Sunday, November 22, 2026||
MultiKhabarMultiKhabar

इरान–अमेरिका तनाव चर्कियो, बहराइनकाे अमेरिकी अखडामा ड्रोन र क्षेप्यास्त्र प्रहार

Share:WhatsAppFacebookX (Twitter)Telegram
इरान–अमेरिका तनाव चर्कियो, बहराइनकाे अमेरिकी अखडामा ड्रोन र क्षेप्यास्त्र प्रहार
Photo / Coverage: केन्द्रबिन्दु

तेहरान/मनामा । इरानको इस्लामिक रिभोलुसनरी गार्ड कोर (आईआरजीसी) ले बहराइनस्थित दुई अमेरिकी सैन्य हवाई अड्डामा क्षेप्यास्त्र तथा ड्रोनमार्फत आक्रमण गरेको जनाएको छ । आईआरजीसीले शनिबार राति जारी गरेको विज्ञप्तिमा आफ्नो एयरोस्पेस फोर्सले बहराइनका अल रिफा र अवाली साखिर हवाई अड्डामा रहेका अमेरिकी राडारलाई लक्षित गरी जवाफी कारबाही गरेको उल्लेख गरेको छ । इरानको आधिकारिक सञ्चारमाध्यम सेपाह न्युजमा प्रकाशित विज्ञप्तिअनुसार अमेरिकी पक्षबाट इरानी हवाई क्षेत्रको उल्लङ्घन जारी रहेकाले उक्त कारबाही गरिएको हो । आक्रमणमा अमेरिकी सेनाको प्याट्रियट हवाई रक्षा प्रणालीसँग सम्बन्धित दुई राडारमा क्षति पुगेको आईआरजीसीको दाबी छ । आईआरजीसीले अमेरिकी सेनाका एमक्यू–१ प्रिडेटर र एमक्यू–९ रिपर ड्रोनले पनि शनिबार इरानी हवाई क्षेत्रमा प्रवेश गरेको आरोप लगाएको छ । इरानी हवाई क्षेत्र आफ्नो सशस्त्र सेनाका लागि संवेदनशील विषय भएको उल्लेख गर्दै उसले उल्लङ्घन भए कडा जवाफ दिने चेतावनी दिएको छ । यसैबीच, बहराइनको आन्तरिक मन्त्रालयले इरानी आक्रमणमा एउटा औद्योगिक प्रतिष्ठानलाई लक्षित गरिएको र त्यहाँ आगलागी भएको जनाएको छ । आगो नियन्त्रणमा लिन नागरिक सुरक्षा टोली परिचालन गरिएको मन्त्रालयले बताएको छ । बहराइन रक्षा बलका अनुसार हवाई रक्षा प्रणालीले इरानबाट प्रहार गरिएका केही हवाई आक्रमणलाई रोकेको थियो । रोकिएका आक्रमणका अवशेष खस्दा सामान्य भौतिक क्षति भए पनि मानवीय क्षति नभएको जनाइएको छ । यसैबीच, इरानका उपविदेशमन्त्री काजेम गरिबाबादीले अमेरिकाले लगाएको आर्थिक नाकाबन्दीलाई युद्धको कार्यका रूपमा लिएको बताएका छन् । उनले नाकाबन्दी तोड्न आवश्यक सबै उपाय अपनाउने चेतावनी दिए । उनका अनुसार युद्धविराम गर्ने र हर्मुज जलडमरूमध्य पुनः सञ्चालनमा ल्याउने दुईदिने योजना इरानले अघि सारेको एकमात्र प्रस्ताव हो । अमेरिकाले उक्त योजना कार्यान्वयनका लागि आवश्यक सर्त पूरा गरे वार्ता अघि बढाउन सकिने उनले बताए । इरान र अमेरिकाबीच हर्मुज जलडमरूमध्य तथा आसपासका क्षेत्रमा तनाव पुनः बढिरहेका बेला पछिल्लो घटना भएको हो ।

