टिकटकको सन् २०२६ को रिपोर्ट सार्वजनिक
काठमाडौं । टिकटकले सन् २०२६ को दोस्रो त्रैमासिक (अप्रिलदेखि जुनसम्म) को कम्युनिटी गाइडलाइन्स इन्फोर्समेन्ट रिपोर्ट सार्वजनिक गरेको छ । रिपोर्टमा टिकटकका कम्युनिटी गाइडलाइन्स उल्लंघन गर्ने कन्टेन्ट पहिचान गरी हटाउन प्लेटफर्मले चालेका कदमबारे उल्लेख छ । जसले सुरक्षित र विश्वसनीय डिजिटल वातावरण निर्माण गर्ने टिकटकको प्रतिबद्धता पुनः पुष्टि गरेको छ । नेपालमा उक्त तीन महिनाको अवधिमा टिकटकले कम्युनिटी गाइडलाइन्स उल्लंघन गरेका २० लाख ३६ हजार एक सय ९१ वटा भिडियो हटाएको जनाएको छ । जुन नेपालमा प्रकाशित कुल भिडियोको ०.४ प्रतिशत हो । प्रयोगकर्ताले रिपोर्ट गर्नुअघि नै पहिचान गरी हटाइएका भिडियोको दर ९९.५ प्रतिशत रहेको छ । त्यस्तै, गाइडलाइन्स उल्लंघन गरेका ९२.३ प्रतिशत भिडियो २४ घण्टाभित्र हटाइएका र थप समीक्षापछि ३३ हजार पाँच सय तीन भिडियो पुनःस्थापना गरिएका पनि टिकटकले जनाएको छ । टिकटकले विश्वव्यापीरूपमा १८ करोड ८२ लाख ९८ हजार एक सय ४१ भिडियो हटाएको छ, जुन यस प्लेटफर्ममा अपलोड गरिएका कुल कन्टेन्टको करिब ०.५ प्रतिशत हो । तीमध्ये १८ करोड ३३ लाख ४४ हजार सात सय सात भिडियो अटोमेटेड डिटेक्सन टेक्नोलोजी प्रयोगबाट हटाइएका हुन् । कम्पनीका अनुसार विश्वव्यापीरूपमा प्रयोगकर्ताले रिपोर्ट गर्नुअघि नै कन्टेन्ट पहिचान गरी हटाउने दर ९९.५ प्रतिशत रहेको छ भने ९२.७ प्रतिशत भिडियो २४ घण्टाभित्र हटाइएका छन् । समीक्षापछि कुल ६२ लाख ६२ हजार तीन सय ८३ भिडियो पुनःस्थापना गरिएका छन् । टिकटकले प्रयोगकर्ता एकाउन्टको स्तरमा पनि प्लेटफर्मको विश्वसनीयता कायम राख्न निरन्तर काम गरेको छ । सो अवधिमा १४ करोड ६८ लाख सात हजार चार सय फेक एकाउन्ट हटाइएको छ । त्यसका अतिरिक्त १३ वर्षभन्दा कम उमेरका प्रयोगकर्ताको हुन सक्ने आशंका गरिएका दुई करोड ६८ लाख ४० हजार सात सय ६७ एकाउन्ट पनि हटाइएका छन् । कम्युनिटी गाइडलाइन्स उल्लंघन गरेको भन्दै २७ करोड ८३ लाख ८४ हजार चार सय ६३ कमेन्टसमेत हटाइएको छ । टिकटकले लाइभ फिचरमा हुने गतिविधि निगरानी र नियम कार्यान्वयन पनि प्राथमिकतामा राखेको छ । प्रकाशित सामग्रीमध्ये २.४ प्रतिशत लाइभ कन्टेन्ट निलम्बन गरिएको छ । नियम उल्लंघनको कारबाहीस्वरूप टिकटकले सात करोड ६७ लाख २१ हजार ९३ लाइभ सेसन र दुई करोड ६७ लाख ८१ हजार एक सय ३५ लाइभ क्रिएटरलाई चेतावनी दिएको वा उनीहरूबाट आम्दानी गर्ने सुविधा हटाएको छ । समीक्षा गरेपछि २३ लाख ९८ हजार आठ सय ४६ लाइभ सेसन पुनःस्थापना गरिएका छन् ।
Read Complete Original Article
Published originally on हिमालय टाइम्स
Related News
मुगुमा वर्षासँगै हिमपात, जनजीवन कष्टकर बन्दै
मुगु । मुगुमा शुक्रबार साँझदेखि परेको वर्षासँगै हिमपात भइरहेकाले अत्यधिक चिसो बढेपछि जनजीवन प्रभावित बन्दै गएको छ । गमगढी हावापानी मापन केन्द्रका अनुसार शुक्रबार बिहान ८ः४५ बजेदेखि २४ घण्टाको अवधिमा... ...
एनएमबि बैंकको नाफा २७.११ प्रतिशतले बढ्यो, प्रतिशेयर आम्दानी र बाँड्न मिल्ने नाफामा सुधार
काठमाडाैं । एनएमबि बैंक लिमिटेडले चालु आर्थिक वर्ष २०८३/८४ को पहिलो तीन महिनामा १.१६ अर्ब रुपैयाँ खुद नाफा कमाएको छ। यो गत आर्थिक वर्षको सोही अवधिको ९१ करोड ६० लाख रुपैयाँको तुलनामा २७.११ प्रतिशतको वृद्धि हो। यससँगै बैंकको वार्षिकीकरण गरिएको प्रतिशेयर आम्दानी पनि २५.४२ प्रतिशतले बढेर २३.८३ रुपैयाँ पुगेको छ। त्यस्तै, बैंकका शेयरधनीहरूलाई बाँड्न मिल्ने नाफामा पनि सुधार भएको छ। वार्षिकीकरण गरिएको ...
कुलेखानीको जलाशय भरिन झन्डै १ मिटर बाँकी, तल्लो तटीय क्षेत्रमा सतर्क रहन आग्रह
शनिबार बिहान १० बजे जलाशयमा १ हजार ५ सय २७ दशमलव ७ सेन्टिमिटर पानी थियो भने डेढ घण्टामै १.१० मिटर पानीको सतह बढेको छ । ...
त्रिपालले ढाकियो त्रिवि क्रिकेट मैदान, वर्षाले एनपीएल प्रभावित हुने जोखिम
• निरन्तरको वर्षाका कारण त्रिभुवन विश्वविद्यालय क्रिकेट मैदान जलमग्न भएको छ। • नेपाल प्रिमियर लिग अन्तर्गत आजको खेल सञ्चालन हुने सम्भावना न्यून देखिएको छ। • मैदानलाई वर्षाबाट जोगाउन त्रिपालले ढाकिएको छ, तर पानी जमेकोले खेल सुरु गर्न कठिनाइ हुनेछ। ...
All Information In One Place
Real-time headlines from trusted sources. Get the app now — stay updated, inspired, and ahead with breaking news!
