नेपाल इन्भेष्टमेण्ट मेगा बैंकको नाफामा २६ गुणाभन्दा बढीको वृद्धि, पहिलो त्रैमासमै कमायो १ अर्ब १८ करोड

<p> <p style="text-align:justify">काठमाडौं । नेपाल इन्भेष्टमेण्ट मेगा बैंकले चालु आर्थिक वर्ष २०८३/८४ को पहिलो त्रैमासमा खुद नाफामा उल्लेख्य सुधार गरेको छ । बैंकले सार्वजनिक गरेको असोज मसान्तसम्मको अपरिष्कृत वित्तीय विवरणअनुसार बैंकको खुद नाफा १ अर्ब १८ करोड १४ लाख रुपैयाँ पुगेको छ ।</p></p> <p> <p style="text-align:justify">गत आर्थिक वर्ष २०८२/८३ को सोही अवधिमा बैंकले ४ करोड ५० लाख रुपैयाँ मात्रै खुद नाफा कमाएको थियो । यसरी एक वर्षको अवधिमा बैंकको खुद नाफा २६ गुणाभन्दा बढीले वृद्धि भएको छ ।</p></p> <p> <p style="text-align:justify">बैंकको नाफामा आएको उच्च वृद्धिको मुख्य कारण कर्जा नोक्सानी व्यवस्था (इम्पेयरमेन्ट चार्ज) मा भएको ठूलो गिरावट हो । समीक्षा अवधिमा बैंकको इम्पेयरमेन्ट चार्ज ६०.८१ प्रतिशतले घटेर १ अर्ब ९ करोड ७३ लाख रुपैयाँमा सीमित भएको छ । गत आर्थिक वर्षको पहिलो त्रैमासमा यस्तो व्यवस्था २ अर्ब ८० करोड ४ लाख रुपैयाँ थियो ।</p></p> <p> <p style="text-align:justify">त्यस्तै, बैंकको सञ्चालन मुनाफामा पनि उल्लेख्य सुधार देखिएको छ । गत वर्षको पहिलो त्रैमासमा १ अर्ब ५१ करोड २ लाख रुपैयाँ रहेको सञ्चालन मुनाफा चालु आवको सोही अवधिमा बढेर ३ अर्ब २५ करोड २० लाख रुपैयाँ पुगेको छ ।</p> <p style="text-align:justify"><strong>खुद ब्याज आम्दानीमा सामान्य सुधार</strong></p> <p style="text-align:justify">बैंकको आम्दानीको प्रमुख स्रोत खुद ब्याज आम्दानीमा भने सामान्य वृद्धि भएको छ । गत आर्थिक वर्षको पहिलो त्रैमासमा ३ अर्ब २४ करोड ३१ लाख रुपैयाँ रहेको खुद ब्याज आम्दानी चालु आवको समीक्षा अवधिमा ०.८८ प्रतिशतले बढेर ३ अर्ब २७ करोड १६ लाख रुपैयाँ पुगेको छ ।</p></p> <p> <p style="text-align:justify">यस अवधिमा बैंकको ब्याज आम्दानी ८ अर्ब ३४ करोड ३ लाख रुपैयाँबाट घटेर ७ अर्ब ४१ करोड ७१ लाख रुपैयाँ कायम भएको छ । यस्तै, ब्याज खर्च पनि ५ अर्ब ९ करोड ७१ लाख रुपैयाँबाट घटेर ४ अर्ब १४ करोड ५४ लाख रुपैयाँमा झरेको छ ।</p> <p style="text-align:justify">गैरब्याज आम्दानीतर्फ बैंकको खुद शुल्क तथा कमिसन आम्दानी ४.८२ प्रतिशतले बढेर ५९ करोड २१ लाख रुपैयाँ पुगेको छ । गत वर्षको सोही अवधिमा यस्तो आम्दानी ५६ करोड ४८ लाख रुपैयाँ थियो । समीक्षा अवधिमा बैंकको खुद ट्रेडिङ आम्दानी ३१ करोड २९ लाख रुपैयाँ र अन्य सञ्चालन आम्दानी १७ करोड २७ लाख रुपैयाँ रहेको छ ।</p> <p style="text-align:justify"><strong>निक्षेप र कर्जा विस्तारमा सामान्य वृद्धि</strong></p> <p style="text-align:justify">बैंकको व्यवसाय विस्तारतर्फ निक्षेप र कर्जा प्रवाह दुवैमा सामान्य वृद्धि देखिएको छ । गत असार मसान्तको तुलनामा चालु आवको पहिलो तीन महिनामा बैंकको ग्राहक निक्षेप २.६९ प्रतिशतले बढेर ५ खर्ब ४० अर्ब ७९ करोड ६९ लाख रुपैयाँ पुगेको छ । गत असार मसान्तमा यस्तो निक्षेप ५ खर्ब २६ अर्ब ६३ करोड २० लाख रुपैयाँ थियो ।</p> <p style="text-align:justify">त्यस्तै, बैंकको कर्जा प्रवाह ०.