कांग्रेसमा ३५ वर्षमुनिका केन्द्रीय सदस्य को–को बने?

काठमाडौं। नेपाली कांग्रेसको १५औँ महाधिवेशनअन्तर्गत ३५ वर्षमुनिका युवा खुलातर्फ १५ जना केन्द्रीय सदस्य निर्वाचित भएका छन्। निर्वाचितमध्ये सचिन तिमिल्सेना सर्वाधिक मत प्राप्त गर्दै पहिलो स्थानमा आएका छन्। निर्वाचन समितिका अनुसार तिमिल्सेनाले ३ हजार १५६ मत प्राप्त गरेका छन्। यस्तै, इन्जिनियर अभिषेक आत्रेय २ हजार ८१४ मतसहित दोस्रो र सुशील भट्ट २ हजार ७५३ मतसहित तेस्रो स्थानमा निर्वाचित भएका छन्। युवा खुलातर्फ केन्द्रीय सदस्यमा निर्वाचित हुने अन्य उम्मेदवारमा डा. आयुस बगाले, आदर्श मल्ल, इन्जिनियर रोशन बस्नेत, इन्जिनियर शैलेश मिश्र, सौगात थापा, उषा सापकोटा र विजय गुरुङ रहेका छन्। यसैगरी मदनराज उपाध्याय, विनोदराज जोशी, भुपेन्द्रसिंह थेवे, श्यामराज ओझा र यज्ञशिव राई पनि केन्द्रीय सदस्यमा निर्वाचित भएका छन्। नेपाली कांग्रेसको १५औँ महाधिवेशनअन्तर्गत पार्टीको केन्द्रीय नेतृत्व चयनका लागि पदाधिकारीसहित विभिन्न समावेशी समूह र खुलातर्फका केन्द्रीय सदस्यको निर्वाचन तथा मतगणना गरिएको हो।