चाडपर्वमा घर फर्किएका प्रवासी नेपालीको फेरि कर्मथलो फर्किनुपर्ने चिन्ता

<p>दशैँको टीका र तिहारको रमझमसँगै घरपरिवारसँग माया साट्न भारतबाट नेपालीहरू स्वदेश फर्किरहेका छन्।</p><p>तर उनीहरूको मनमा चाडबाडको खुसीसँगै फेरि भारत फर्किनै पर्छ नत्र कसरी परिवारको गुजारा चलाउने भन्ने चिन्ता पनि उत्तिकै छ।</p><p>रोजगारीका लागि भारतमा पसिना बगाइरहेका धेरै नेपालीका लागि चाडपर्व मनाउन देश फर्किए पनि आर्थिक जोहोका लागि कर्मथलो फर्किने अवस्थाले मन नरमाइलो बनाउँछ। </p><p>नेपालगञ्जस्थित जमुनाहा नाकामा भेटिने प्रवासी नेपालीका अनुभवले त्यस्तै आवाज प्रतिविम्बित गर्छन्।</p><ul> <li><a href="https://www.bbc.com/nepali/articles/cr3wvxx5ywvzo?xtor=AL-73-%5Bpartner%5D-%5Bnepalipatro.com.np%5D-%5Blink%5D-%5Bnepali%5D-%5Bbizdev%5D-%5Bisapi%5D" rel="noreferrer" target="_blank">चाडपर्व खर्च पाउनुभयो? नपाएको भए उजुरी गर्ने व्यवस्था यस्तो छ</a></li><li><a href="https://www.bbc.com/nepali/articles/cvze43963z0go?xtor=AL-73-%5Bpartner%5D-%5Bnepalipatro.com.np%5D-%5Blink%5D-%5Bnepali%5D-%5Bbizdev%5D-%5Bisapi%5D" rel="noreferrer" target="_blank">चाडपर्व लक्षित विशेष सुरक्षा योजना आजबाट देशैभरि लागु, विगतभन्दा फरक के छ</a></li> </ul><p>सुर्खेत र दैलेखमा घर रहेको बताउने ५८ वर्षीय रनबहादुर बोगटी करिब ४० वर्षदेखि भारतमा मजदुरी गर्दै आएका छन्।</p><p>दशैँमा समेत घर नआउने सोच बनाएका उनी एक हप्ता वा बढीमा दस दिनका लागि मात्रै नेपाल आएका हुन्।</p><p>तिहारसमेत नमानी भारत फर्किने मनसाय उनी बताउँछन्।</p><p>&quot;चाडबाड मनाएर भारत गएपछि फेरि कहिले आउने हो टुङ्गो छैन। गाडीभाडा महँगो छ। वैशाखजेठमा खेतीपातीको तयारीका बेला आउन सकिएला,&quot; उनले भने।</p><h2>भारतमा मजदुरी गर्ने नेपालीको व्यथा र गुनासो</h2><p>सल्यानका ४७ वर्षीय मिनबहादुर बोहराको अनुभव पनि उस्तै छ। भारतको सिम्लामा मजदुरी गरेर फर्किएका उनी दशैं–तिहार मनाएपछि लगत्तै भारत फर्किने योजनामा छन्।</p><p>सिम्लामा अत्यधिक हिमपात हुने भएकाले तिहारपछि गढवालतिर काम खोज्न जाने उनको सोच छ।</p><p>&quot;मजदुरी गरेर घरगुजारा चलाउनुपर्छ। यसअघि जति भोट हाले पनि अहिलेसम्म शुद्ध खानेपानी पाउन सकेका छैनौँ,&quot; उनले गुनासो गरे।</p><p>तर सल्यानकै ४९ वर्षीय कृष्णबहादुर पुनको सोच भने फरक छ।</p><p>विद्यार्थी जीवनदेखि राजनीतिमा चासो राख्दै आएका उनी एक दशकभन्दा बढी समयदेखि भारतमा रोजगारी गरे पनि नेपालमा चाडपर्वबाहेक निर्वाचनमा आउन छुटाउँदैनन्।</p><ul> <li><a href="https://www.bbc.com/nepali/articles/cqzjzxwgx87mo?xtor=AL-73-%5Bpartner%5D-%5Bnepalipatro.com.np%5D-%5Blink%5D-%5Bnepali%5D-%5Bbizdev%5D-%5Bisapi%5D" rel="noreferrer" target="_blank">धेरैजसो &#039;दशैँका सामान रसुवामा बगे&#039;, बचेका &#039;कोरलामा अड्किए&#039;</a></li><li><a href="https://www.bbc.com/nepali/articles/cvgn86k6e4jo?xtor=AL-73-%5Bpartner%5D-%5Bnepalipatro.com.np%5D-%5Blink%5D-%5Bnepali%5D-%5Bbizdev%5D-%5Bisapi%5D" rel="noreferrer" target="_blank">दशैँ: खानेहरूले कस्तो मासु खाने र कति मासु स्वास्थ्यका लागि उपयुक्त</a></li> </ul><p>कुनै समय सुर्खेत शिक्षा क्याम्पसमा अखिल क्रान्तिकारीको सचिवसमेत रहेको बताउने उनी आगामी स्थानीय तहको निर्वाचनमा भोट हाल्न आउने योजनामा छन्।