पटक-पटक टुटेको अमेरिकी प्रतिबद्धतालाई माफ गर्न नसकिने इरानको दावी

तेहरान । इरानको विदेश मन्त्रालयका प्रवक्ता इस्माइल बाघाईले अमेरिकी राष्ट्रपति डोनाल्ड ट्रम्पको १४ बुधे मेमोरेन्डम अफ अन्डरस्टेन्डिङ (एमओयू) प्रतिको टिप्पणीको आलोचना गर्दै वासिङ्टनलाई आफ्नो प्रतिबद्धता नमान्ने र अमेरिकी दुव्र्यवहारलाई जवाफदेहिताको आह्वान गरेको आरोप लगाएका छन् । समाजिक सञ्जाल एक्समा बाघाईले कूटनीतिप्रति वासिङ्टनको अवहेलना फेरि एकपटक उजागर भएको उल्लेख गरेका हुन् । राष्ट्रपति ट्रम्पले इस्लामाबाद एमओयूमा कहिल्यै विश्वास नगरेर यसलाई समयको बर्बादी र कूटनीतिक प्रतिबद्धताहरूको फितलो पक्षलाई उजागर गरेको जनाए । उनले थपे, “इरानका लागि यो नयाँ कुरा होइन ,वासिङ्टनसँग आफ्ना प्रतिबद्धताहरू अस्वीकार गर्ने र अन्तर्राष्ट्रिय दायित्वहरू असुविधाजनक हुँदा आफुअनुकुल व्यवहार गर्ने प्रचलन लामो समय देखि गर्दै आएको छ ।” उनले वासिङ्टनलाई दिएको प्रतिक्रियाका लागि युरोपेली राज्यहरू लगायतको आलोचना गर्दै वासिङ्टनले अमेरिकी दुव्र्यवहारलाई बैद्य पार्नु र यसलाई जवाफदेहिताबाट जोगाउनका लागि युरोपेली राज्यहरू र अन्य समर्थकहरूका लागि कुनै औचित्य भएको बताए । “टुटेको प्रतिबद्धतालाई माफ गर्न सकिँदैन, अन्तर्राष्ट्रिय कानून चयन गरेर लागू गर्न सकिँदैन, र कुनै पनि रुपमा राजनैतिक नैतिकताले वासिङ्टनलाई जवाफदेहिताबाट मुक्त गर्न सक्दैन” उनले जोड दिए । इरानसँगको द्वन्द्वमा ट्रम्पको हालैको बयानको बीचमा यो टिप्पणी आएको हो । बुधबार टेक्सासको लुब्बकमा एउटा र्यालीमा बोल्दै अमेरिकी राष्ट्रपतिले अमेरिकाले इरानसँग युद्ध सुरु नगरेको र तेहरानलाई सन् १९७९ देखि वासिङ्टनविरुद्ध द्वन्द्व गरेको आरोप लगाए । अमेरिकाले इरानसँग युद्ध सुरु नगरेको दावी गर्दै ट्रम्पले इरानले अमेरिकाविरुद्ध सन् १९७९ देखि नै युद्ध जारी राखि महान अमेरिकी व्यक्तिहरू तथा सैनिकहरूको हत्या गरेको र धेरैलाई घाइते बनाएको जनाएका छन् । उनले यस अघिका अमेरिकी नेताहरूले यस मुद्दालाई नसल्टाएकोमा थप आलोचना गर्दै समस्या धेरै पहिले नै सुल्झाउनु पर्ने तर उनीहरूसँग यो साहस वा बुद्धिमत्ता नभएको उल्लेख गरेका छन् । इरानमा युद्ध कहिले अन्त्य हुन्छ भन्ने प्रश्नलाई सम्बोधन गर्दै ट्रम्पले जब म यो युद्ध समाप्त गर्न चाहन्छु त्यहि समयमा हुन्छ भने । -एएनआई