Sunday, November 22, 2026||
MultiKhabarMultiKhabar

१४२ रन बनाउने खेलाडी वैकल्पिकमा, कोशीको क्रिकेट छनोट विवादमा

Share:WhatsAppFacebookX (Twitter)Telegram
१४२ रन बनाउने खेलाडी वैकल्पिकमा, कोशीको क्रिकेट छनोट विवादमा
Photo / Coverage: नेपालन्युज

विराटनगर। दशौँ राष्ट्रिय खेलकुद प्रतियोगिताका लागि कोशी प्रदेशबाट गरिएको क्रिकेट खेलाडी छनोट विवादमा परेको छ । छनोट चरणमा उत्कृष्ट प्रदर्शन गरेका खेलाडीलाई वैकल्पिकमा राखेर तुलनात्मक रूपमा कमजोर प्रदर्शन गर्ने खेलाडीलाई मुख्य टोलीमा समावेश गरिएको भन्दै पूर्वराष्ट्रिय खेलाडीहरूले छनोट समितिको निर्णयमाथि प्रश्न उठाएका छन् । कर्णाली प्रदेशको सुर्खेतमा हुने प्रतियोगिताका लागि कोशीबाट १४ जना नियमित र चार जना वैकल्पिक खेलाडी छनोट गरिएको छ । तर, खेलाडीको प्रदर्शनभन्दा व्यक्तिगत निकटता र सम्बन्धलाई प्राथमिकता दिएर छनोट गरिएको पूर्वराष्ट्रिय खेलाडीहरूको आरोप छ । प्रदेश खेलकुद विकास बोर्डले खेलाडी छनोटको जिम्मेवारी प्रादेशिक क्रिकेट संघ, कोशीलाई दिएको थियो । संघले अन्तरराष्ट्रिय क्रिकेट खेलाडी सिद्धान्त लोहनीको संयोजकत्वमा तीन सदस्यीय छनोट समिति गठन गरेको थियो । समितिमा लोहनीसहित मोहम्मद ताहिर र कुन्दन सिंह (कुनाल) खतिवडा सदस्य थिए । सोही समितिले गरेको छनोटलाई लिएर विवाद चुलिएको हो । सात पटक राष्ट्रियस्तरका प्रतियोगिता खेलिसकेका पूर्वराष्ट्रिय खेलाडी विधान चन्द गोस्वामीले छनोटमा उत्कृष्ट प्रदर्शन गरेका खेलाडीलाई पाखा लगाइएको आरोप लगाए । उनका अनुसार छनोट चरणमा राम्रो प्रदर्शन गरेका खेलाडी वैकल्पिकमा परेका छन् भने तुलनात्मक रूपमा कमजोर प्रदर्शन गर्ने खेलाडी मुख्य टोलीमा समेटिएका छन् । ‘छनोट भएका १४ जना खेलाडीको नाम हेर्दा हामी नै आश्चर्यमा पर्‍यौँ । छनोट भएकाभन्दा राम्रो खेल्ने खेलाडीलाई वैकल्पिकमा राखिएको छ,’ गोस्वामीले भने, ‘झापाका भुपाल डंगालले टी–२० छनोट चरणका तीन खेलमा १४२ रन बनाएका थिए । उनको उच्च स्कोर ९१ रन थियो । दुई खेलमा उनी अविजित रहे पनि वैकल्पिकमा राखियो ।’ उनले मुख्य टोलीमा परेका कृति कामतले दुई खेलमा जम्मा २८ रन बनाएको तर १४२ रन बनाउने भुपाल वैकल्पिकमा परेको भन्दै छनोटको आधारमाथि प्रश्न उठाए । त्यस्तै, मुख्य टोलीमा परेका सोनु अन्सारीले दुई खेलमा २९ रन मात्रै बनाएको अवस्थामा झापाका रवीन्द्र यादव छनोटमा नपरेको गोस्वामीको भनाइ छ । रवीन्द्रले तीन खेलमा ५३ बल सामना गर्दै ७५ रन बनाएका थिए । ‘रवीन्द्र र भुपालजस्ता खेलाडीलाई बाहिर राखेर आफू निकटका खेलाडीलाई प्राथमिकता दिइएको देखिन्छ,’ उनले भने, ‘यस्तो छनोटले राष्ट्रिय प्रतियोगितामा कोशीको प्रदर्शनमा असर पार्न सक्छ ।’ गोस्वामीले मुख्य टोलीमा परेका सोनु अन्सारी छनोट समितिका संयोजक सिद्धान्त लोहनीसँग निकट रहेको र क्लबस्तरका प्रतियोगितामा लोहनीकै क्लबबाट खेल्ने गरेको दाबी गरे । त्यस्तै, साकिप हकले छनोट चरणका दुई खेलमा ४० रन मात्रै बनाएको र छनोट समितिका सदस्य कुन्दन सिंहसँग निकट रहेकै कारण टोलीमा परेको चर्चा रहेको उनले बताए । साकिप सहभागी मोरङको टोली छनोट चरणको सेमिफाइनलमा सुनसरीसँग पराजित भएको थियो । छनोट प्रक्रियाबारे प्रदेश खेलकुद विकास बोर्डलाई समेत जानकारी गराउँदा सुनुवाइ नभएको गोस्वामीको गुनासो छ । ‘कोशी प्रदेशको क्रिकेट विकासका लागि हामीले यो विषय बाहिर ल्याउनुपरेको हो,’ उनले भने । यता, प्रदेश खेलकुद विकास बोर्डका सदस्य टीकाराम पुरी र छनोट समितिका संयोजक सिद्धान्त लोहनीसँग यस विषयमा प्रतिक्रिया लिन खोज्दा सम्पर्क हुन सकेन । दुवै जनाले फोन उठाएनन् । प्रदेश खेलकुद विकास बोर्डका सदस्य सचिव विप्लव घोषले भने क्रिकेट संयोजक र छनोट समितिले सिफारिस गरेका खेलाडीको नामावलीका आधारमा बोर्डले टोली सार्वजनिक गरेको बताए । ‘खेलाडी छनोटका लागि हामीले संयोजक तोकेका थियौँ । उहाँहरूले खेल खेलाएर छनोट गरेको आधारमा नाम पठाउनुभएको भनिएको छ,’ घोषले भने, ‘यदि उत्कृष्ट प्रदर्शन गरेका खेलाडी छुटाइएका रहेछन् भने यस विषयमा हामी थप बुझ्नेछौँ ।’ कोशी प्रदेशबाट छनोट भएको टोलीमा सुजन थपलिया (कप्तान), अंकित सुवेदी, रितेस रोय (विकेटकिपर), साकिप हक, फिरदोष अन्सारी, दिपेश कँडेल, विपिन महतो, प्रतिक पोखरेल, सोनु मण्डल, प्रेम कामत, समिर कार्की, कृति कामत, मेहबुक इराकी र सोनु अन्सारी छन् । वैकल्पिक खेलाडीमा भुपाल डंगाल, विजय कार्की, सवर्ण किस्कु र रोहन साह छन् । दशौँ राष्ट्रिय खेलकुद प्रतियोगितामा सहभागी हुन कोशी प्रदेशको टोली सोमबार विराटनगरबाट सुर्खेत प्रस्थान गरेको छ । प्रतियोगिताअन्तर्गत कोशीले मंसिर ८ गते बागमती प्रदेशसँग पहिलो खेल खेल्ने तालिका छ ।

Share:WhatsAppFacebookX (Twitter)Telegram

Read Complete Original Article

Published originally on नेपालन्युज

Visit Publisher Site →
Advertisement

Related News

🇳🇵 Nepal
प्रोटोकल तोडेर भारत पुगेका प्रधानमन्त्रीले सम्झिनुपर्ने नेपाल र भारतबीच भएका पुराना सन्धि र सम्झौत ?
Latest NewsJust now

प्रोटोकल तोडेर भारत पुगेका प्रधानमन्त्रीले सम्झिनुपर्ने नेपाल र भारतबीच भएका पुराना सन्धि र सम्झौत ?

