एप्पलले आईफोन १८ को उत्पादन सुरु गर्ने तयारी गर्दै, उच्च माग हुने अपेक्षा

अमेरिकी डिभाइस निर्माता कम्पनी एप्पलले यस वर्ष आफ्नो नयाँ आईफोन सिरिज सार्वजनिक गर्ने रणनीतिमा परिवर्तन गरेको छ। गत महिना, एप्पलले यस सिरिजका अन्य बेस मोडेलहरू आउनु अगावै ‘आईफोन १८ प्रो’ र ‘आईफोन १८ प्रो म्याक्स’ बजारमा ल्यायो। यी स्मार्टफोनहरूसँगै कम्पनीले आफ्नो पहिलो ‘फोल्डेबल’ स्मार्टफोन पनि सार्वजनिक गर्यो। अब यस सिरिजको आधारभूत (बेस) मोडेल छिट्टै सार्वजनिक हुने अपेक्षा गरिएको छ। चिनियाँ माइक्रोब्लगिङ प्लेटफर्म ‘वेइबो’ मा जानकारी दिने ‘फिक्स्ड फोकस डिजिटल’ का अनुसार, ‘आईफोन १८’ को उत्पादन नोभेम्बर महिनाबाट सुरु हुनेछ। एप्पलले यो स्मार्टफोनको माग उच्च हुने अनुमान गरेको छ, जसका कारण यसको ठूलो परिमाणमा उत्पादन हुन सक्छ। यो डिभाइस अर्को वर्षको मार्च महिनामा ‘आईफोन १८ई’ सँगै सार्वजनिक हुने अपेक्षा गरिएको छ। यी स्मार्टफोनहरूमा कम्पनीकै ‘ए२०’ चिपसेट प्रयोग हुने सम्भावना छ। ‘आईफोन १८’ मा ६.३ इन्चको डिस्प्ले र पछाडिपट्टि दुईओटा क्यामरा हुन सक्छन्। ‘आईफोन १८ प्रो’ मा ६.३ इन्चको ‘सुपर रेटिना एक्सडिआर ओएलइडी’ डिस्प्ले छ भने ‘आईफोन १८ प्रो म्याक्स’ मा ६.९ इन्चको सोही प्रविधिको डिस्प्ले रहेको छ। यी दुवैमा १,६०० निट्ससम्मको अधिकतम ब्राइटनेस र १२० हर्जको रिफ्रेस रेट उपलब्ध छ। यी आईफोनहरूमा एप्पलको नयाँ ‘ए२० प्रो’ चिपसेट जडान गरिएको छ र यिनीहरू ‘आईओएस २७’ मा चल्छन्। The post एप्पलले आईफोन १८ को उत्पादन सुरु गर्ने तयारी गर्दै, उच्च माग हुने अपेक्षा appeared first on Technology Khabar.