३३ प्रतिशतले बढेर ३ खर्ब २२ अर्ब ४१ करोड २० लाख रुपैयाँ पुगेको छ । गत असार मसान्तमा बैंकको कुल कर्जा प्रवाह ३ खर्ब २१ अर्ब ३४ करोड २० लाख रुपैयाँ रहेको थियो ।</p> <p style="text-align:justify"><strong>निष्क्रिय कर्जा ८.८७ प्रतिशत पुग्यो</strong></p> <p style="text-align:justify">नाफामा उल्लेख्य सुधार भए पनि बैंकको कर्जाको गुणस्तरमा भने दबाब देखिएको छ । बैंकको कुल निष्क्रिय कर्जा (एनपीएल) अनुपात गत आर्थिक वर्षको पहिलो त्रैमासमा ६.६३ प्रतिशत रहेकोमा चालु आवको सोही अवधिमा बढेर ८.८७ प्रतिशत पुगेको छ ।</p> <p style="text-align:justify">यद्यपि, खुद निष्क्रिय कर्जा अनुपात भने केही सुधार भएको छ । गत वर्ष १.४६ प्रतिशत रहेको यस्तो अनुपात घटेर १.३७ प्रतिशत कायम भएको छ ।</p> <p style="text-align:justify">त्यस्तै, कुल निष्क्रिय कर्जाको तुलनामा गरिएको कर्जा नोक्सानी व्यवस्थाको कभरेज अनुपात १०१.५७ प्रतिशतबाट सामान्य बढेर १०१.६० प्रतिशत पुगेको छ ।</p> <p style="text-align:justify"><strong>ब्याजदर घट्दा लागत र आधार दरमा सुधार</strong></p> <p style="text-align:justify">बजारमा ब्याजदर घट्ने क्रमसँगै बैंकको निक्षेप लागत, आधार दर र ब्याजदर अन्तरमा पनि कमी आएको छ ।बैंकको निक्षेपको लागत (कस्ट अफ फण्ड) गत वर्षको ३.९२ प्रतिशतबाट घटेर ३.०७ प्रतिशतमा झरेको छ । त्यस्तै, औसत आधार दर ५.६९ प्रतिशतबाट घटेर ४.५१ प्रतिशत कायम भएको छ । असोज महिनाको आधार दर भने ४.४४ प्रतिशत रहेको छ ।</p> <p style="text-align:justify">बैंकको औसत ब्याजदर अन्तर (स्प्रेड दर) पनि ३.४४ प्रतिशतबाट घटेर ३ प्रतिशतमा सीमित भएको छ । समीक्षा अवधिमा बैंकको कर्जा&ndash;निक्षेप अनुपात (सीडी रेसियो) ६६.७३ प्रतिशत रहेको छ ।</p> <p style="text-align:justify"><strong>ईपीएस बढेर १३ रुपैयाँ ८५ पैसा</strong></p> <p style="text-align:justify">खुद नाफामा भएको वृद्धिसँगै बैंकको प्रतिसेयर आम्दानी (ईपीएस) मा पनि उल्लेख्य सुधार आएको छ । गत आर्थिक वर्षको पहिलो त्रैमासमा वार्षिकीकृत ईपीएस ५३ पैसा रहेकोमा चालु आवको समीक्षा अवधिमा बढेर १३ रुपैयाँ ८५ पैसा पुगेको छ ।</p> <p style="text-align:justify">त्यस्तै, बैंकको वार्षिकीकृत पुँजीमा प्रतिफल (आरओई) ०.२७ प्रतिशतबाट बढेर ६.९५ प्रतिशत पुगेको छ भने सम्पत्तिमा प्रतिफल (आरओए) ०.०३ प्रतिशतबाट बढेर ०.७६ प्रतिशत कायम भएको छ ।बजारमा बैंकको प्रतिसेयर मूल्य २०६ रुपैयाँ २० पैसा रहँदा मूल्य आम्दानी अनुपात (पीई रेसियो) १४.८९ गुणा रहेको छ ।</p> <p style="text-align:justify"><strong>वितरणयोग्य नाफा ५ अर्बभन्दा बढी ऋणात्मक</strong></p> <p style="text-align:justify">हाल बैंकको चुक्ता पुँजी ३४ अर्ब १२ करोड ८५ लाख रुपैयाँ रहेको छ । बैंकको प्रतिसेयर नेटवर्थ २०० रुपैयाँ ८८ पैसा, पुँजी पर्याप्तता अनुपात (सीएआर) १२.१७ प्रतिशत र खुद तरल सम्पत्ति तथा निक्षेप अनुपात ४२.६७ प्रतिशत रहेको छ ।</p> <p style="text-align:justify">तर, नाफामा उल्लेख्य सुधार देखिए पनि बैंकको वितरणयोग्य नाफा भने अझै ऋणात्मक रहेको छ । चालु आर्थिक वर्षको पहिलो त्रैमाससम्म बैंकको वितरणयोग्य नाफा ५ अर्ब १६ करोड १६ लाख रुपैयाँ ऋणात्मक रहेको वित्तीय विवरणमा उल्लेख छ ।</p></p>