काठमाडौं । पछिल्लो २४ घण्टामा देशभर भएका सवारी दुर्घटनामा १५ जनाको मृत्यु भएको छ भने १६९ जना घाइते भएका छन् । नेपाल प्रहरीले सार्वजनिक गरेकाे कार्तिक ३० गतेको विवरणअनुसार सबैभन्दा बढी मानवीय क्षति सुदूरपश्चिम र मधेस प्रदेशमा भएको छ । सुदूरपश्चिम प्रदेशमा पाँच जनाको मृत्यु हुँदा २५ जना घाइते भएका छन् । मधेस प्रदेशमा पनि पाँच जनाकै मृत्यु भएको छ भने ३२ जना घाइते भएका छन् । त्यस्तै, बागमती प्रदेशमा दुई जनाको मृत्यु र दुई जना घाइते भएका छन् । कर्णाली र लुम्बिनी प्रदेशमा एक–एक जनाको मृत्यु भएको छ । कर्णालीमा चार जना र लुम्बिनीमा ३५ जना घाइते भएका छन् । कोशी प्रदेशमा ३१ जना घाइते भएका छन् भने गण्डकी प्रदेशमा ३६ जना घाइते भएका छन् । काठमाडौं उपत्यकामा १४ जना घाइते भएको प्रहरीकाे विवरणमा उल्लेख छ ।
२४ घण्टामा सवारी दुर्घटनामा १५ जनाले गुमाए ज्यान, १६९ जना घाइते

Read Complete Original Article
Published originally on केन्द्रबिन्दु