Share:WhatsAppFacebookX (Twitter)Telegram

Read Complete Original Article

Published originally on केन्द्रबिन्दु

Visit Publisher Site →

Related News

🇳🇵 Nepal
यु–१९ राष्ट्रिय क्रिकेट प्रतियोगिताको खेल तालिका सार्वजनिक
Latest NewsJust now

यु–१९ राष्ट्रिय क्रिकेट प्रतियोगिताको खेल तालिका सार्वजनिक

काठमाडौँ । नेपाल क्रिकेट सङ्घ (क्यान) ले स्वर्गीय नरेश श्रेष्ठको स्मृतिमा आयोजना गर्ने यु–१९ पुरुष राष्ट्रिय क्रिकेट प्रतियोगिताको खेल तालिका सार्वजनिक गरेको छ । क्यानले सार्वजनिक गरेको खेल तालिकाअनुसार प्रतियोगिता यही... ...

रातोपाटी
भोटेकोशी बाढी प्रभावित विद्यार्थीको १६ शीर्षकका शुल्क मिनाहा गर्ने त्रिविको निर्णय
Latest NewsJust now

भोटेकोशी बाढी प्रभावित विद्यार्थीको १६ शीर्षकका शुल्क मिनाहा गर्ने त्रिविको निर्णय

काठमाडौं । त्रिभुवन विश्वविद्यालयले रसुवा–भोटेकोशी बाढीबाट प्रभावित विद्यार्थीको १६ शीर्षकका शुल्क मिनाहा गर्ने निर्णय गरेको छ। बाढीका कारण विस्थापित तथा प्रभावित भएका वार्षिक र सेमेस्टर प्रणालीमा अध्ययनरत विद्यार्थीका साथै आगामी शैक्षिक सत्रमा नयाँ भर्ना हुन चाहने विद्यार्थीले यो सुविधा पाउने भएका छन्। त्रिविका प्रवक्ता नविन्द्र भण्डारीका अनुसार सम्बन्धित स्थानीय तहको सिफारिसका आधारमा शुल्क मिनाहा गरिनेछ। धरौटी र परीक्षा शुल्कबाहेकका शुल्क मिनाहा ...

केन्द्रबिन्दु
यी हुन् प्रधानमन्त्रीसँग भारत भ्रमणमा जाने मन्त्रीदेखि कर्मचारी
Latest NewsJust now

यी हुन् प्रधानमन्त्रीसँग भारत भ्रमणमा जाने मन्त्रीदेखि कर्मचारी

प्रधानमन्त्री वालेन्द्र शाहलाई कार्यवाहक प्रधानमन्त्री विराजभक्त श्रेष्ठ, गृहमन्त्री सुधन गुरुङ र रास्वपा प्रवक्ता तथा सांसद जगदीश खरेलले त्रिभुवन अन्तर्राष्ट्रिय विमानस्थलमा बिदाइ गरेका थिए । ...

कान्तिपुर
कोप-३१: ‘हिमाल तथा जलवायु परिवर्तन कार्यक्रम’ स्थापना गर्ने सहमति
Latest NewsJust now

कोप-३१: ‘हिमाल तथा जलवायु परिवर्तन कार्यक्रम’ स्थापना गर्ने सहमति

काठमाडौं । संयुक्त राष्ट्रसङ्घीय जलवायु परिवर्तन महासन्धि (युएनएफसिसिसी) अन्तर्गत टर्कीएको अन्ताल्यामा जारी पक्ष राष्ट्रहरूको ३१औँ सम्मेलन (कोप–३१) मा हिमाल तथा जलवायु परिवर्तनसम्बन्धी दुईवर्षे कार्यक्रम स्थापना गर्ने सहमति भएको छ । यो सहमति औपचारिक रूपमा पारित भएमा पहिलोपटक हिमाल, हिमाली पारिस्थितिक प्रणाली र हिमनदीमा निर्भर समुदायले संयुक्त राष्ट्रसङ्घको जलवायु परिवर्तनसम्बन्धी वार्ता प्रक्रियामा छुट्टै औपचारिक स्थान पाउनेछन् । सम्मेलनमा सहभागी पक्ष राष्ट्रहरूबीच हिमालसम्बन्धी विषयमा ...

केन्द्रबिन्दु
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play