घटस्थापनादेखि २ लाख ६२ हजार यात्रुले छाडे काठमाडौं, ३७ हजार सवारीसाधनबाट  बाहिरिए

<p> <p style="text-align:justify"><strong>काठमाडौं । </strong>दसैँ मनाउन घटस्थापनादेखि असोज २९ गतेसम्म २ लाख ६२ हजार ७५३ जना यात्रुले काठमाडौं उपत्यका छाडेका छन्। उनीहरू ३७ हजार ९६४ वटा सवारीसाधनमार्फत उपत्यकाबाट बाहिरिएका हुन्।</p></p> <p> <p style="text-align:justify">काठमाडौं उपत्यका ट्राफिक प्रहरी प्रमुख एवं प्रहरी वरिष्ठ उपरीक्षक सुरेशप्रसाद काफ्लेका अनुसार दसैँ नजिकिँदै जाँदा घर फर्किने यात्रुको चाप उपत्यकाका प्रमुख नाकामा बढेको छ। उपत्यका छाड्नेमा १ लाख १५ हजार ८६ जना महिला र १ लाख ६१ हजार १६७ जना पुरुष छन्।</p></p> <p> <p style="text-align:justify">अध्ययन, रोजगारी तथा व्यवसायका सिलसिलामा काठमाडौं उपत्यकामा बसोबास गर्दै आएका नागरिक दसैँ मनाउन घर फर्किन थालेपछि बसपार्क र प्रमुख नाकामा यात्रुको चाप बढेको हो। नागढुंगा, फर्पिङ, थानकोट, भीमढुंगा, तीनपिप्ले, साँखु, भक्तपुर र भट्टेडाँडालगायत नाकाबाट यात्रु बाहिरिने क्रम जारी छ।</p></p> <p> <p style="text-align:justify">यात्रुको चाप बढेपछि ट्राफिक प्रहरीले सवारी आवागमन व्यवस्थापन र दुर्घटना न्यूनीकरणका लागि निगरानी बढाएको जनाएको छ। चाडपर्वका बेला यात्रुको सुरक्षा सुनिश्चित गर्न ट्राफिक प्रहरी चौबीसै घण्टा सडकमा खटिएको काफ्लेले बताए।</p> <p style="text-align:justify">लामो दूरीको यात्रा गर्दा सवारीसाधनको अवस्था, चालकको स्वास्थ्य र सवारी चलाउने समयबारे ध्यान दिनुपर्ने प्रहरीले जनाएको छ। यात्रु र चालक दुवैले सावधानी अपनाउँदा सम्भावित दुर्घटना न्यूनीकरण गर्न सकिने प्रहरीको भनाइ छ।</p> <p style="text-align:justify">यातायात व्यवस्था विभागका अनुसार नागढुंगा&ndash;नौबिसे, मुग्लिन&ndash;नारायणगढ, कान्ति लोकपथ र बीपी राजमार्गलगायत प्रमुख सडकमा दुवैतर्फ यातायात सञ्चालन भइरहेको छ।</p></p> <p></p>