Wednesday, November 18, 2026||
MultiKhabarMultiKhabar

नक्कली भ्याट बिल प्रकरण : ५३ करोड जरिवाना र दुई वर्ष कैद सजाय सुनाइएका फरार प्रतिवादी पक्राउ

Share:WhatsAppFacebookX (Twitter)Telegram
नक्कली भ्याट बिल प्रकरण : ५३ करोड जरिवाना र दुई वर्ष कैद सजाय सुनाइएका फरार प्रतिवादी पक्राउ
Photo / Coverage: पर्दाफास

राजस्व चुहावट मुद्दामा ५३ करोड ८१ लाख रुपैयाँभन्दा बढी जरिवाना र दुई वर्ष कैद सजाय तोकिएका फरार प्रतिवादी गुलसन श्रीवास्तव पक्राउ परेका छन् । नक्कली मूल्य अभिवृद्धि कर (भ्याट) बिल जारी गरी कारोबार गरेको कसुरमा उच्च अदालत पाटनले श्रीवास्तवलाई २०८१ वैशाख २४ गते ५३ करोड ८१ लाख ८३ हजार ८१ रुपैयाँ जरिवाना र दुई वर्ष कैद सजाय सुनाएको थियो । रौतहटको गरुडा नगरपालिका–१ का ३३ वर्षीय श्रीवास्तव उक्त सजाय कार्यान्वयन नभई फरार रहँदै आएका थिए । जिल्ला प्रहरी कार्यालय पर्साको सहयोगमा नेपाल प्रहरीको केन्द्रीय अनुसन्धान ब्युरो (सीआईबी) ले उनलाई मंसिर २ गते वीरगञ्ज महानगरपालिका–१६, नगुवाबाट पक्राउ गरेको हो । श्रीवास्तवविरुद्ध संग्रिला ट्रेड एन्ड सप्लायर्स, प्रिन्स इन्टरनेसनल, मयंक इन्टरप्राइजेज, शुभलक्ष्मी इन्टरनेसनल र न्यू महादेव इन्टरनेसनल नामका फर्ममार्फत झुट्टा तथा नक्कली भ्याट बिल जारी गरी राजस्व चुहावट गरेको मुद्दा चलेको थियो । पक्राउ परेका उनलाई फैसला कार्यान्वयनका लागि काठमाडौं जिल्ला अदालतमा उपस्थित गराइएको प्रहरीले जनाएको छ ।

Share:WhatsAppFacebookX (Twitter)Telegram

Read Complete Original Article

Published originally on पर्दाफास

Visit Publisher Site →

Related News

🇳🇵 Nepal
नेपाली प्रतिभालाई विश्व बजारसँग जोड्न ग्लोबल क्रिएटिभ फाउन्डेसन स्थापना
OthersJust now

नेपाली प्रतिभालाई विश्व बजारसँग जोड्न ग्लोबल क्रिएटिभ फाउन्डेसन स्थापना

२ मंसिर, काठमाडौं । उदाउँदा तथा अवसरबाट वञ्चित मुलुकका सिर्जनशील प्रतिभालाई अन्तर्राष्ट्रिय बजारसँग जोड्ने उद्देश्यले ग्लोबल क्रिएटिभ फाउन्डेसन (जीसीएफ) स्थापना गरिएको छ। फाउन्डेसनले आफ्नो आधिकारिक वेबसाइट सार्वजनिक गर्दै अन्तर्राष्ट्रिय अभियान सुरु गरेको हो। भौगोलिक अवस्था, आर्थिक परिस्थिति र अवसरको अभावका कारण सिर्जनशील प्रतिभा अन्तर्राष्ट्रिय मञ्चसम्म पुग्नबाट वञ्चित हुन नहुने मान्यताका साथ फाउन्डेसन स्थापना गरिएको जनाइएको… ...

अनलाइन खबर
वाईफाई नेपालले ल्यायो आफ्नै मोबाइल एप, इन्टरनेटका सबै सुविधा मोबाइलबाटै
OthersJust now

वाईफाई नेपालले ल्यायो आफ्नै मोबाइल एप, इन्टरनेटका सबै सुविधा मोबाइलबाटै

२ मंसिर, काठमाडौं । इन्टरनेट सेवा प्रदायक कम्पनी वाईफाई नेपालले आफ्नै मोबाइल एप सार्वजनिक गरेको छ। ग्राहकलाई इन्टरनेट सेवा व्यवस्थापन तथा प्रयोगमा सहजता प्रदान गर्ने उद्देश्यले कम्पनीले एप सञ्चालनमा ल्याएको हो। एपमार्फत ग्राहकले इन्टरनेटको भुक्तानी विवरण हेर्न, वाइफाइको नाम र पासवर्ड परिवर्तन गर्न, इन्टरनेटमा जोडिएका उपकरणको विवरण तथा प्रयोगको अवस्था थाहा पाउन सक्नेछन्। त्यस्तै, नेटटिभी… ...

अनलाइन खबर
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play