• प्रधानमन्त्री बालेन शाह दुई दिने राजकीय भ्रमणका लागि भारत प्रस्थान गरेका छन्, जसमा प्रमुख सल्लाहकार र मन्त्रीहरू पनि सहभागी छन्। • भ्रमण अघि राष्ट्रपति र दलका नेताहरूसँग छलफल नगरी जानु र प्रोटोकल तोडिनुका कारण आलोचना भइरहेको छ। • नेपाल र भारतबीचका सम्झौताहरूको कार्यान्वयनमा प्रश्न उठिरहेको छ, विशेषगरी १९५० को सन्धि र पञ्चेश्वर आयोजना जस्ता महत्वपूर्ण विषयहरूमा। ...

नेपालबहस
मुख्यमन्त्री यादवको पहिलो निर्णय : प्रदेशभर एकीकृत रोजगार कार्यक्रम सञ्चालन गर्ने
Latest NewsJust now

मुख्यमन्त्री यादवको पहिलो निर्णय : प्रदेशभर एकीकृत रोजगार कार्यक्रम सञ्चालन गर्ने

मुख्यमन्त्री सरोजकुमार यादवले आइतबार पदभार गर्दै प्रदेशमा विद्यमान गरिबी, बेरोजगारी र न्यून साक्षरताजस्ता समस्याको समाधानका लागि सीप विकास, रोजगारी सिर्जना तथा उद्यमशीलता प्रवर्द्धनका लागि कार्यक्रम सञ्चालन गर्ने निर्णय गरेका हुन् । ...

कान्तिपुर
दक्षिण कोरियाका शिक्षामन्त्रीद्वारा राजीनामा
Latest NewsJust now

दक्षिण कोरियाका शिक्षामन्त्रीद्वारा राजीनामा

सोल । दक्षिण कोरियाका शिक्षामन्त्री चोइ क्यो–जिनले विश्वविद्यालय प्रवेश परीक्षामा चोरी रोक्न सरकारले अपनाएका आकस्मिक उपायको जिम्मेवारी लिँदै राजीनामा दिएका छन् । बिहीबार सम्पन्न वार्षिक विश्वविद्यालय प्रवेश परीक्षा ‘सुनुङ’मा एआईको प्रयोग... ...

रातोपाटी
नयाँ दिल्लीमा प्रधानमन्त्री बालेन, राज्यमन्त्रीले गरे स्वागत
Latest NewsJust now

नयाँ दिल्लीमा प्रधानमन्त्री बालेन, राज्यमन्त्रीले गरे स्वागत

काठमाडौं । भारत भ्रमणमा रहेका प्रधानमन्त्री वालेन्द्र शाह ‘बालेन’ नयाँ दिल्ली पुगेका छन् । आइतबार दिउँसो त्यसतर्फ प्रस्थान गरेका प्रधानमन्त्री शाह अपरान्ह भारत पुगेका हुन् । उनले नयाँ दिल्लीस्थित इन्धिरा गान्धी इन्टरनेशनल एरपोर्टमा भारतका उद्योग तथा वाणिज्य राज्यमन्त्री जितिन प्रसादले स्वागत गरे । गत चैतमा प्रधानमन्त्री बनेपछिको बालेनको यो पहिलो औपचारिक विदेश भ्रमण हो । ...

लोकपथ
Multikhabar App

All Information In One Place

Real-time headlines from trusted sources. Get the app now — stay updated, inspired, and ahead with breaking news!

Get it on Google Play
Advertisement