</p><h2>दशैँतिहार पछि भारत फर्किने योजना</h2><p>दैलेखकी २२ वर्षीया दिलमाया विश्वकर्मा दाजु–भाउजू र श्रीमानसँगै भारतको पुनामा मजदुरी गर्दै आएकी छन्।</p><p>बर्दियाका ३५ वर्षीय रामबहादुर बुढा पनि भारतको बेङ्गलोरमा मजदुरी गर्छन्। दशैँतिहारपछि फेरि भारत फर्किने तयारीमा रहेका उनी नेपालमा युवाका लागि पर्याप्त रोजगारी नभएको गुनासो गर्छन्।</p><p>&quot;नेपालमा बसेर काम छैन, युवालाई रोजगारी नै छैन। घरपरिवार पाल्नैपर्‍यो,&quot; उनले भने।</p><ul> <li><a href="https://www.bbc.com/nepali/articles/cevm8x3jdmpo?xtor=AL-73-%5Bpartner%5D-%5Bnepalipatro.com.np%5D-%5Blink%5D-%5Bnepali%5D-%5Bbizdev%5D-%5Bisapi%5D" rel="noreferrer" target="_blank">गोरखा भर्तीबारे नेपालसँग &#039;कुरै नझिक्ने&#039; भारतको रणनीति</a></li><li><a href="https://www.bbc.com/nepali/articles/c8rnp860z7zo?xtor=AL-73-%5Bpartner%5D-%5Bnepalipatro.com.np%5D-%5Blink%5D-%5Bnepali%5D-%5Bbizdev%5D-%5Bisapi%5D" rel="noreferrer" target="_blank">नेपाल भारत सीमामा सादा पोशाकमा &#039;बीआईटी&#039;: तेस्रो देशका नागरिकहरूको सम्भावित घुसपैठ नियन्त्रण पनि उद्देश्य</a></li> </ul><p><strong>बीबीसी न्यूज नेपाली यूट्यूबमा पनि छ। हाम्रो च्यानल सब्स्क्राइब गर्न तथा प्रकाशित भिडिओहरू हेर्न </strong><a href="https://www.youtube.com/channel/UCa9wigEw31xDMh_nrscmL6g" rel="noreferrer" target="_blank"><strong>यहाँ </strong></a><strong>क्लिक गर्नुहोस्। तपाईँ </strong><a href="https://www.facebook.com/BBCnewsNepali" rel="noreferrer" target="_blank"><strong>फेसबुक</strong></a><strong>, </strong><a href="https://www.instagram.com/bbcnewsnepali/" rel="noreferrer" target="_blank"><strong>इन्स्टाग्राम </strong></a><strong>र </strong><a href="https://twitter.com/bbcnepali" rel="noreferrer" target="_blank"><strong>ट्विटर</strong></a><strong>मा पनि हाम्रा सामग्री हेर्न सक्नुहुन्छ। अनि बीबीसी नेपाली सेवाको कार्यक्रम बेलुकी पौने नौ बजे रेडिओमा सोमवारदेखि शुक्रवारसम्म सुन्न सक्नुहुन्छ। </strong></p><img src="https://a1.api.bbc.co.uk/hit.xiti/?s=598346&amp;p=nepali.articles.cq1j3wdr48j8o.page&amp;x1=%5Burn%3Abbc%3Aoptimo%3Aasset%3Acq1j3wdr48j8o%5D&amp;x4=%5Bne%5D&amp;x5=%5Bhttps%3A%2F%2Fwww.bbc.com%2Fnepali%2Farticles%2Fcq1j3wdr48j8o%5D&amp;x7=%5Barticle%5D&amp;x8=%5Bsynd_nojs_ISAPI%5D&amp;x9=%5B%E0%A4%9A%E0%A4%BE%E0%A4%A1%E0%A4%AA%E0%A4%B0%E0%A5%8D%E0%A4%B5%E0%A4%AE%E0%A4%BE+%E0%A4%98%E0%A4%B0+%E0%A4%AB%E0%A4%B0%E0%A5%8D%E0%A4%95%E0%A4%BF%E0%A4%8F%E0%A4%95%E0%A4%BE+%E0%A4%AA%E0%A5%8D%E0%A4%B0%E0%A4%B5%E0%A4%BE%E0%A4%B8%E0%A5%80+%E0%A4%A8%E0%A5%87%E0%A4%AA%E0%A4%BE%E0%A4%B2%E0%A5%80%E0%A4%95%E0%A5%8B+%E0%A4%AB%E0%A5%87%E0%A4%B0%E0%A4%BF+%E0%A4%95%E0%A4%B0%E0%A5%8D%E0%A4%AE%E0%A4%A5%E0%A4%B2%E0%A5%8B+%E0%A4%AB%E0%A4%B0%E0%A5%8D%E0%A4%95%E0%A4%BF%E0%A4%A8%E0%A5%81%E0%A4%AA%E0%A4%B0%E0%A5%8D%E0%A4%A8%E0%A5%87+%E0%A4%9A%E0%A4%BF%E0%A4%A8%E0%A5%8D%E0%A4%A4%E0%A4%BE%5D&amp;x11=%5B2026-10-19T07%3A38%3A47.522Z%5D&amp;x12=%5B2026-10-19T07%3A38%3A47.522Z%5D&amp;x19=%5Bnepalipatro.com.np%5D"/>