काठमाडौं । अमेरिकामा मध्यावधि चुनावको मतगणना जारी छ। ३६ राज्यमा गभर्नर पदका लागि पनि मतदान भएको छ। सीबीएस न्युजले धेरै राज्यमा गभर्नर पदको प्रतिस्पर्धाको आफ्नो मूल्यांकन जारी गरेको छ, जसले डेमोक्र्याटिक पार्टीले अग्रता लिइरहेको देखाएको छ। एरिजोना, आयोवा, मिसिगन, मिनेसोटा र न्यु मेक्सिकोमा डेमोक्र्याटिक पार्टी बलियो स्थितिमा अग्रता लिएका छन् । दक्षिण डकोटामा रिपब्लिकन पार्टीले जित्ने सम्भावना रहेको छ । कान्सास, नेब्रास्का, टेक्सास र विस्कन्सिनमा डेमोक्र्याटिक पार्टी र रिपब्लिकन पार्टीबीच नजिकको प्रतिस्पर्धा रहेको छ । अमेरिकामा ३६ राज्यमा गभर्नरसहित अमेरिकी कंग्रेस (संसद्) को तल्लो सदन ‘हाउस अफ रिप्रेजेन्टेटिभ्स’ (प्रतिनिधि सभा) का सबै ४३५ सिट र माथिल्लो सदन सिनेटका ३५ सिटका लागि मध्यावधिन निर्वाचन गरिएको हो। अमेरिकामा राष्ट्रपति चुनावको ठिक दुई वर्षपछि मध्यावधि चुनाव हुन्छ। हाल संसद्का दुवै सदनमा ट्रम्पको रिपब्लिकन पार्टीले बहुमत छ। यदि पार्टीले यीमध्ये एउटा मात्र सदनमा बहुमत गुमायो भने ट्रम्पलाई आफ्नो एजेन्डासँग सम्बन्धित कानुन पारित गराउन गाह्रो हुनेछ। अमेरिकाको न्याय विभाग (डीओवे) का अनुसार देशको इतिहासमा पहिलोपटक सबै ५० राज्यमा लगभग हजार जना चुनाव अनुगमनकर्ता र पर्यवेक्षक खटिएका छन्। यसको उद्देश्य स्वतन्त्र र निष्पक्ष चुनाव सुनिश्चित गर्न मद्दत गर्नु हो। यदि डेमोक्र्याटिक पार्टीले संसद्मा बहुमत हासिल गर्यो भने ट्रम्पका योजना रोक्न सजिलो हुनेछ। चुनावको प्रारम्भिक नतिजा अमेरिकी समय (ईएसटी) साँझ ६ बजेपछि अर्थात् नेपाली समय बुधबार बिहान साढे ४ बजेतिर आउन सुरु गर्नेछ। अमेरिकी कंग्रेसमा बहुमतको गणित अमेरिकी कंग्रेस (संसद) का दुवै सदनमा बहुमत हासिल गर्न फरक-फरक संख्यामा सिट आवश्यक पर्छ। सिनेटमा बहुमतका लागि ५१ सिट आवश्यक पर्छ। सिनेटमा कुल १०० सिट छन्। हाल रिपब्लिकन पार्टीसँग ५३ सिट छन् भने डेमोक्र्याटिक पार्टीसँग ४५ सिट छन्। अनि डेमोक्र्याटिकसँग काम गर्ने दुई स्वतन्त्र सांसद छन्। यसले दुई दलबिच ५३-४७ सिटको अनुपात सिर्जना गरेको छ। बहुमतका लागि ५१ सदस्यको समर्थन चाहिन्छ। दुवै दलसँग ५०-५० सिट भए भने उपराष्ट्रपति जेडी भान्सले निर्णायक मत दिन सक्छन्। यसपटक सिनेटका ३५ सिटका लागि मतदान हुँदै छ। यीमध्ये २२ रिपब्लिकन पार्टीको र १३ डेमोक्र्याटिक पार्टीका छन्। डेमोक्र्याटिकहरूलाई बहुमत हासिल गर्न कम्तीमा ४ सिट आवश्यक छ। हाउस अफ रिप्रेजेन्टेटिभ्समा बहुमतका लागि २१८ सिट आवश्यक छ । अमेरिकी संसद्को तल्लो सदन हाउस अफ रिप्रेजेन्टेटिभ्समा कुल ४३५ सिट छन्। बहुमतका लागि २१८ सिट आवश्यक पर्छ। यसपटक हाउसका सबै ४३५ सिटका लागि चुनाव हुँदै छ, जसको अर्थ प्रत्येक सिटमा प्रतिस्पर्धा हुनेछ। २१८ वा सोभन्दा बढी सिट जित्ने पार्टीले हाउसमा बहुमत प्राप्त गर्नेछ। यसरी मध्यावधि चुनावबाट रिपब्लिकन पार्टी दुवै सदनमा बहुमत कायम राख्न चाहन्छ भने डेमोक्र्याट पार्टी पनि दुवै सदनमा बहुमत प्राप्त गर्ने प्रयासमा छ।
अमेरिकामा मतगणना जारी : यी राज्यका गभर्नर पदमा डेमोक्र्याटिक अगाडि
Read Complete Original Article
Published originally on केन्द्रबिन्दु
