न्युजिल्याण्डको सानदार जित

काठमाडाैं । न्युजिल्याण्डले टी-२० शृङ्खलामा भारतलाई ८७ रनले पराजित गरेको छ। इडन पार्कमा भएको खेलमा टस जितेर पहिले बलिङ गर्ने निर्णय गरेको भारतविरुद्ध न्युजिल्याण्डले निर्धारित २० ओभरमा ७ विकेट गुमाउँदै २५९ रनको विशाल योगफल तयार गरेको थियो। न्युजिल्याण्डका लागि ग्लेन फिलिप्सले उत्कृष्ट ब्याटिङ गर्दै मात्र ४९ बलमा १०७ रनको शतकीय इनिङ खेले र म्यान अफ द म्याच घोषित भए। त्यसैगरी, माइकल ब्रेसवेलले २५ बलमा ६५ रन र फिन एलेनले १७ बलमा ३१ रन बनाए। भारततर्फबाट मयंक यादवले ३ विकेट लिए भने अर्शदीप सिंह र अक्षर पटेलले समान १-१ विकेट हात पारे। २६० रनको ठूलो लक्ष्य पछ्याउने क्रममा भारतीय टोलीले निर्धारित २० ओभरमा ९ विकेट गुमाएर १७२ रन मात्र बनाउन सक्यो। भारतका लागि तिलक वर्माले ३५, नमन धिरले २८ र अभिषेक शर्माले २७ रन बनाए पनि टोलीलाई जिताउन सकेनन्। न्युजिल्याण्डको कसिलो बलिङसामू जेकब डफीले सर्वाधिक ४ विकेट लिए भने मिचेल स्यान्टनर र म्याथ्यू फिशरले २-२ विकेट लिए। पाँच खेलको यस टी-२० शृङ्खलामा भारत अझै ३-१ ले अगाडि छ।